Apocalipsis 2:3 - Bible in Tzotzil de Chamula

³ Jna' lec ti ts'iquem cuchem avu'un ti avocole, ti yepal ta xa'abtej ta jventae, ti mu ja'uc juteb lalubtsaje.

Tzotzil Zinacantan

³ Avacꞌ avocolic cuꞌun pero icuch avuꞌunic, muc xapaquic. Lec latunic cuꞌun, muc xavicta abaic yuꞌun sjunul toꞌox avoꞌonic acꞌanojicon.

Bible in Tzotzil de Chenalhó with Deuterocanon

³ Laj ats'iquic vocol; tsots la'abtejic ta jventa; muc xchibaj avo'ntonic.

Tzotzil San Andres

³ Cꞌalal avichꞌic vocol ta jventae, jun avoꞌonic icuch avuꞌunic. Tsots laꞌabtejic cuꞌun, muc bu xchibaj avoꞌonic.

Tzotzil de Huixtán

³ Jna' ti jun avo'ntonic ats'icojic ti vocole. Tsots na'abtejic xa ti jventa. Mu'yuc ti bu sc'an chchibaj avo'ntonic.

Apocalipsis 2:3 Iomraidhean Croise

Salmos 37:7

Ts'ijano aba ta stojol ti Diose; muc'uc no'ox avo'nton ta smalael ti ta sva'an sba ta scoltaelote. Mu xlic sti'emal ajol yu'un ti buch'u caj tsacal xa'i sbae, ti buch'u yac'oj xa sjol ta spasel ti c'usi chopole.

Salmos 69:7

Ta aventa cuchem cu'un ti c'usitic tsots ta xiyalbeique; mu x'ech' q'uexlaltasbil ti jba jsate.

Miqueas 7:9

Laj jsa' jmul ta stojol ti Diose. Ja' jech xtoc un, cuch cu'un ti sc'ac'al yo'ntone, ja' to ti c'uxi ta xc'ot ta chapel yu'un ti jc'oplale, ja' to jech ta sva'an sba ta jpojel. Ti Diose ta xiyic'un batel ta saquilal osil; ta xiyac'bun quil ti c'u s'elan ta spas canale.

Marcos 15:21

Ti bu taje, ja' o ta ox x'ech' talel jun vinic sut talel ta yosil, ti liquem talel ta Cirene banomile, ti sbiinoj Simón, stotic ti Alejandroe, ti Rufoe. Laj sujic ta xcuchel batel scurusal ti Jesuse.

San Lucas 14:27

Ti buch'u ta sc'an ta xists'aclie, mi mu sc'an sts'ic xcuch svocol ta jventa, mu xu' ta x'och ta cajchanc'op.

San Lucas 18:1

Ti Jesuse xi laj yalbe ya'i jun babac'op ti yajchanc'optac yo' mu xlubtsajic ta c'opojel ti'inele:

San Lucas 21:19

Tsotsan ava'i un yo' ta xata apojel acolel.

San Lucas 5:5

Ti Simone xi tac'ave: —Jchanubtasvanej, sjunul ac'ubal li'abtejcutic, mi jcotuc laj jtacutic ta masel ti choye. Ti jech loc' xa ta alel avu'un ti mantale, ta jip yalel avil ti smasobile.

San Lucas 8:15

Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

San Juan 15:21

Scotol taje, jech ta xc'ot ta atojolic ta jventa, yu'un mu xojtiquinic ti Buch'u laj stacun talele.

Romanos 12:12

Muyubajanic ta sventa ti oy c'usi apatoj avo'ntonic ta smalaele. Oyuc yip stsatsal avo'ntonic c'alal ta xavich' avocolique. Mu me xavicta abaic ta c'opojel ti'inel.

Romanos 16:12

Chabanuc xavalbe ya'iic ti Trifenae, ti Trifosae, ti ja' ta x'abtejic ta yabtel ti Cajvaltique, xchi'uc ti jun ants Pérsida ti ep abtej ta sventa yabtel ti Cajvaltique.

Romanos 2:7

Ta xac'be xcuxlejal sbatel osil ti buch'utic yac'ojbeic yipal ta sa'el ti slequilalique, ti yich'elic ta muq'ue, ti c'usi mu sna' xlaje, ti mu'yuc laj yicta sbaic ta spasel ti c'usi leque.

Romanos 8:25

Mi ta to jmalatic ti c'usi mu'yuc quilojtique, ts'ico no'ox ava'i vocol ta smalael.

1 Corintios 13:7

Ti buch'u oy syail xc'uxul yo'ntone ta xch'ay ta yo'nton ti oy c'usi chopol ta xc'ot ta pasele, x'ech' jelav no'ox yu'un scotol, smala no'ox ya'i ora, oy smuc'ul yo'nton ta sts'iquel scotol.

1 Corintios 16:16

Ti jech jch'unolajeletic taje, ti jech ta x'abtejique, ti jech ta xcoltavanique, ta jc'an ti ac'o ach'unbeic ti c'usi ta xalboxuque.

2 Corintios 10:15

Ma'uc ma' ti xitoyetcutic xa xchi'uc yabtel ti yan ti bu laj xa sliquese, ti ta jbis xa ta cabtelcutique, ti naca sventainel xa batel ti bu ma'uc jventainojcutique. Le'e, ja' no'ox ta jc'ancutic ta xi'abtejcutic ta atojolic yo' jech c'otuc lec ta avo'ntonic ta ch'unel avu'unic ti Cajvaltique, ja' no'ox ti bu ic'biluncutic batel yu'un ti Diose.

2 Corintios 11:23

¿Mi yajtuneltac Cristo ti stuquique? x'ech' to yajtunelun ti vu'une, ja' mu sta ti stuquique, ac'o mi co'ol s'elan chuvaj ti va'i s'elan ta xcale. Yu'un vu'un x'ech' to ta xi'abtej, ja' mu sta ti stuquique. Ti vu'une quich'oj ep tsitsel, ja' mu sta ti stuquique. Ep ta coj litic'at ta chuquel. Ep ta coj jutuc xa mu quich' milel.

2 Corintios 4:1

Ti jech ta xc'uxul yo'nton yac'ojbuncutic cabtelcutic ti Diose, jech o xal un, mu xichibajcutic ta spasbel ti yabtele.

2 Corintios 4:16

Jech o xal mu xichibajcutic. Ac'o mi lubtsajem xa ta q'uelel ti jbec'tal jtacopalcutique, yacal ta stsac batel yip jujun c'ac'al ti co'ntoncutique.

2 Corintios 5:9

Jech o xal un, ta xcac'becutic yipal ti lecuc xiyiluncutic ti Cajvaltic ti li' to cuxuluncutique, mi ch'abal xa li' oyuncutique.

2 Corintios 6:5

ti tsitsele, ti chuquele, ti xvochvun c'op yu'un ti na'leele, ti tsots abtel ta j'ech'ele, ti ts'iquem cu'uncutic ti vayele, xchi'uc ti ts'ic vi'nale.

Gálatas 6:2

Cuchbo abaic ti avocolic ta jujun tale. Mi jech ta xapasique, ta xc'ot ta pasel avu'unic ti jbel smantal ti Cristoe.

Gálatas 6:9

Ja' lec ti mu xijlubtsaj ta spasel ti leque. Mi mu xijchibaj ta bee, ta sta sc'ac'alil ta jtsobbetic ti sate.

Filipenses 2:16

c'alal yacaloxuc ta yalbel ya'iic ti cuxlejal ach' c'ope. Ja' yu'un un, c'alal ta xcha'sut talel ti Cristoe, ximuyubaj ta atojolic, yu'un jna' lec mu jeche'uc no'ox ech' vocol ti li'abej ta atojolique.

Filipenses 4:3

Ti vo'ote, ti jech jchi'il jbatic ta abtele, avocoluc coltao ti cha'vo' antsetique. Yu'un ti stuquique laj spasic tsatsal ta scoltaelun ta yalel ti colebal lequil ach' c'ope, jmoj xchi'uc ti Clementee, xchi'uc ti yan jchi'iltac ta abtele. Yu'un ti stuquique, tsacal xa sbiic ta jpoc vun yu'un ti cuxlejale.

Colosenses 1:11

Ta jc'anbecutic Dios ti ac'o yac'boxuc avipic ta sventa yutsil slequil ti smuc'ul stsatsale yo' jech oy smuc'ul avo'ntonic, yo' jech xamuyubajic ta xcuch avu'unic ti c'usiuc no'ox ta xc'ot ta atojolique,

1 Tesalonicenses 1:3

Ta sba ta sat ti Jtotic Dios cu'untique, j'ech'el mi ja'uc xach'ay ta co'ntoncutic c'alal ta xvul ta jolcutic ti c'ot no'ox ta avo'ntonic ta xch'unel ti Cajvaltique, ti ta syail xc'uxul avo'ntonic laj avac' abaic ta tunele, ti tsots ava'anoj abaique manchuc mi oy ti vocol ta atojolic ta sventa ti amalaojic ti Cajvaltic Jesucristoe.

1 Tesalonicenses 2:9

Ti co'ol jchi'il jbatique, xana'ic lec ti laj jpascutic tsatsal ta abtel yo' jech ta jta ti jve'elcutic ti jech li' cuxuluncutique. Yu'un c'ac'al ac'ubal li'abtejcutic yo' jech mu'yuc buch'u junucal avu'unic ta xisbainuncutic c'alal laj calcutic ava'iic ti sc'op Diose.

1 Tesalonicenses 5:12

Ti jech jchi'il jbatique, ta jc'anboxuc avocol ta atojolic ti ich'ic ta muc' ti buch'utic ta x'abtejic ta atojolic ta sventa ti Cajvaltique, ti buch'utic ta sbijubtasoxuque, ti ta stojobtasoxuque.

2 Tesalonicenses 3:13

Mu xalubtsajic ta spasel ti c'usi leque, Jchi'iltac.

2 Tesalonicenses 3:5

Ac'o xa scoltaoxuc ti Cajvaltique yo' jech ta xac'uxubinvanic jech c'u cha'al ta xc'uxubinvan ti Diose, yo' jech ta xavich'beic smuc'ul stsatsal yo'nton ti Cristoe.

2 Tesalonicenses 3:8

Mi junuc oy buch'u laj jc'anbe jve'elcutic ta matanal no'ox, yu'un laj jtojcutic. Yu'un c'ac'al ac'ubal cac'ojbecutic yipal abtel yo' jech mu xcac'boxuc avocolic ta smalq'uineluncutic.

1 Timoteo 4:10

Jech o xal un, ja' stu ta xij'abtejotique, ta jts'ictic ilbajinel, yu'un jpatoj co'ntontic ta stojol ti cuxul Diose, ti ja' Jcoltavanej yu'un scotol ti jnaclejetic ta banomile, ja' x'ech' to Jcoltavanej yu'un ti buch'u c'otem ta yo'ntonic ta xch'unele.

1 Timoteo 5:17

Ich'biluc c'otuc ta muc' yu'unic ti jventainvanejetic ti buch'utic xtojobic ta sventainel ti jch'unolajeletique, ti ja' x'ech' tsots sc'oplal ich'biluc c'otuc ta muc' yu'unic ti buch'utic yabtelinojic ta xcholel ti sc'op Diose xchi'uc ti jchanubtasvaneje.

Hebreos 10:36

Ti vo'oxuque ta sc'an oyuc yipal avu'unic yo' jech oy smuc'ul avo'ntonic ta sts'iquel ti vocole, yo' ta xapasic ti c'usi oy ta yo'nton ti Diose, xchi'uc ta yich'el ti c'usi yaloj ti Dios ta xaq'ue.

Hebreos 12:1

Ti yepal no'ox joyol ta jpat ta jxocontic ti buch'utic laj yaq'uic ta ilel ti c'otem ta yo'ntonic ta xch'unele, jech o xal la' jiptic comel ti c'usi ta xmacvan ta bee, xchi'uc ti mulil ti ta x'uninvan ya'ie. Ja' lec, sjunuluc co'ntontic cac'betic yipal ti anil ti quechel beotic batele.

Hebreos 13:13

Batic ta sts'acliel ti Jesús ta loq'ueltic yu'un ti jteclume. Quich'tic labanel ec jech c'u cha'al laj yich' ti stuque.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.

Hebreos 6:12

Mi ja'uc ta jc'ancutic ti ta xach'ajubic ta bee. Ja' tamic ta spasel jech c'u cha'al ti buch'utic c'otem ta yo'ntonic ta xch'unel ti ta ono'ox xc'ot ta pasel ta yich'el ti smotonic ti albilic yu'un ti Diose, ti mu xchibaj ta smalaele.

Hebreos 6:15

Ta sjunul yo'nton laj smala ti Abraham ti oy c'usi albate. Jech o xal laj yich' ti oy c'usi albat yu'un ti Diose.

2 Pedro 1:6

Ti c'alal jech xavac'beic lec sni' xchiquinale, ac'beic to ech'el yipal ta sa'el ti xana' xapajes aba atuquique. C'alal jech xana' xapajes aba atuquique, ac'beic to ech'el yipal ta sa'el ti oy smuc'ul avo'ntonique. C'alal oy smuc'ul avo'ntonique, ac'beic to ech'el yipal ta sa'el ti jun avo'ntonic ta xac'anbeic vocol ti Diose.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.