Apocalipsis 2:21 - Bible in Tzotzil de Chamula

²¹ Jmalaoj ora ti sutuc talel ta stojol ti Diose. Mu jechuc oy ta yo'nton, yu'un mu ono'ox xicta comel ti ta sbolomalin sbae.

Tzotzil Zinacantan

²¹ Ijmala xa mi chicta li cꞌusitic chopol tspase, pero mu xicta, yuꞌun jaꞌ noꞌox ta yoꞌon spasel li cꞌusitic chopole.

Bible in Tzotzil de Chenalhó with Deuterocanon

²¹ Laj xa jmala jal ti ac'o sutes yo'ntone, pero mu sc'an sutes yo'nton ta sventa li mulivajele.

Tzotzil San Andres

²¹ Laj xa jmala mi chicta li cꞌustic chopol ta spase, pero mu xicta yuꞌun jaꞌ yoꞌoninoj spasel li cꞌustic chopole.

Tzotzil de Huixtán

²¹ Ep c'ac'al laj jmala yu'un ac'o sutes yo'nton yu'un ti smule ti antse. Mu sc'an sutes yo'nton. Mu sc'an scomes ti c'usi chopol tspase.

Apocalipsis 2:21 Iomraidhean Croise

Romanos 9:22

Ja' no'ox jech ec ti Diose, oy ta yo'nton ta xac' ta q'uelel ti oy smuc'ul stsatsal xchi'uc ti oy sts'iquemal xcuchemale. Yu'un vo'ne xa sts'icojbe talel sbolilic ti buch'utic ja' xtunic o oy sc'oplal ta xich'ic tsitsele, xchi'uc ti oy sc'oplal ch'ayel ta xbatique.

1 Pedro 3:20

Ti ch'ulelaletic taje, ja'ic ti buch'utic laj stoy sbaic ta vo'ne c'alal cuxul to ox ti Noee, c'alal ti Diose sjunul yo'nton smalaoj ti ac'o yicta sbaic ta spasel ti c'usi chopole, c'alal yacal ta smeltsan barco ti Noee. Yu'un oy no'ox vaxacvo' ta scotol ti colic loq'uel ta nojel ta vo'e.

2 Pedro 3:15

Ti jech oy to sts'iquemal xcuchemal yu'un ti Cajvaltic ta jtojoltique, oyuc ta ajolic ti ja' sventa jcoleltique. Ti jech sc'oplal taje, jech ono'ox laj sts'iba comel ti jchi'iltic Pabloe, ja' ti c'u s'elan ac'bat sbijil yu'un ti Diose.

2 Pedro 3:9

Mu yu'unuc ta sjalijes ti Cajvaltic ti yaloj ta xcha'sut talel jech c'u cha'al ta snopic ti jlome. Yu'un oy sts'iquemal xcuchemal yu'un, ti smalaoj ti ac'o sjelta yo'ntonic ta stojole yo' jech mi junuc ta xbat ta ch'ayel.

Apocalipsis 16:11

Manchuc mi jech un, mu'yuc laj yicta sbaic ta spasolanel ti c'usitic chopole. Yu'un c'ajomal no'ox yac'ojbeic yipal ta yalel c'usitic chopol ta xloc' ta yeic ta stojol ti Dios ti oy ta vinajele, ta scoj ti mu x'ech' svocolic yu'un yipal xc'uxul ti chin ti oy ta stojolique.

Apocalipsis 16:9

Manchuc mi scotolic laj ya'iic tsots xq'uixnal sat ti c'ac'ale, mu'yuc sutic talel ta stojol ti Diose, mi ja'uc lequil-c'opojic ta stojol. C'ajomal no'ox naca chopol c'usitic ta xloc' ta yeic ta stojol Dios ti jnaclejetic ta banomile, c'alal ja' oy ta sc'ob ta yaq'uel ti cuxul j'ilbajinvanej vocole.