Apocalipsis 2:13 - Bible in Tzotzil de Chamula

¹³ Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Tzotzil Zinacantan

¹³ Li voꞌone jnaꞌoj scotol li cꞌusitic chapasique. Jnaꞌoj ti tey nacaloxuc yoꞌ bu ta xchꞌunbat tajmec smantal li Satanase. Acꞌu mi abol abaic ta ilbajinel pero avichꞌojicon onox ta mucꞌ. Muc xavicta abaic ti cꞌalal imile ti Antípase ti sjunul yoꞌon iyal aꞌyuc cꞌusi caloj yoꞌ bu nacaloxuque, yoꞌ bu ta xchꞌunbat tajmec smantal li Satanase.

Bible in Tzotzil de Chenalhó with Deuterocanon

¹³ Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Tzotzil San Andres

¹³ Joꞌone jnaꞌoj jtuc scotol li cꞌustic chapasique. Schiꞌuc jnaꞌoj ti te nacaloxuc li yoꞌ bu ep ta schꞌunbeic smantal li banquilal pucuje, jaꞌ li Satanase. Manchuc mi chavichꞌic vocol pero avichꞌojicun o ta mucꞌ. Muc bu xchibaj avoꞌonic li cꞌalal imile li Antípas li ta sloqꞌuel yoꞌon lispucbe jcꞌop li yoꞌ bu oyoxuque, jaꞌ li bu ep ta schꞌunbeic smantal li Satanase.

Tzotzil de Huixtán

¹³ Jna' ti c'u x'elan avabtelique. Jna' ti te nacaloxuc yo' bu ep chch'umbat smantal yu'un ti crixchanoetique ti Satanase. Manchuc mi hech yac'oj sba chavich'ic vocole, ho'oxuc chapasucun ti muc'. Muc xchibaj avo'ntonic ti c'alal imilat ti Antipase ti jun yo'nton laj xcholbun jc'opilal te ti bu ep chch'umbat smantal yu'un ti crixchanoetique ti Satanase.

Apocalipsis 2:13 Iomraidhean Croise

San Mateo 10:23

C'alal ta xavich'ic ilbajinel ta jun lume, jatavanic batel ta yan lum. Melel ta xcalboxuc ava'iic, mu to xlaj avu'unic ta xaniel ti jujun jteclumetic li' ta Israel c'alal ta xicha'sut talel ti vu'un co'ol j'elantique.

San Mateo 24:9

“Ti vo'oxuque ta xa'aq'ueic ta c'abal. Ta xavich'ic ilbajinel. Ta xavich'ic milel. Buch'uuc no'ox xti'et sjol ta atojolic ta jventa.

San Mateo 4:10

Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

San Lucas 21:17

Scotol ti jnaclejetic ta sba banomile xti'et sjolic ta atojolic ta jventa.

Hechos 22:20

C'alal laj smilic ti avajtunel Esteban ti sva'anoj sba ta yalel ti ac'oplale, jmoj capal va'alun xchi'uquic, xchi'uc lec laj ca'i ti xich'uc milele, xchi'uc laj jchabibe sc'u'ic ti buch'utic milvanique.’

Hechos 9:14

Avi tana une, tal li' ta jteclum Damasco ti yich'ojbe talel ye sti' ti banquilaletic yu'un ti paleetique, ta xchuquel batel scotol ti buch'utic xvocolet ta atojole.

1 Tesalonicenses 5:21

A'yibeic lec smelol mi xco'olaj xchi'uc sc'op Dios ti c'usi ta xalique, ja' aq'uic ta venta ti ja' bu melele.

1 Timoteo 5:8

Yu'un ti buch'u mu xc'uxubin ti yuts' yalale, mi ja'uc ta xc'uxubin ti c'u yepal ta yut sna ti c'alal tsots sc'oplal sc'an c'uxubinele, ti buch'u jech taje, laj xa svalopatin comel ti ta xal c'otem ta yo'nton ta xch'unel ti Cajvaltique, xchi'uc ja' xi to smuc'ul ti buch'u ma'uc jch'unolajele.

2 Timoteo 1:13

Jech xachanubtasvan o jech c'u cha'al ti lequil chanubtasel laj cac' avile. Staojuc o yav avo'nton xtoc ti c'otemuc ta ch'unel avu'un ti Cajvaltique, ti oyuc syail xc'uxul avo'nton ti jtaojtic ta sventa ti oyotic ta stojol ti Cristo Jesuse.

2 Timoteo 2:12

Mi mu'yuc stsic' co'ntontic yu'un ti vocole, ta jchi'intic ta pas mantal. Mi ta jmuc ta co'ntontique, ja' no'ox jech ta xismucotic ta yo'nton ec.

Hebreos 10:23

Staojuc yav co'ntontic ta smalael ti oy c'usi quechel sc'oplal ta xquich'tic ta sventa ti jch'unojtique, ti ma'ucuc xijna'etotique, yu'un ti Diose jbel sc'oplal ta xc'ot ta pasel ti c'usi yaloj ta jtojoltique.

Hebreos 3:6

Ti jech ja' jun lequil Nich'onil ti Cristoe, ta slequil yutsil yo'nton ta sventainbe sna ti Diose, ti ja' jc'oplaltic ti vo'otique, mi j'ech'el jun co'ntontic xijmuyubajotic ta smalael ti oy c'usi ta jtatique.

Santiago 2:7

¿Mi mu ja'icuc jc'ulejetic xtoc, ti chopol ta xc'opojic ta stojol ti Buch'u ta xavich'ic ta muq'ue?

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

Apocalipsis 12:11

Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Apocalipsis 13:2

Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 17:6

Laj quil un ma' ti antse, yacubem xchi'uc xch'ich'eltac ti buch'utic yu'untac ti Diose, xchi'uc xch'ich'eltac ti buch'utic laj yich'ic milel ta sventa ti jamal laj yalbeic sc'oplal ti Jesuse. Ch'ayal c'ot co'nton yu'un ti jech laj quile.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 3:11

Po'ot xa ta xital. Tuc'ulano lec ti c'u to yepal oy avu'une, yo' jech mu'yuc buch'u xaspojbot ti amotone.

Apocalipsis 3:3

Vuleso ta avo'nton un cha'e, ti c'u s'elan laj avich' chanubtasele, mu xavicta aba. Sutan talel ta stojol ti Diose. Mi mu xatij ajol avo'ntone, co'ol s'elan j'elec' ta xital ta atojol ti mu xana' c'usi orae.