Apocalipsis 2:12 - Bible in Tzotzil de Chamula

¹² Xi xats'ibabe batel ta stojol ti buch'u sbainoj ti jch'unolajeletic oyic ta jteclum Pérgamoe: “Xi ta xal ti Buch'u yich'oj ti jich'il espada ti yich'oj cha'jot yee:

Tzotzil Zinacantan

¹² Ti Cajvaltic Jesuse liyalbe noxtoc: ―Li yajchanubtasvanejic li muchꞌutic yichꞌojicon ta mucꞌ ta jteclum Pérgamoe jaꞌ yech xatsꞌibabe echꞌel chac liꞌi: “Ti Cajvaltic Jesuse ti iquil ilocꞌ espada ta yee ti lec juxbil xchaꞌjotol yee, jaꞌ yech chayalbeic chac liꞌi:

Bible in Tzotzil de Chenalhó with Deuterocanon

¹² Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Pergamoe: ‘Li boch'o yich'oj espada ti lec ts'ubts'ub sni', xchi'uc ti lec juxbil xcha'jotal yee, jech chayalboxuc:

Tzotzil San Andres

¹² Jech liyalbe nojtoc li Cajvaltique: ―Tsꞌibabo me carta li buchꞌu sventainoj li buchꞌutic yichꞌojicun ta mucꞌ li te ta jteclum Pérgamoe. Xi xatsꞌibabe echꞌele: “Li Cajvaltic li iquil ilocꞌ machita ta yee ti lec juxbil schaꞌjotol yee, xi chayalbeic:

Tzotzil de Huixtán

¹² Hech laj yalbun uc ti Jesucristoe: ―Hech me chats'ibabe ti much'utic sventainojic ti jch'unojeletique te ti jteclum Pérgamoe: “Ti Cajvaltique ja' ti chloc' ti ye ti espadae ti chib yee ti lec ti yee laj quil, hech chayalboxuc:

Apocalipsis 2:12 Iomraidhean Croise

Isaías 11:4

Ta stuq'uilal ta yutsilal, ta stic' sba ta xchapanel ti buch'utic mu sna'ic c'u s'elan ta spac ti sc'oplalique; ta stic' sba ta spojel ta xchapanbel sc'op ti c'usitic c'otem ta yu'unic ti me'un mu'nat ti oy ta lume. Ta yip sc'op ta stsits ti buch'u cajal ye sti' xa'i sbae, ti co'ol to s'elan jmoj te' ti xc'avlij ta xc'ote; ta yic'al no'ox ye ta xcham yu'un ti buch'u toj chopol xa'i sbae.

Isaías 49:2

Ti que jti'e, c'ot ta juxbil espada yu'un. Laj snac'un ta chabiel ta yolon yaxinal yoc sc'ob. Lic'ot yu'un ta jun jich'il sni' abtejebal ti xach'obil yolobe, ti laj stic'un ochel ta xch'amobil yav sni'e.

Hebreos 4:12

Yu'un ti sc'op Diose, cuxul, oy stsatsal, ja' mu sta jech ti c'usuc no'ox espadail ti yich'oj cha'jot yee. Yu'un ta xc'ot c'alal to yut o'ntonal, ti bu xa c'alal ti c'usi ta snopilane, ta svinajesel ti c'usi oy ta yut yo'ntone.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:16

Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 19:21

Ti yane laj yich'ic milel ta espada ti ta xloc' ta ye ti Buch'u cajal ta ca'e. Ech' yo'nton scotol ti mutetic ta sti'bel ti sbec'tal ti buch'u lajic ta milele.

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe:

Apocalipsis 2:16

Jech o xal un, sutan talel ta stojol ti Diose. Mi mu jechuc ta xapase, ta xital no'ox ta atojol, ta jtsaquic ta contra scotolic ta sventa ti espada ti oy ta que jti'e.

Jueces 3:16

Ja'uc ti Aod une laj smeltsan jun espada ti cha'jot ye yich'oje, ti oy nan o'loluc metro ti snatile, ti xchuquinoj batel ta yolon sc'u' ta sbats'i c'obe.