Apocalipsis 2:10 - Bible in Tzotzil de Chamula

¹⁰ Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.

Tzotzil Zinacantan

¹⁰ Mu me xaxiꞌic o li ilbajinel ti chtal ta tsꞌacale. Jaꞌ yabtel li pucuje ti chastiqꞌuic ta chuquel jlomuque yuꞌun tsqꞌuelic mi jꞌechꞌel achꞌunojic ti voꞌon Avajvalicone. Pero jayib noꞌox cꞌacꞌal ti abol abaique. Ichꞌicon o me ta mucꞌ cꞌu chaꞌal xachamic oe, yuꞌun chcacꞌ cuxlanic ta sbatel osil. Jaꞌ atrofeoic yaꞌel.

Bible in Tzotzil de Chenalhó with Deuterocanon

¹⁰ Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Tzotzil San Andres

¹⁰ Mu me xaxiꞌic yuꞌun li vocol li ta xtal ta atojolique. Jaꞌ yabtel li pucuje ti chastiqꞌuic ta chuquele yuꞌun chasqꞌuelbeic avoꞌonic mi ta melel achꞌunojic ti joꞌon Avajcoltavanejicune. Pero atbil noꞌox ti jayib cꞌacꞌal chavichꞌic vocole. Junuc me avoꞌonic o ta jtojol acꞌo mi chasmilic, yuꞌun chcacꞌ amotonic, jaꞌ ti chacuxiic o sbatel osile.

Tzotzil de Huixtán

¹⁰ Mu me xaxi'ic yu'un ti chavich'ic yan vocol. A'yo me ava'yic, ja' yabtel ti pucuje chastic'oxuc ochel ti chuquel yu'un hech chaspasboxuc proval avo'ntonic mi oy xch'unojel avo'ntonic. P'isbil ti jayib c'ac'al chavich'ic vocol. Junuc me avo'ntonic ti jtojol manchuc mi chasmilot. Hech chacac'bot amotonic, ja' chacuxiic sbatel osil.

Apocalipsis 2:10 Iomraidhean Croise

Salmos 31:23

C'uxuc xava'iic ti Dios ti yu'unoxuc xae. Chabibilic yu'un Dios ti buch'utic jamal lec ti yo'ntonique, ja'uc ti jtoyobbaetique, ja' jech yepal ta xac'be stoj ti c'u s'elan laj xa spasique.

Lamentaciones 3:57

Ti yorail ta xajtaot ta c'oponel ta ti'inele, ta xava'ibun ti jc'opojele, xachi ta xavalbune: “Mu xaxi'.”

Daniel 1:12

“Xi ta jc'an vocol ta atojole: Ac'o ave ati' lajunebuc c'ac'al ti naca uni itajetic no'ox ta jlajescutique, xchi'uc ti naca bats'i vo' ta xcuch'cutique. Calal mi ts'aquie, tey ta xavil c'u s'elan jsat quelovcutic ti avajtuneluncutique.

Daniel 1:14

Jech ti jtunele, c'ot ta yo'nton ti va'i s'elan albate. C'alal ts'aqui ti lajuneb c'ac'ale, co'oltasvan lec.

Habacuc 2:3

Ti c'usi la'ac'bat avile, ta to xjalij jutuc yo' ta xc'ot ta pasel, ja' no'ox un, mu ono'ox sts'elbuj. Ac'o mi jal ya'luc, ja' no'ox un, malao no'ox ava'i, ja' to xavil ti xyaquet no'ox ta xc'ot ta pasele.

San Mateo 10:22

Ta jventa, scotolic contra ta xayiloxuc. Ti buch'u mu'yuc xchibaje, ti staoj o yav yo'nton xcham xlaje, ta xcol.

San Mateo 10:28

Mu xaxi'ic yu'un ti buch'u ta xasmiloxuque, yu'un ti ach'ulelique mu xu' ta sta ta milel. Ja' xi'taic ti Diose ti xu' ta smilote, ti xu' ta stac batel ta lajebal ti ach'ulelique.

San Mateo 24:13

Ja'uc ti buch'u staoj o yav jun yo'nton xcham xlaje, ja' ta xcol.

Marcos 13:13

Ta jventa buch'uuc no'ox ta xayich'ic ta contra. Mu lecuc ta xayilic. Ja'uc ti buch'u mu stsiq'ues yo'nton ti oy sc'oplal ta xcham xlaje, ta xil lequilal.

Marcos 8:35

Ti buch'u ta xc'uxubin sbae, ta xch'ay ti xcuxlejale. Ja'uc ti buch'u ta sten ti xcuxlej ta jventae, ta sventa ti lequil ach' c'ope, ta sta ti xcuxlejale.

San Lucas 21:12

C'alal mu'yuc ta xc'ot ta pasel taje, ba'yel ta xavich'ic nutsel, ta xavich'ic aq'uel ta chapanel ta jujun ch'ul na, ta xatiq'ueic ta chuquel. Ic'bil ta xabatic ta stojol ti banquilal ajvaliletique xchi'uc ta stojol ti its'inal ajvaliletic ti vu'un ta jventae.

San Juan 12:25

Ti buch'u mu tuch'baj ta xa'i ti xcuxlejal li' ta banomile, laj tub xa ti sc'oplale. Ja'uc ti buch'u xjip xten no'ox yu'un ti xcuxlejal li' ta banomile, ta sta xcuxlejal sbatel osil.

San Juan 13:2

Ti jech yorail xa ta xve'ique, tijbat yo'nton yu'un pucuj ti Judas Iscariotee, xnich'on ti Simone, ti ta xac' ta c'abal ti Jesuse.

San Juan 13:27

C'alal laj stsac pan ti Judase, ta jech yepal ventainbat yo'nton yu'un ti pucuje. Xi albat yu'un ti Jesuse: —Paso me xch'a ti c'usi ta xapas ono'oxe.

Hechos 20:24

Jechuc un, yavil ti ma'uc jventainoj jtuc ti jcuxlejale, ximuyubaj xa ti tsotsuc sc'oplal jtabeuc spajeb ti cabtel laj yac'bun ti Cajvaltic Jesús ta yalbel ya'iic ti jnaclejetic ti lequil ach' c'ope xchi'uc ti syail xc'uxul yo'nton ti Diose.

Hechos 21:13

Ja'uc ti Pabloe xi laj staq'ue: —¿C'u cha'al ta xavaq'uicun ta at o'nton ta xquil ti ta xa'oq'uique? Ta sventa ti Cajvaltic Jesuse, jchapanoj xa jba ti ma'uc no'ox ta xquich' ti chuquele, ti xu' ta xcac' o jol jbaquil ta Jerusalene.

1 Corintios 9:25

Scotol ti buch'utic ta xchapan sbaic ta tsalvanej ta tajimole, mu stunesic ti c'usi ta soquesatique. Ja' jech ta spasic yo' ta xich'ic ti matanale ac'o mi ja' no'ox xotbil muil nichim ti mu jaluc xtune. Yan ti vo'otique cac'ojbetic batel yipal ta stsalel ti cajcontratique yo' ta jtatic ti matanal ti mu sna' soc sbatel osile.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Santiago 1:12

Yan yutsil ti buch'utic oy smuc'ul yo'nton ta xcuch yu'un ti lajeltsael yu'un ti vocole. C'alal ta xcuch yu'une, ta xich' ti smoton ti co'ol s'elan jun trona ti ja' xcuxlejal ti albil yu'un ti Dios ta xich'ic ti buch'utic c'ux ta x'a'yivanique.

1 Pedro 5:4

C'alal ta xvul ta loq'uel ti Banquilal jq'uel-chije, ti vo'oxuque jun yutsil ta xa'ac'bat amotonic ti mu xco'olaj jech c'u cha'al ti xotbil nichim ti sna' xtaquije.

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 13:2

Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Apocalipsis 13:7

Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.