Apocalipsis 19:6 - Bible in Tzotzil de Chamula

⁶ Laj ca'i xtoc ti oy buch'u yepal no'ox ta xc'opojic ti xvochvun ta j'ech'ele, ti co'ol s'elan yech'omal epal uc'um, mi co'ol s'elan tsots chauc xc'avlajet ti xi ta xalique: “Lequil c'optabiluc ti Diose, yu'un och xa ta spas mantal ti Cajvaltique, ti Dios cu'untic ti scotol xu' yu'une.

Tzotzil Zinacantan

⁶ Icaꞌi ti oy muchꞌutic ep chcꞌopojique, coꞌol xchiꞌuc bu xpomomet mucꞌta ucꞌum, coꞌol xchiꞌuc bu nopol xꞌavan chavuc. Jaꞌ yech iyalic chac liꞌi: Coliyalbotic li Cajvaltique ti stuc xa tspas mantale. Stuc noꞌox oy syuꞌel.

Bible in Tzotzil de Chenalhó with Deuterocanon

⁶ Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.

Tzotzil San Andres

⁶ Icaꞌi oy ep buchꞌutic ta xcꞌopojic coꞌol schiꞌuc scꞌopojel epal crixchanoetic, coꞌol schiꞌuc xpomomet yalemoꞌ, coꞌol schiꞌuc xꞌavan chauc. Jech laj yalic: Coliyalbutic li Cajvaltic Diose yuꞌun jaꞌ xa stuc chlic spas mantal. Echꞌem stsatsal sjuꞌel.

Tzotzil de Huixtán

⁶ Laj ca'i hech chaj c'u che'el chc'opoj ep crixchanoetic. Tsots chc'opoj hech chaj c'u che'el nojelal uc'um, o hech chaj c'u che'el chauc ti tsots ch-avane. Hech laj yal: Hocol yalbucutic ti Diose. Stuc tspas mantal ti Cajvaltic Diose, ja' ti stuc jelaven sp'ijile.

Apocalipsis 19:6 Iomraidhean Croise

Job 40:9

¿Mi yu'un tsots xava'i aba jech c'u cha'al ti vu'une? ¿Mi xt'inluj to yech'omal ac'opojel ta a'yiel jech c'u cha'al ti vu'une?

Salmos 47:2

Ti Dios ti oy ta toyol cajale, xi'bal sba ta j'ech'el, c'otem ta banquilal Ajvalil yu'un scotol ti banomile.

Salmos 47:7

Q'uejintaic nichimal q'uejoj ta sventa ti Diose, yu'un c'otem ta Ajvalil yu'un scotol banomil.

Salmos 77:18

Xvinaj to ta muc' ta sutub ic' xc'avlajet no'ox avu'un ti chauque; sac jaman no'ox ta sac tsel c'ot avu'un ti banomile, c'uy ta niquel ti banomil une.

Salmos 93:1

Ajvalil ma' ti Diose. Xojobin no'ox ta yutsilal ma' ti Diose, xchi'uc joyobtabil ta smuc'ul stsatsal. Laj yac'be yic ta smeltsanel ti banomile yo' lec chotol.

Salmos 97:1

Muyubajanic, sbejel banomil. Muyubajanic ti mu albajuc avepalic ta sti'il ti nabetique. Yu'un ti Diose, ja' Ajvalil.

Salmos 97:12

Muyubajanic no'ox yu'un Dios ti vo'oxuc oy slequil yutsil avo'ntonique, lequil c'opojanic ta sventa.

Salmos 99:1

Ti Diose, ja' Ajvalil. Oy spasob mantal bu oy ti c'usi oy xiq'uique. Xniquic ti muc'tiquil lume xchi'uc scotol ti banomile.

Isaías 52:7

Xvic'luj to satil yu'un ti c'alal xbitet no'ox c'otel ta stselejtic ti buch'u yich'oj c'otel lequil lo'il a'yeje, ti buch'u ta xalbe sc'oplal ti lamaj xa ti contrainele, ti buch'u ta xalbe sc'oplal ti colic xa yu'un ti ilbajinele, ti xi ta xalbe ti jteclum Sione: “Ti Dios avu'une, ja' Ajvalil.”

Jeremías 51:48

Ti vinajele, ti banomile, xchi'uc scotol ti c'usitic oye, xlaet xa ta xa'iic ti c'alal ta xtub sc'oplal ti jteclum Babiloniae. Ta xlic talel yajval ta stuq'uil yolon ti yolon xocon sloq'ueb c'ac'ale. Ti vu'un Diosune, mu me lo'iluc no'ox ta xcal.

Ezequiel 1:24

Xi s'elan laj ca'i ma' ti xvo'o'et no'ox ta spas xiq'uic c'alal ta xanavique: co'ol s'elan ya'yel jun nojemal uc'um xvo'o'et no'ox ti yech'omale, co'ol s'elan sc'opojel ti Buch'u scotol xu' yu'une, co'ol s'elan epal soldadoetic xnic no'ox yu'unic banomil c'alal ta xanavique. C'alal ta xvechan sbaique, ta syales ti xiq'uique.

Ezequiel 43:2

Laj quil ta sloq'ueb c'ac'ale, lic talel yutsilal slequilal Dios yu'un ti Israele, ti co'ol s'elan yech'omal jun muc' ta uc'ume, sac jaman com yu'un ti banomile.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Apocalipsis 1:15

Ti yoque xojobin no'ox yutsil jech c'u cha'al ti ch'ulbil tsatsal c'anal taq'uin ti laj yich' ch'ulel ta c'oq'ue. Ti sc'opojel xtoque co'ol s'elan yech'omal epal uc'umetic.

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 12:10

Va'i un, laj ca'i oy buch'u tsots ta xc'opoj talel ta vinajel ti xi ta xale: “C'ot xa yorail ti pojel colele. Vinaj xa smuc'ul stsatsal ta xventainvan ti Dios cu'untique. Laj yich' xa yabtel ti Cristo yu'une, yu'un laj xa sjip loq'uel ti buch'u ta stic'be smul ti jchi'iltique, ti c'ac'al ac'ubal ta stic'be smul ta stojol ti Dios cu'untique.

Apocalipsis 14:2

Laj ca'i ti oy c'usi xpomomet ta xlic talel ta vinajel ti co'ol to s'elan yech'omal epal uc'um ta xanave, mi jech c'u cha'al yech'omal tsots chauc, mi jech c'u cha'al yech'omal arpa ti yepal no'ox oy buch'u ta stijique.

Apocalipsis 19:1

Laj taj une, laj ca'i oy buch'u ep ta xc'opojic ta vinajel ti xi tsots ta xalique: “Ta sventa smuc'ul stsatsal slequilal yutsilal Dios cu'untic, laj jtatic ti pojel colele. Colij'albat yu'un.

Apocalipsis 19:4

Ti chanib xcha'vinic (24) ta vo' moletique, xchi'uc ti chanib c'usi cuxulique, snupilanic xa banomil laj spatan sbaic ta lumtic ta yich'el ta muc' ti Dios ti chotol ta muc' ta chotlebale, xi lic yalilanique: “Lequil c'optabiluc ti Diose. Jechuc.”

Apocalipsis 21:22

Ti jcot ta Uni Chije xchi'uc ti Cajvaltic Dios ti scotol xu' yu'une, ja' xa c'otem ta xch'ulna ta jteclume. Mu'yuc laj quil yan ch'ulna ti bu taje.

Apocalipsis 4:5

Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 8:5

Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.