Apocalipsis 19:5 - Bible in Tzotzil de Chamula

⁵ Oy Buch'u c'opoj talel ta muc' ta chotlebal ti xi ta xale: “Acotolic yajtuneloxuc ti Diose, ti ta xaxi'taique, ti yalel toyol ti abijilique, lequil c'optaic ti Dios cu'untique.”

Tzotzil Zinacantan

⁵ Icaꞌi ti oy muchꞌu icꞌopoj tal yoꞌ mucꞌta chotlebale. Jaꞌ yech iyal chac liꞌi: “Colaval”, utic li Rioxe, voꞌoxuc ti chatunic yuꞌune, ti avichꞌojic ta muqꞌue. Ta biqꞌuit ta mucꞌ “colaval”, utic, xi.

Bible in Tzotzil de Chenalhó with Deuterocanon

⁵ Laj ca'ay oy boch'o chc'opoj tal te ta muc'ta chotlebal, jech laj yal: “Tojbeic ta vocol Dios, vo'oxuc li yajtuneloxuque, vo'oxuc ti avich'ojic ta muc', c'alal ta muc', ta biq'uite”, xi.

Tzotzil San Andres

⁵ Icaꞌi oy buchꞌu icꞌopoj talel li ta mucꞌta chotlebale. Jech laj yal: Albeic coliyal Dios, joꞌoxuc ti yajtuneloxuc ti avichꞌojic ta mucꞌ li Diose. Albeic coliyal Dios acꞌo mi ichꞌbiloxuc ta mucꞌ, mi muc bu ichꞌbiloxuc ta mucꞌ, xi.

Tzotzil de Huixtán

⁵ Oy much'u chc'opoj te yo' bu ti muc'ta naclebale. Hech laj yal: Hocol yalbucutic ti Diose, xachiic me, ho'oxuc ti yabatoxuque, ho'oxuc ti laj xa axi'ic ti Diose, manchuc mi tsots avabtelic ono'oxe, manchuc mi mu tsotsuc avabtelic ono'oxe, xchi.

Apocalipsis 19:5 Iomraidhean Croise

Salmos 115:13

Ta biq'uit ta muc', ta sva'an sba ta stojol mi ta x'ich'e ta muq'ue.

Salmos 134:1

La'ic ti vo'oxuc yajtuneloxuc ti Diose. Acotolic ti vo'oxuque, lequil c'opojanic ta stojol ti Dios ta x'ech' avu'unic ti ac'ubal ta xch'ulnae.

Salmos 135:1

J'ech'el lequil c'optabiluc ti Dios une. Lequil c'optabiluc avu'unic ti Diose, lequil c'optabiluc avu'unic ti yajtuneloxuque,

Salmos 150:6

Scotolic ti naca ta ic' cuxulique, lequil c'optaicuc ti Diose. Jun yutsil ta j'ech'el ma' ti Dios une.

Salmos 22:23

Ti vo'oxuque avich'ojic ta muc' ti Diose, ¡lequil c'optaic un! Acotolic snitiluloxuc ti Jacobe, alic yutsilal slequilal ti Dios une. Acotolic snitiluloxuc ti Israele, nijano chimano abaic ta yich'el ta muc'.

Apocalipsis 13:16

Ja' jech xtoc laj yal mantal, c'alaluc ta biq'uit ta muc', scotol ti jnaclejetic ta banomile, ac'o yich' smarcail ta sbats'i c'obic, mi ta sti'baic, mi jc'ulejetic, mi me'onetic, mi mosoviletic, mi ma'uc mosoviletic.

Apocalipsis 16:17

Loc' talel ti yucubal anjele, laj scocan yalel ti sbel sbis ta jamaltic. Ta muc' ta chotlebal to, ti bu oy ti ch'ulna ti ja' sc'oplal ti vinajele, oy Buch'u tsots c'opoj talel ti xi ta xale: “C'ot xa ta pasel ti c'u s'elan albil sc'oplale.”

Apocalipsis 19:18

Yu'un ta xati'beic sbec'tal ti banquilal ajvaliletique, ti jpas-mantal yu'un ti soldadoetique, ti tsatsal viniquetique, sbec'tal ti ca'etique xchi'uc ti buch'u cajlejetic ta ca'e, sbec'tal stacopal ti mosoviletique, ti ma'uc mosoviletique, ta biq'uit ta muc'.”

Apocalipsis 20:12

Laj quil xtoc, c'alal ta biq'uit ta muc', ti buch'utic chamemic xae, scotolic laj sva'an sbaic ta stojol ti Diose. Laj yich' jamel ti spocol poj vunetique. Laj yich' jamel xtoc ti jpoc vun ti bu ts'ibabil sc'oplal ti cuxlejale. Ti animaetique jech laj yich'ic chapanel jech c'u cha'al ti c'u s'elan laj xa spasic ti ts'ibabil ta svunale.

Apocalipsis 7:15

Jech o xal un, li' oyic ta sts'el ti bu chotol ti Diose, yu'un c'ac'al ac'ubal ta xac' sbaic ta tunel li' ta xch'ulna ti Diose. Chabibilic yu'un ti Buch'u chotol ta muc' ta chotlebale.