Apocalipsis 19:12 - Bible in Tzotzil de Chamula

¹² Ti sbec' sate xojobin no'ox jech c'u cha'al leb c'oc'. Yepal no'ox sronail sjol slapoj. Ts'ibabil jun biil xtoc ti ja' no'ox xojtiquin ti stuque.

Tzotzil Zinacantan

¹² Li sbecꞌ sate xleblajet tajmec, coꞌol xchiꞌuc lebcꞌocꞌ yilel. Slapoj ep scorona. Tsꞌibabil sbi pero muc muchꞌu xojtiquin, stuc noꞌox xojtiquin.

Bible in Tzotzil de Chenalhó with Deuterocanon

¹² Li jujubej sate xpulpun no'ox jech chac c'u cha'al c'oc'. Oy ep scoronail sjol. Xchi'uc ts'ibabil sbi, pero mu'yuc boch'o sna' c'usi chal. Ja' no'ox sna' stuc.

Tzotzil San Andres

¹² Li jupꞌej sate xloclun jech chac cꞌu chaꞌal yat cꞌocꞌ. Oy ep scoronail sjol, schiꞌuc tsꞌibabil sbi pero muc buchꞌu snaꞌ cꞌusi xal, jaꞌ noꞌox stuc snaꞌ.

Tzotzil de Huixtán

¹² Ti jujup'ej ti sate xpulpun no'ox chtil hech chaj c'u che'el yat c'oc'. Ep scorona ti sjol. Ts'ibabil sbi pero mu'yuc much'u laj sna'. Stuc no'ox laj sna'.

Apocalipsis 19:12 Iomraidhean Croise

Génesis 32:29

Xi laj sjac' ti Jacobe: —Albun ca'i, ¿c'usi abi ec un? Ti vinic une xi laj staq'ue: —¿C'u cha'al ta xajac'bun c'usi ti jbie? Va'i un, ti vinique laj yac'be comel yich' slequilal Dios ti bu oy taje.

Salmos 8:5

Co'oltic xa s'elan dios c'ot avu'un; laj ach'al ta yutsilal slequilal, tsots yabtel laj avac'be yich'.

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Proverbios 30:4

¿Mi yu'un la oy buch'u muy batel ta vinajel, ts'acal to yal talel? ¿Mi yu'un la oy buch'u ta sc'ob no'ox xu' ta spajes ti iq'ue? ¿Mi yu'un la oy buch'u ta smochib c'u' no'ox xu' ta svol ti nabe? ¿Buch'u laj yac' bu c'alal ta xpaj talel spajeb ti banomile? Mu xalo'laun ma' ti xana'be sbie, ti xana'be sbi ec ti xnich'one.

Cantares 3:11

Antsetic yu'un jteclum Sión, loc'anic talel, la' q'uelo avil ti ajvalil Salomone. Slapoj xa talel sronail sjol ti meltsanbil yu'un sme' ti ta xtun yo' ta xnupune, sc'ac'alil ti mu'yuc xa c'usi sna' liquel ta j'ech'ele.

Isaías 62:3

Ta xac'ot ta c'upil sba ronail jolil yu'un ajvaliletic ti jech oyot ta yoc ta sc'ob ti Ajvalil Dios avu'une.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Daniel 10:6

Co'ol s'elan xojobal c'anal ton ti xlaplun no'ox sjunul yilele. Yan ti sat yelove, co'ol s'elan jech c'u cha'al xjapluj ti sac tsel ta q'uelele. Ja'uc ti sbec' sataque, co'ol s'elan tiletel toj yilel. Jech ti sc'obtaque, ti yacantaque, co'ol s'elan c'anal taq'uin ta xac' ti xojobale. Jech ti sc'opojele, co'ol s'elan ti ep buch'u xvochet ta j'ech'ele.

Zacarías 9:16

Ti jech c'ac'al taje, ti Ajvalil ti ja' Dios yu'unique, ta spoj loq'uel ti steclumale jech c'u cha'al ti jq'uel-chij ta spoj ti xchijtaque, yu'un xlaplun no'ox xojobaltac ti yu'untac ta steclumal stuquique, co'ol jech c'u cha'al c'upil sba tonetic ti yich'oj ti jun ronae.

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 21:5

Albeic ya'i ti buch'u nacalic ta jteclum Sione: “Q'uel avilic, ti Ajvalil avu'unique li' ta xtal ta atojolique. Mu'yuc stoyobbail. Cajal talel ta burro, yol jun me' burro jcuch-icatsil.”

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 17:11

“Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

San Juan 17:12

C'alal li' jchi'inoj ta banomil ti buch'utic laj avac'bune, laj jchabi lec ta sventa ti amuc'ul atsatsal ti laj avac'bune. Mi junuc ch'ay. Ja' no'ox ch'ay ti buch'u ch'ayem xa ono'oxe yo' jech ta xc'ot ta pasel jech c'u cha'al ts'ibabil ta ch'ul ac'ope.

Efesios 1:21

Ti Cristoe ac'bat sbain scotol ti ánjeletic oy ta vinajele, ti yich'oj yabtelique, ti tsots xu' yu'unique, ti jpas-mantaletique. Ac'bat sbain xtoc scotol ti buch'utic xu' yu'un li' ta sba banomile, xchi'uc ti ta xvul ta loq'uele.

Hebreos 2:9

Ja'uc le' une, ta xca'ibetic sc'oplal ti Jesuse, ti jech sjalil peq'uel sc'oplal ti stuque, ti x'ech' to cajal com sc'oplal ti ánjeletique. Jech loc' ta nopel yu'un Dios ta sventa ti syail xc'uxul yo'ntone ti ac'o ya'i ta sbec'tal stuc ti lajel tubel ta sventa scotol ti jnaclejetic ta banomile. Avi tana une, ich'bil xa ta muc', ac'bil xa slequilal yutsilal ta sventa ti laj yich' svocol c'alal cham laje.

Apocalipsis 1:14

Ti stsotsil sjole, sac ta j'ech'el jech c'u cha'al ti saquil tsotse, mi jech c'u cha'al ti saquil bote, co'ol s'elan leb c'oc' yilel ti sbec' sate.

Apocalipsis 12:3

Laj taj une, xi s'elan vinaj yan senyail xtoc ta vinajel: jcot muc' ta tsajal jti'oval chon ti yich'oj vucub sjole, xchi'uc lajuneb xulub, oy sronail sjol ta jujun.

Apocalipsis 13:1

Laj quil loc' talel ta nab jcot jti'oval chon ti oy vucub sjole, ti yich'oj lajuneb xulube, ti oy sronail ta jujun ti xulube. Yajcontra Dios le'e, xi yich'oj jun biil ta jujun sjoltac.

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”

Apocalipsis 3:12

Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.

Apocalipsis 6:2

Laj jq'uel un, laj quil jun saquil ca'. Ti buch'u scajlebinoje, jun vinic stsacoj batel syolob. Ac'bat sronail, tey xvilet no'ox ta tsalvanej yo' ta stsal scotol.

Jueces 13:18

Xi laj stac' ti ánjele: —¿C'usi stu avu'un ta xajac'bun ti jbie? Toj c'upil elom sba ti vocol ta a'yiele.