Apocalipsis 19:11 - Bible in Tzotzil de Chamula

¹¹ Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Tzotzil Zinacantan

¹¹ Iquil ti jamal li vinajele. Iquil jcot saquil caꞌ. Li muchꞌu scajlebinoje jaꞌ ti albil onox scꞌoplal ti yech scotol li cꞌusitic chale. Jaꞌ yech chal ti cꞌu xꞌelan ijpastique, mu yechuc noꞌox chacꞌ castico.

Bible in Tzotzil de Chenalhó with Deuterocanon

¹¹ Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

Tzotzil San Andres

¹¹ Iquil ijam li vinajele. Te iquil jcot saquil caaꞌ. Li buchꞌu scajlebinoje jaꞌ ti albil onoꞌox scꞌoplal ti jaꞌ melel scotol li cꞌusi ta xale. Tucꞌ ta xichꞌ cꞌop, mu jechuc noꞌox ta xacꞌ ichꞌ vocol.

Tzotzil de Huixtán

¹¹ Laj quil más ijam ti vinajele. Te oy saquil ca' laj quil. Ti much'u scajlebinoje toj yo'nton mu sna' xlo'lavan, xchi sc'opilal. Toj chchapanvan. Toj ti castigo chaq'ue.

Apocalipsis 19:11 Iomraidhean Croise

Salmos 50:6

Yu'un ti oyic ta vinajele, jamal ta xalic ja' jun lequil jchapanvanej ti Diose.

Salmos 96:13

ti oy ta stojol ti Dios ta xvul ta loq'uele. Jech, ta x'och ta Ajvalilal yu'un ti banomile, melel oy stuq'uil ta sventain ti jteclumetic ta sbejel banomile.

Salmos 98:9

ta stojol ti Dios ti ta xtal sventain ti banomile, yu'un co'ol ta stuq'uil ta yutsil ti mu jeltosuc ta xil ta sba ta sat ta sventainel ti jteclumetic ta banomile.

Salmos 99:4

Ajvalilot ti jelavem xu' avu'une, lec ta xavil ti c'usi oy stuq'uile; vo'ot laj aliques ti mu jsatuc jq'uel ti yane. Yu'un ti xnich'nab Jacobe, laj apas ta stojol ti laj stam ech'el avu'un ti c'usi leque xchi'uc c'usi tuq'ue.

Éxodo 15:3

Ti Diose, stuc no'ox xu' yu'un letovajel. Ja' Ajvalil, ja' jech ti sc'oplal albile.

Isaías 32:1

Ta xvul ta loq'uel jun ajvalil ti tuc' yabtel ta xventainvane. Ta xlic va'iuc its'inal ajvaliletic ti tuc' ta xchapanvane.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Jeremías 33:15

C'alal ta xc'ot yorail sc'ac'alil taje, ta xc'ot ta pasel cu'un ta sventa junuc bats'i snitilul ti David ta sliquesel ti lequilal ti tuq'uilal ta muc' ta lume.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Zacarías 1:8

Oy jun ac'ubal ti xi s'elan li'ac'bat quil ti jam ti jba jsat ta yilele: Laj quil ti oy buch'u cajal ta jcot tsajal ca' ti cotol ta jun stenlejaltic ti sucul ta yut te'tic ti sbiinoj arrayanetique. Ti xjelav ech'el ta spat xtoque, oy jtsop ca'etic ti ja' tsojique, ti ja' ic' pojan sba stsajale, ti saquic ta q'uelele.

San Juan 1:51

Xi laj yal xtoc ti Jesuse: —Ta xcalboxuc ava'iic ta melel, ta xavilic liquel ta xlic jamuc ti vinajele, ti xmuy xyal ti yaj'ánjeltac Dios ta jts'el ti vu'un co'ol j'elantique.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 11:19

Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Apocalipsis 19:19

Laj quil ti jti'oval chone, xchi'uc ti ajvaliletic oyic ta banomile, xchi'uc ti yajsoldadotaque, ti laj stsob sbaic talel ta stsaquel ta leto ti buch'u cajal ta saquil ca'e, xchi'uc ti yajsoldadotaque.

Apocalipsis 19:21

Ti yane laj yich'ic milel ta espada ti ta xloc' ta ye ti Buch'u cajal ta ca'e. Ech' yo'nton scotol ti mutetic ta sti'bel ti sbec'tal ti buch'u lajic ta milele.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”

Apocalipsis 6:2

Laj jq'uel un, laj quil jun saquil ca'. Ti buch'u scajlebinoje, jun vinic stsacoj batel syolob. Ac'bat sronail, tey xvilet no'ox ta tsalvanej yo' ta stsal scotol.