Apocalipsis 18:8 - Bible in Tzotzil de Chamula

⁸ Jech o xal un, ta jun no'ox c'ac'al, lamal ta xvul ta stojol ti svocole: lajel tubel xa'i xcham xlaj, vi'nal xa'i, yan vocol xa'i, chiq'uel ta c'oc' xa'i xlaj. Jech ta xc'ot ta stojol, yu'un oy smuc'ul stsatsal ti Diose, ti laj xa yac' ye ta xc'ot ti xchapanel ta stojole.”

Tzotzil Zinacantan

⁸ Mu snaꞌic mi más chichꞌic castico. Ta xchamic o jlom. Jlom chat yoꞌonic ta xꞌoqꞌuic yuꞌun ti icham xchiꞌilique. Chtal viꞌnal noxtoc. Li steclumalique chcꞌacꞌ sjunlej. Yuꞌun tsots tajmec syuꞌel li Rioxe ti chacꞌ casticoe.

Bible in Tzotzil de Chenalhó with Deuterocanon

⁸ Ja' yu'un ta jun no'ox c'ac'al chc'ot scotol li vocoletic ta stojole. Ta xtal tsatsal chamel, oq'uel, xchi'uc vi'nal, jech noxtoc j'ech'el ta xlaj o ta c'oc'. Yu'un toj ech'em svu'el li Cajvaltic Dios ti chac'be stojol mulile”, xi.

Tzotzil San Andres

⁸ Pero stoyoj noj sbaic, jaꞌ yuꞌun ta xtal tsots vocol ta stojolic. Oy buchꞌutic ta xchamic, oy yan chat yoꞌonic ta xꞌoqꞌuic ta scoj ti icham li schiꞌilique, chtal viꞌnal nojtoc. Li steclumalique chlaj ta cꞌocꞌ scotol. Ti jech ta xcꞌot ta pasele, yuꞌun echꞌem stsatsal sjuꞌel li Cajvaltic Diose, jaꞌ li chacꞌ ta ichꞌel vocole.

Tzotzil de Huixtán

⁸ Yu'un ti hech tstoy sbaique, hech yu'un ti jun no'ox c'ac'al ep castigo chtal ti stojolic. Oy chchamic, oy ch-oq'uic yu'un ti icham ti yermanoe, oy chvi'najic, Yu'un chc'ac' ti jteclume. Hech chc'ot ti pasel yu'un jelaven sp'ijil ti Diose, ja' ti juez yu'unique.

Apocalipsis 18:8 Iomraidhean Croise

Job 9:19

¿Mi xu' ono'ox la xana' ta jtsatsal-c'opon c'alal jelavem ti smuc'ul stsatsale? ¿Mi ta xich' tael ta iq'uel ta xchapel ti c'ope? ¿Buch'u xa ono'ox la ta x'ic' yu'un talel un?

Salmos 62:11

Oy bu xi laj yalilan Dios ti c'opoj talel laj ca'ie: ti muc'ul tsatsalile, ti syail xc'uxul o'ntonale, liquem talel ta stojol ti Diose, xchi'uc jujun ta stojbe ti c'u s'elan laj xa spasique.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Isaías 9:14

Va'i ti Dios une, jech laj spasbe ti lum Israele jech c'u cha'al ta xich' pasbel ti chon bolom ta xich' c'ocbel ti snee, mi ja' ti sjole, ti mu yanuc jech c'u cha'al ta xich' ts'etel ti te'el xane, mi ja' ti jchop o ta xan ti junco sbie. Ta jun no'ox c'ac'al, ta xc'ot ta pasel ma' ti va'i s'elan taje.

Jeremías 50:31

Ti Ajvalil ti scotol xu' yu'une xi ta xale: “Muc' ta lum ti mu xa'ac'van ta ventae, ta jva'an jba ta scontrainelot. C'ot c'ac'al ora avu'un ti ta jtsitsot ava'ie.

Jeremías 50:34

Ti jpojvanej yu'unique, jelavem xu' yu'un ec. Ajvalil scotol xu yu'un xi sc'oplal. Ta sbain stuc c'u s'elan ta stic' sba ta pojvanej. Mu vocoluc ti slamajes c'op ta stojol ti muc' ta lume, ti ta xbat xch'ulel ta xi'el yu'un ti jnaclejetic ta Babiloniae.”

Jeremías 51:58

Ti vu'un Ajvalilun ti scotol xu' cu'une, xi ta xcale: Ti jech jamal ta j'ech'el spac'benal smoc ti jteclum Babiloniae, ta xc'ot ta pasel cu'un ti ta j'ech'el ta xich' lilinele. Ti jech pechajtic sjamlej ti ti'nae, ta xtic'bat sc'ac'al. Ta jbel sc'oplal, jeche' no'ox ech' svocolic ta abtel ti muc'tiquil jteclumetique. Yu'un busul ta xlaj ta c'oc' ti yabtelic ti laj xpich' ti yoc sc'ob xchi'uquique.”

Jeremías 51:6

“Jatavanic loq'uel ta jteclum Babilonia. Spojuc xa sba ti buch'u xu' yu'une. Mu aq'uelojuc abaic ta xachamic ta scoj ti smulique. Yorail xa ta jpac sutel ti jq'uexe. Ta stojic cu'un ti c'u s'elan loc' ta sa'el yu'unique.

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

1 Corintios 10:22

¿Mi lec xana'ic ta xcac'tic ilinuc ti Diose? ¿Mi yu'un vo'otic ech'em cajal xca'i jbatic?

Apocalipsis 11:17

Xi ta xalique: “Colaval, Cajval, Ch'ul Dios ti scotol xu' avu'une, ti oyot ono'ox talel ta vo'nee, ti jech staoj yav avi tana li'e, ti laj xa avinajes ti amuc'ul atsatsale, ti ta xlic apas mantale.

Apocalipsis 17:16

Ti lajuneb xulubile, xchi'uc ti jti'oval chon laj avile, ta xlic scontrainic ti jmulivajel antse. Cuxul t'anal ta sjip ta stenic comel, ta sti'beic ti sbec'tale, ta xchiq'uic ta c'oc'.

Apocalipsis 17:18

Ti ants laj avile, ja' sc'oplal ti muc' ta lum ta spas ta mantal ti ajvaliletic oy ta banomile.”

Apocalipsis 18:17

Ta jech yepal ch'ay yepal ti c'ulejale.” Scotol ti capitanetic yu'un ti barcoe, ti jxanviletic oyic ta yute, ti buch'utic ta sts'otic ti barcoe, xchi'uc scotol ti j'abteletic ta nabe, nom ta sq'uelic talel

Apocalipsis 18:19

X'oc'oletic xa ta at-o'nton, ti svajbe xa sbaic spucuquil lum ta sjolic ti xi avanique: “Mu cha'bel un, laj c'op ma' ti muc' ta lume. Yu'un sventa sc'ulejal c'otic ta jc'ulej scotolic ti buch'utic oy sbarcoique. Ta uni jliquel no'ox, ta jech to yepal lilij.”

Apocalipsis 19:3

Laj taj une, laj ca'i ti xi lic yalic xtoque: “Sbatel osil xtomet ta xmuy ta vinajel ma' ti xch'ailale. Coliyal ti Diose.”