Apocalipsis 18:3 - Bible in Tzotzil de Chamula

³ Yu'un scotol ti muc'tiquil lumetic oyic ta sjoylej banomile, yacubic yu'un ti vino ti mu'yuc xa c'usi x'ech' o ta xa'iic ti sc'upijel yo'ntone. Yu'un ti ajvaliletic oyic ta banomile, jovi sjolic ta spasel ti mulil xchi'uque. Pas ta jc'ulej yu'un ti jbolomajeletique, ta scoj ti mu'yuc spajeb laj yac'be sba ti c'usi ta sc'an ti sc'upijel yo'ntone.”

Tzotzil Zinacantan

³ Yuꞌun jaꞌ ixchanubtasic ta spasel cꞌusitic chopol scotol li crixchanoetic ta sjunlej balamile. Jaꞌ ta smulic ti ep cꞌusitic iyichꞌic ta muqꞌue. Li preserenteetique jaꞌ ixchanic li cꞌusitic ispasic li jbabiloniaetique. Li jbabiloniaetique scotol cꞌusi chpichꞌ o yoꞌonic, smanic noꞌox ti cꞌusi chcꞌot xchonele, yechꞌo ti icꞌulejajic yuꞌunic li jꞌequeletic ta sjunlej balamile ―xi li anjele.

Bible in Tzotzil de Chenalhó with Deuterocanon

³ Yu'un scotol cristianoetic ta jujun banamil laj yac'be yuch' li sbel sbis ti nojem ta mulivajeletic yu'une. Scotol li ajvaliletic ta banamile imulivajic xchi'uc. Scotol li jchonolajeletic, li jmanulajeletique ipasic ta jc'ulej xchi'uquic li c'usitic c'upil cha'ay ti mu'yuc spajebe”, xi li j'almantale.

Tzotzil San Andres

³ Yuꞌun li jbabiloniaetique jaꞌ la schanubtasic ta spasel li cꞌustic chopol scotol li crixchanoetic ta spꞌejel balumile. Jaꞌ ta scojic ti ep cꞌustic laj yichꞌic ta muqꞌue. Li ajvaliletique jaꞌ la schanic li cꞌustic la spasic li jbabiloniaetique. Li jbabiloniaetique ipasic ta jcꞌulej yuꞌunic li jchonolajeletic ta spꞌejel balumile yuꞌun la scꞌupinic ta manel scotol li cꞌustic oy ta balumile ―xi li chꞌul ángele.

Tzotzil de Huixtán

³ Yu'un ti babiloniaetique laj xchanubtas scotol crixchanoetic ti balumil ti c'utic mu xtun chil ti Diose, hech yu'un chjin. Ja' laj xchanubtas uc ti ajvaliletique ti scotol balumil ti ac'o spas c'usi tsc'an ti yo'nton stuquique. Ti jchonolajeletic li' ti balumile laj xa spasic ep canal yu'un ja' ichanubtasatic yu'un ti babiloniaetique ti c'utic chopol tspasique ―xchi.

Apocalipsis 18:3 Iomraidhean Croise

Isaías 47:15

Yu'un ja' to jech ta xc'ot ta tsutsel ti j'ac'-chameletic avu'un ti co'ol ajol avo'ntonic xchi'uc ti c'alal lic ch'ian c'opojan talele. Jujun laj stam batel sbeic ti mu'yuc stuq'uile. Mi junuc xa oy buch'u ta spojot un.

Jeremías 51:34

Xi ta xal ti Jerusalene, ti ja' ono'ox ti jteclum Sione: “Ti Nabucodonosor ajvalil yu'un ti jteclum Babiloniae, laj sesintaun, laj sbalun ta ti'el, co'ol to s'elan jun sets'un ti xocol laj yictaun comele, co'ol s'elan jun jti'oval chanul nab laj sbic'un batel. Laj snojes sba xchi'uc ti c'usi lec laj ya'i smuil ti oy ta jtojole. Ti scomelal une, laj sjip batel. Ac'o stoj ya'i ti jteclum Babilonia ti jech ech'em laj yilbajinune. Ac'o stoj ya'i ti caldeoetic ti jech laj smilbeicun ti jvinquileltaque.”

Jeremías 51:7

Yu'un ti jteclum Babiloniae, co'ol to ox s'elan oro bis ti oy ta coc ta jc'obe, ti yacub yu'un scotol ti muc'tiquil lumetic oy ta banomile. Ti muc'tiquil jteclumetique laj yuch'ic ti vino taje. Ch'ay ti sjolic yu'une.

Lamentaciones 4:5

Ti buch'u oy to ox ta ye ta sti'ic ti sve'el yuch'omique, tana une, javajtic ta be ta xlajic ta vi'nal. Ti spajebal to ox yutsil ti bu ch'iic talele, tana une, ta yavil c'a'eptic nacalic.

Nahúm 3:4

Scotol ti va'i s'elan taje, ja' ta scoj ti epaj xa ta j'ech'el soquesvan ti jchonbail mulivajel ta lume, ti stuc xa no'ox jech ti yutsil ta q'uelele, ti ja' xa jun cuxul me' j'ac'-chamele. Oy slo'laob yo' ta xu'ninbe yo'nton ti jteclume xchi'uc ti muc'tiquil lumetique.

San Lucas 7:25

Mi ma'uc une, ¿c'usi ay aq'uelic un cha'e? ¿Mi ay aq'uelic jun vinic ti jun yutsil ti sc'u' slapoje? Ti vo'oxuque xana'ic lec ti buch'utic jun yutsiquil ti sc'u' slapojique, ti mu smacbe sbaic c'usi xal ti yo'ntonique, oyic ta sna ti ajvaliletique.

1 Timoteo 5:11

Ja'uc ti tsebal me'unal antsetique, mu xatic'be ta vun sbiic, yu'un xu' ta xlic xch'ac sbaic ta stojol Cristo ta scoj ti c'usi oy ta yo'ntonique, yu'un ta to sc'an xcha'malij ya'iic.

Apocalipsis 14:8

Nabal talel xchibal ánjel xtoc ti xi ta xale: “Tsalel xa, yal xa ta lum ma' ti muc' ta Babiloniae, ti buch'u laj xa syacubtas scotol ti jnaclejetic oyic ta sjoylej banomile ta scoj ti laj sbolomalin sba yu'un ti sc'upijel yo'ntone.”

Apocalipsis 17:2

Yu'un ti ajvaliletic oyic ta banomile bat sjol yo'ntonic ta mulivajel xchi'uc ti antse. Jovi sjol yo'nton yu'un xtoc ti jnaclejetic ta banomil ta scoj ti ta sbolomalin sbae.”

Apocalipsis 18:19

X'oc'oletic xa ta at-o'nton, ti svajbe xa sbaic spucuquil lum ta sjolic ti xi avanique: “Mu cha'bel un, laj c'op ma' ti muc' ta lume. Yu'un sventa sc'ulejal c'otic ta jc'ulej scotolic ti buch'utic oy sbarcoique. Ta uni jliquel no'ox, ta jech to yepal lilij.”

Apocalipsis 18:23

Laj sc'oplal xtoc sac jaman no'ox xojobal ti lamparae, laj sc'oplal xvochvun ti pas q'uin sventa nupunele. Caj tsacal xa'i sbaic ta banomil ma' ti jbolomajeletic ta aventae, yu'un laj alo'laan ti muc'tiquil lumetic ti oy ta sjoylej banomil ta scoj ti achamelinoj ti lo'lavaneje.”

Apocalipsis 18:7

Ta scoj ti mu no'ox albajuc laj stoy sbae, ti ja' no'ox bat yo'nton ti c'usi ta sc'an stuque, jechuc ac'bo yich' ti svocol ya'ie. Yu'un jech xi ta xalbe sbae: ‘Li' chotolune, yu'un me' ajvalil xca'i jba. Laj c'op ma' ti me'unal antsune, mi ja'uc ti vocol ta xvul ta jtojole.’

Apocalipsis 18:9

Ti ajvaliletic oyic ta banomil ti mulivajic xchi'uque, ti jmoj laj spasic c'usi ta sc'an ti yo'ntone, x'oq'uic xa liquel ta at o'nton c'alal ta xilic xtomet ti xch'ailal ta xc'aq'ue.