Apocalipsis 18:1 - Bible in Tzotzil de Chamula

¹ Laj taj une, laj quil yal talel jun ánjel ta vinajel ti tsots yich'oj yabtele, ti sac jamtaj ti banomil yu'un ta xojobale.

Tzotzil Zinacantan

¹ Tsꞌacal to iquil iyal tal ta balamil jun anjel, tsots syuꞌel. Oy xojobal, isacub yuꞌun sjunlej li balamile.

Bible in Tzotzil de Chenalhó with Deuterocanon

¹ C'alal jech laj quile, ts'acal laj quil iyal tal ta vinajel jun j'almantal, bats'i tsots svu'el. Toj sacubel ivul banamil yu'un li xojobale.

Tzotzil San Andres

¹ Tsꞌacal to iquil iyal talel ta balumil jun banquilal chꞌul ángel. Tsots yabtel acꞌbil. Oy xojobal, jech isacub ta xojobal spꞌejel li balumile.

Tzotzil de Huixtán

¹ Patil laj quil iyal tal ti balumil totil ch'ul abat. Tsots yabtel yich'oj. Yu'un oy squeval ti ch'ul abate, hech yu'un más isacub li' ti balumile yu'un.

Apocalipsis 18:1 Iomraidhean Croise

Ezequiel 43:2

Laj quil ta sloq'ueb c'ac'ale, lic talel yutsilal slequilal Dios yu'un ti Israele, ti co'ol s'elan yech'omal jun muc' ta uc'ume, sac jaman com yu'un ti banomile.

San Lucas 17:24

C'alal ta sta sc'ac'alil ta xital ti vu'un co'ol j'elantique, co'ol s'elan jech c'u cha'al sac tsel ti xjaplajet no'ox xojobal ta jujot vinajele.

2 Tesalonicenses 2:8

Va'i un, c'alal mi laj yich' loq'uesel ti Buch'u smacoj to ta bee, ja' o ta xvul ta loq'uel ti me'mulil vinique, ti ta xmile ta yic'al ye ta yutsilal xojobal ti Cajvaltic Jesús c'alal ta xcha'sut talele.

Apocalipsis 10:1

Laj quil yan tsatsal ánjel xtoc, ti volibil ta toc yal talel ta vinajele, ti cotol talel vacnac'obal ta sjole, ti xojobin sat jech c'u cha'al ti sat c'ac'ale, ti co'ol s'elan junuc leb c'oc' volibil ti yacane.

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 17:7

Va'i un, ti anjele xi laj yalbune: “¿C'u cha'al ch'ayal c'ot avo'nton yu'un? Ta xcal ava'i c'usi smelol ta xac' ta na'el sc'oplal ti ants le'e, xchi'uc sc'oplal ti jti'oval chon scajlebinoj batele, ja' ti jti'oval chon ti oy vucub sjole xchi'uc ti lajuneb xulube.

Apocalipsis 21:23

Ti ta jteclume, laj to c'op ta xtun xojobal ti c'ac'ale, xojobal ti ue, yu'un ja' xa xojobin stuc ti Diose, xchi'uc ja' xa c'otem ta xojobinel yu'un ti jcot ta Uni Chije.