Apocalipsis 17:8 - Bible in Tzotzil de Chamula

⁸ Ti jti'oval chon laj avil ti cuxul to oxe, ja'uc le'e laj xa sc'oplal avi tana le'e. Ac'o mi laj xa sc'oplal, ta xloc' talel ta xa'ab ti c'alal mu'yuc to ta stsuts o ta j'ech'ele. Ti jnaclejetic ta banomil ti buch'u mu'yuc ono'ox tsacal sbiic ta jpoc vun sventa cuxlejal c'alal lic meltsajuc talel ti banomile, ch'ayal ta xc'ot yo'ntonic, c'alal ta xilic ti tsajal xi'bal sba jti'oval chon ti ta xac' sba iluc xtoque, c'alal albil sc'oplal chamem xae.

Tzotzil Zinacantan

⁸ Li chone cuchem toꞌox yuꞌun ti chcuentainvane. Lavie mu xa xcuch yuꞌun. Pero ta to xcuch yuꞌun noxtoc. Lavie naca xa mu chlocꞌ tal ta natil chꞌen, tsꞌacal to chba yichꞌ castico ta sbatel osil. Li crixchanoetic liꞌ ta sba balamile ti mu onox bu tsꞌibabil sbiic ta vun ti chcuxiic ta sbatel osile ti cꞌalal chꞌabal toꞌox li vinajel balamile, ta xchꞌay o yoꞌonic ti cꞌalal chcuentainvan noxtoc li chone ti cuchem toꞌox yuꞌun chcuentainvane, yuꞌun snaꞌojic ti mu xaꞌox xcuch yuꞌune.

Bible in Tzotzil de Chenalhó with Deuterocanon

⁸ Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Tzotzil San Andres

⁸ Li jtiꞌaval bolome li scajlebinoj li antse, jaꞌ ti xuꞌ toꞌox yuꞌun chventainvane, li avie mu xa xuꞌ yuꞌun. Pero ta to xchaꞌayan stsatsal sjuꞌel, ta xlocꞌ talel ta xab. Tsꞌacal to chba yichꞌ vocol sbatel osil. Li crixchanoetic liꞌ ta balumil ti muc onoꞌox bu tsꞌibabil sbiic ta jun sventa cuxlejal sbatel osil ti cꞌalal muꞌyuc toꞌox vinajel balumile, labal chaꞌiic ti cꞌalal chilic ta xchaꞌayan stsatsal sjuꞌel li bolom ti xuꞌ toꞌox yuꞌun chventainvane, yuꞌun snaꞌojic ti mu xa onoꞌox xuꞌ yuꞌune.

Tzotzil de Huixtán

⁸ Ti jti'vanej bolome ti cajlebimbil yu'un ti antse, ja' ti oy yip ti vo'one, ti mu'yuc xa yip ti ora to, patil chlic cha'anuc yip yan vuelta hech chlic loc'uc tal ti xab, patil chba yich' castigo sbatel osil. Ti crixchanoetique ti mu p'ejeluc sbiic ti jun sventa cuxlejal sbatel osil ti c'alal mu to chlic ti balumile, ja' chch'ay yo'ntonic ti c'alal tsq'uelic ti chcha'an yip yan vuelta ti jti'vanej bolome.

Apocalipsis 17:8 Iomraidhean Croise

Salmos 69:28

¡J'ech'eluc, tubo sbiic ta svunal ti cuxlejale! Mu xatic'be sbiic bu tsacal sbiic ti buch'utic oy yutsil slequil yo'ntonique.

Daniel 11:45

Mi laj taj une, ta xlic lamlicuc ta naclej ti ta xchotiic ta ajvalilal ta banomil ti oy ta o'lol yu'unic ti nabe xchi'uc ti ch'ul vits ti sbiinoj C'upil Sbae. Ti bu taj une, ta xc'ot ta lajel ti c'ac'al ora yu'une. Mu'yuc xa buch'u xu' ta xpojun.

Daniel 7:11

Jq'ueloj, batem co'nton xchi'uc ti c'usi ta xalilan ti snene' xulub ti xloquet no'ox snuc' ta spase. C'alal ch'ayal co'nton ta sq'uelele, laj quil ti laj smilic ti muc' ta jti'oval chone. Laj slilinic ta bic'tal bojilanel. Laj xtoc un, laj sjipic ochel ta c'oc' yo' jech ta xc'ac' yu'unic.

Daniel 7:26

Va'i un, c'alal ta xlic sliques chapanel ti jchapanvaneje, tey ta xpojbat ti jech jelavem xu' yu'une. Ta xc'ot ta tsutsel ta j'ech'el.

Daniel 7:3

Ta jech to yepal, vul ta loq'uel chancot (4) xi'bal sba muc'tiquil jti'oval chon ti yan o ta q'uelel ti jujucot ti loq'uic talel ta nabe.

Daniel 7:7

Ti xchanibal xi'bal sba jti'oval chon ti li'ac'bat quil ti c'alal jam ti jba jsate, toj ech'em xi'elal ta j'ech'el, ti stuc xa no'ox jech xu' yu'un ta j'ech'ele. Jun to snatiquil stanal ye, ti ja' tsatsal taq'uin yilele, ti naca smilan no'ox scotole. Mu no'ox ta yeuc ta xa'i ti ta slilinane. Ta sju' comel ta teq'uel ti c'u yepal ti scomelale. Ja' jun jti'oval chon ti stuc no'ox yan o ta q'uelel ta scotol ti c'u yepal laj quil ta jvaiche. Yu'un oy lajuneb (10) xulub ta sjol laj quil.

San Mateo 25:34

Ti Ajvalilune xi ta xcalbe ya'i ti oyic ta jbats'i c'obe: ‘La'ic ta jtojol ti vo'oxuc la'ich'atic ta c'ux yu'un ti Jtote. Ochanic ti bu ta xventainvan ti Jtote, yu'un jech ono'ox chapanbil ac'oplalic c'alal mu'yuc to ox bu meltsajem ti banomile.

San Lucas 10:20

Ma'uc no'ox xamuyubajic yu'un ti laj xch'unboxuc amantalic ti pucujetique. Ja' muyubajanic yu'un ti tsacal abiic ta vinajele.

San Lucas 8:31

Ti pucujetique laj sc'anbeic ti Jesuse ti mu xtacatic batel ta xabe.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

Hechos 15:18

Vo'ne xa laj yac' iluc talel Dios ti vi s'elan ta xc'ot ta pasel tana le'e, c'ot ta pasel yu'un ti sc'op une.’

Efesios 1:4

C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

1 Pedro 1:20

Ti jech taje, c'alal mu'yuc to ox meltsajem ti banomile, jech ono'ox ac'bil talel ti Cristoe, ti ja' to laj yac' sba ta ilel c'alal slajebtic xa batel ti c'ac'ale, ti ja' sventa alequilalique.

Apocalipsis 11:7

C'alal mi tsuts ti yabtelique, ja' o ta xloc' talel ta xa'ab ti jti'oval chone. Tey ta xlic spasic c'op xchi'uc ti rexticoetique, ti tsalbil ta xc'otic, yu'un ta stsaqueic ta milel yu'un ti jti'oval chon ti loc' talel ta natil xa'abe.

Apocalipsis 17:11

Ti jti'oval chon ti cuxul to oxe, ti mu'yuc xa avi tana li'e, ja' sc'oplal ti xvaxaquibal ajvalile: ac'o mi ja' jun ta yucubal ti q'uelel xa talel ta stojol ti ta stsuts ti sc'oplale.

Apocalipsis 17:2

Yu'un ti ajvaliletic oyic ta banomile bat sjol yo'ntonic ta mulivajel xchi'uc ti antse. Jovi sjol yo'nton yu'un xtoc ti jnaclejetic ta banomil ta scoj ti ta sbolomalin sbae.”

Apocalipsis 20:10

Jech ti pucuje, ti buch'u ilo'lavan xae, laj yich' jipel yalel bu ts'anal ti c'oc' ta xtil ta azufree, ti bu laj xa yich' jipel yalel ti jti'oval chone xchi'uc ti jlo'lavanej j'alc'ope. Ti bu taje, sbatel osil, c'ac'al ac'ubal, ta xich' svocol.

Apocalipsis 20:12

Laj quil xtoc, c'alal ta biq'uit ta muc', ti buch'utic chamemic xae, scotolic laj sva'an sbaic ta stojol ti Diose. Laj yich' jamel ti spocol poj vunetique. Laj yich' jamel xtoc ti jpoc vun ti bu ts'ibabil sc'oplal ti cuxlejale. Ti animaetique jech laj yich'ic chapanel jech c'u cha'al ti c'u s'elan laj xa spasic ti ts'ibabil ta svunale.

Apocalipsis 20:15

Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Apocalipsis 3:5

Ti buch'u ta stsal yu'un scotole, ta x'ac'bat slapic saquil c'u'il. Mi ja'uc ta jtubbe sbiic ti oy ta jpoc vun yu'un ti sventa cuxlejale, c'ajomal jamal ta xcalbe sc'oplal ta stojol ti Jtote xchi'uc ta stojol ti yaj'ánjeltaque.