Apocalipsis 17:4 - Bible in Tzotzil de Chamula

⁴ Ti ants taje, ic' ic' losantic sba stsajal xchi'uc bats'i tsoj yutsil xnichimal slapoj ti sc'u'e. Ch'alal ta naca nats'il, ta oro ti yoc sc'obe, ta c'upil sba tonetic xchi'uc ta perla. Stsacoj xtoc jun bis ti meltsanbil ta oroe, ti noj sbel ta naca c'usitic chopol ta scoj sbolilal ti ta sbolomalin sbae.

Tzotzil Zinacantan

⁴ Li antse lec tsꞌaquiem, morado xchiꞌuc tsoj li scꞌuꞌe. Oy lec snatsꞌ. Ti snatsꞌe oy oro, oy coꞌol xchiꞌuc sat anillo, oy perlaetic. Stomoj jun pꞌis naca oro. Jaꞌ chacꞌbe yil li crixchanoetique yoꞌ xpichꞌ o yoꞌonique. Li sbel spꞌise chopol chil ti Rioxe yuꞌun jaꞌ tey scotol li cꞌusitic lec chaꞌi stuc li antse.

Bible in Tzotzil de Chenalhó with Deuterocanon

⁴ Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Tzotzil San Andres

⁴ Li antse slapoj lec scꞌuꞌ, icꞌpocꞌan stsajal. Schiꞌuc oy lec snatsꞌ pasbil ta cꞌanal taqꞌuin, schiꞌuc ton li toyolic stojole, schiꞌuc perlaetic. Jech lec cꞌupil o sba schiꞌuc. Te slechoj jun boch pasbil ta cꞌanal taqꞌuin. Jaꞌ ta xacꞌbe yil li crixchanoetique yoꞌ acꞌo spichꞌ o yoꞌonic. Li sbel sboche naca chopol ta xil li Diose yuꞌun naca te oy scotol li cꞌustic lec chaꞌi stuc li antse.

Tzotzil de Huixtán

⁴ Ti sc'u' ti slapoj ti antse ic'ic'tic xchi'uc tsoj. T'ujum ch-ilat yu'un oy snats' pasbil ti c'anal taq'uin xchi'uc ton ti toyol stojole xchi'uc perlaetic. Stsacoj ti sc'ob jun taza pasbil ti c'anal taq'uin. Chac'be yil yu'un hech ac'o sc'upin tal ti crixchanoetique. Mu'yuc sc'opilal ti yo'ntonic ti ja' nojem te ti yut taza ti c'usi mu xtun chil ti Diose ti tspas ti antse xchi'uc ti sbolil yo'nton ti antse yu'un ti mu spas ti muc' ti Diose.

Apocalipsis 17:4 Iomraidhean Croise

1 Reyes 14:24

Ja' jech xtoc ta vinic ta antsetic laj yac'beic yipal ta mulivajel ta sventa smuyubtael stoyel xi'el ti loc'obbail diosetique, ti lic stsacbeic ta spasel jech c'u cha'al ilo sba ta spasic ti yan muc'tiquil lumetic ti laj sten loq'uel ti Dios ta sba ta sat ti israeletique.

2 Reyes 21:2

Ja'uc ti c'usitic lic spas une, mu lecuc laj yil ta sba ta sat ti Diose, ti xi s'elan lic xchan ta spasel ti c'usitic ilo sba ta spasic ti jteclumetic ti laj yilic ta sba ta satic ti israeletic ti jipatic loq'uel yu'un ti Diose:

Esdras 9:11

c'alal laj avalbuncutic mantal ta sventa ti j'alc'opetique, ja' ti avajtuneltaque. Laj ono'ox avac' jna'cutic ti soquem ta j'ech'el ti jteclum ti bu oy sc'oplal ta xi'ochcutic batele, ti ta xcu'nincutique. Laj avac' ta na'el ti naca mulil oy ta yo'ntonic ti jnaclejetic teye, ti mu lecuc ta q'uelel ti c'u s'elan liquem yu'unic ta spasele, ti yac'ojbeic yipal spasel ti c'usi mu stac' q'uelel ta xavile.

Isaías 66:3

Ja'uc le'e, oy buch'u ta xac'be yich' svocol ta milel jcot tot vacax, ta smil vinic xtoc. Oy buch'u ta spajbe cuchilu ta snuc' ti chije, ta smil ts'i' xtoc. Oy buch'u ta xac' ta matanal ti jchop o ta trigoe, ta xac' ta matanal xch'ich'el chitom xtoc. Oy buch'u ta xchic' ti pome, ta xich' ta muc' loc'obbail xtoc. Ti buch'utic laj yac' sjol ta spasel ti va'i s'elan taj ti mu albajuc xchopolal ta j'ech'ele, jun yutsil ta spasel xa'i.

Jeremías 51:7

Yu'un ti jteclum Babiloniae, co'ol to ox s'elan oro bis ti oy ta coc ta jc'obe, ti yacub yu'un scotol ti muc'tiquil lumetic oy ta banomile. Ti muc'tiquil jteclumetique laj yuch'ic ti vino taje. Ch'ay ti sjolic yu'une.

Lamentaciones 1:9

Balal ta ic'ubal ti sc'u'e; mu'yuc laj snop ti c'usi xu' ta xc'ot ta stojole. Mu ch'unbaj ti c'u s'elan tub ti sc'oplale; mu'yuc buch'u junuc ta xpatbat ti yo'ntone. Q'uelo avil un, Dios, lic'ot ta yoc yu'unic ti jcontra ti stoyoj sbaique.

Ezequiel 20:30

“Xi s'elan ta xal ti Diose, xavut ya'i ti lum Israele: ‘¿C'u cha'al lec no'ox xava'iic ta soquesel abaic jech c'u cha'al laj spasic ti atot ame'ic laj ech'uque? ¿C'u cha'al yan ajolic ta jtojol ti nijiloxuc ta yich'el ta muc' ti soquesvanej loc'obbailetique?

Ezequiel 24:11

Ti xocol bine, cajano muyel ta c'oc', tsajubuc ta c'oc' ti c'anal taq'uin bine, ti mu'yucuc xa c'usi yatinoj ta xcome, ti mu'yucuc xa ta j'ech'el ti xcuxil ta xcome.

Ezequiel 24:13

‘Ti vu'une, Jerusalén, oy ta co'nton ta jmes loq'uel ta atojol ti asoquesoj abae xchi'uc ti bu ic'bil avo'nton yu'une. Mu'yuc xc'ot ta pasel ti mesbil tusbil lacom yu'une. Ja' to ta xames xatus yu'un mi laj jbusan talel ta aba ti sc'ac'al co'ntone.

Ezequiel 28:13

Oyot to ox ta ts'unubaletic yu'un Dios ti sbiinoj Edene, ti xi a'elan ch'albilot ep ta tos c'upil sba bax-tonetique: ti tsoj-tsojtic sba xojobale, ti c'on-c'ontic sba xyaxale, ti ic'-ic'tic sba xyaxale, ti xlablun sba sc'anele, ti ic'-ic'tic sba stsajale, ti yox-yoxtic sba stsajale, ti yax'elantic sba stsajale, ti ep ta tos xojobale, ti c'on-c'ontic sba xyaxal xlablun ta q'uelele, ti c'usitic x'ayan avu'une, ti taq'uinal chiquinale, naca ta oro, chapanbil xa ono'ox c'alal laj avich' ac'bel ach'ulele.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Daniel 11:38

Manchuc mi jech un, ta xlic sva'an ta dios ta snijanel xchimanel sba ti dios yu'un ti pojobbailetique. Ta xlic yich' ta muc' ti ja' ta sbis ta dios taje, ti c'alal mu'yuc laj snijan xchiman sbaic ta yich'el ta muc' ti stot sme'tac ti laj ech'icuque. Ta xac'beic ta matanal ti oroe, ti platae, ti c'upil sba tonetique, xchi'uc ti c'usitic toj tunel ti toyolic stojole.

Oseas 9:10

Ti Diose xi ta xale: “C'alal laj jta ta sa'el ti Israele, ximuyubaj xa yu'un, co'ol s'elan jech c'u cha'al ti buch'u oy sat ta sta ti uva ta sbajtical banomile. Ti atot ame'ic ta vo'nee, laj quil ta jba ta jsat ti co'ol s'elanic icux ti sob no'ox ta xac' ti sate. Le' une, c'alal c'otic ta Baal-peore, lic yac' sbaic ta tunel ta stojol ti c'usitic va'anbil ta diosetique. Bajbil tenbil c'otic jech c'u cha'al ti sdiosic ti batem yo'nton xchi'uquique.

Deuteronomio 29:17

Ti ta lumetic taje, ja' to vul jtatic ta ilel ti oy jeche' diosetique, xchi'uc ti jeche' loc'obbail ti meltsanbil ta te'e, ti ta tone, ti ta platae, ti ta oroe, ti nijil chimilic ta xich'ic ta muc' ti jnaclejetique.

Apocalipsis 14:8

Nabal talel xchibal ánjel xtoc ti xi ta xale: “Tsalel xa, yal xa ta lum ma' ti muc' ta Babiloniae, ti buch'u laj xa syacubtas scotol ti jnaclejetic oyic ta sjoylej banomile ta scoj ti laj sbolomalin sba yu'un ti sc'upijel yo'ntone.”

Apocalipsis 18:12

Yu'un tey laj xchonic ti naca oroe, ti platae, ti c'upil sba tonetique, ti perlae, ti saquil poc' liquem talel ta lino sbie, ti xela poq'ue, ti ic' ic' losantic sba stsajale, xchi'uc ti cuxul tsoje, ti ep ta tos ti te'etic xpaq'uet no'ox smuil ta a'yiele, ti sts'uts'op jchop o ta chon bolom ti marfil sbie, ti te'etic ti c'upil sbae, ti tsatsal c'anal taq'uine, ti c'usitic tenbil ta tsatsal taq'uine, ti mármol tone,

Apocalipsis 18:16

ti xi ta xalique: “Mu xa cha'bel un, laj xa c'op ma' ti muc' ta lume. C'otem to ox jech c'u cha'al jun ants ti mu no'ox albajuc yutsilal ti sc'u' ta slape, ti naca lino poc' ic' ic' losantic sba stsajale xchi'uc bats'i tsoje, ti xch'alet no'ox ta oro, ta perla, ta c'upil sba tonetic ti yoc sc'obe.

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 21:21

Ti lajcha'pech ti' moque, naca ta perla ton meltsanbil. Ti jujupech sti'taque, jpech perla ton yich'oj. Ti muc' ta calle yu'un ti jteclume, naca oro yich'oj, ti sts'ayet no'ox yutsil jech c'u cha'al ti nene.

Apocalipsis 9:21

Mi ja'uc laj yicta sbaic ta milvanej, ta ac'-chamel, ta mulivajel, ta elc'ajel.