Apocalipsis 16:9 - Bible in Tzotzil de Chamula

⁹ Manchuc mi scotolic laj ya'iic tsots xq'uixnal sat ti c'ac'ale, mu'yuc sutic talel ta stojol ti Diose, mi ja'uc lequil-c'opojic ta stojol. C'ajomal no'ox naca chopol c'usitic ta xloc' ta yeic ta stojol Dios ti jnaclejetic ta banomile, c'alal ja' oy ta sc'ob ta yaq'uel ti cuxul j'ilbajinvanej vocole.

Tzotzil Zinacantan

⁹ Cꞌalal chcꞌacꞌ xa chaꞌiic li crixchanoetique, chopol cꞌusi iyalbeic ti Rioxe ti jaꞌ chacꞌ scotol li casticoe. Muc xicta sbaic ta spasel li cꞌusitic chopole, muc xichꞌic o ta mucꞌ ti Rioxe.

Bible in Tzotzil de Chenalhó with Deuterocanon

⁹ C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

Tzotzil San Andres

⁹ Li cꞌalal chcꞌacꞌ chaꞌiic li crixchanoetique, más to ichopolcꞌopojic ta stojol li Dios ti jaꞌ sventainoj scotol li vocole. Muc bu xictaic o li cꞌustic chopol ta spasique, muc bu xichꞌic o ta mucꞌ li Diose.

Tzotzil de Huixtán

⁹ Ti c'alal chc'ac' cha'yic ti crixchanoetique, chopol lic yalbeic sc'opilal ti Diose, ja' ti sventainoj scotol avi castigo li'to. Muc sutes yo'ntonic yu'un ti smulique, muc spasic ti muc' ti Diose.

Apocalipsis 16:9 Iomraidhean Croise

2 Reyes 6:33

Naca to yacal jech xvulajet ta xc'opojic, ja' o c'otic ta stojol Eliseo ti buch'utic tacbilic batele, ti xi albatic yu'une: —Ti jech vul xa ta jtojoltic ti vocol laj xa stacbotic talel ti Diose, ¿c'usi xa stac' ta jmalatic ta stojol un?

2 Crónicas 28:22

Manchuc mi tsots xa batem ti vocol staoje, staoj yav yanijem yo'nton ta stojol ti Diose. ¡Ja' jech o stalel ma' ti ajvalil Acaz une!

Isaías 1:5

Ti vo'oxuque avac'ojbeic yipal ti toyobbaile, mi ja'uc xa oy bu jutebuc xocol yavil yu'un ti tsitsel ti abec'tal atacopalique. Yayijem scotol ti ajolique, ch'abal xa ta j'ech'el ti avipique.

Isaías 8:21

Ti jnaclejetique xloc' x'ochic no'ox batel, ilbajinbilic, mu x'ech' xjelav ta xa'iic ti vi'nale. Ti jech mu x'ech' xjelav ta xa'iic ti vi'nale, ta xlic pucujibuquic xchi'uquic. Ta xlic sbisic ta cotol chaval ti ajvalil yu'unique, ti sdiosique. Ti stoy xa satic ta toyole.

Jeremías 13:6

Jal xa ox yech'el un, xi lic yalbun ti Diose: “Batan ta uc'um Eufrates, ba ich'o talel ti chuquil ti laj calbot ava'i ti xanac' comel ti bu taje.”

Jeremías 5:3

Cajval, ochemot ta sa'el jnaclejetic ti tuc' sjol yo'ntone. Laj atsits, mi ja'uc laj ya'ibeic xc'uxul un; laj abusanbe ta stojolic ti vocole, mi ja'uc laj yich' o yo'ntonic. Mu'yuc c'usi sc'anic albel. Ti yo'ntonique x'ech' to syijil bat jech c'u cha'al ti tone, laj to ta alel yu'unic ta stamel ti tuq'uil bee.

Ezequiel 24:13

‘Ti vu'une, Jerusalén, oy ta co'nton ta jmes loq'uel ta atojol ti asoquesoj abae xchi'uc ti bu ic'bil avo'nton yu'une. Mu'yuc xc'ot ta pasel ti mesbil tusbil lacom yu'une. Ja' to ta xames xatus yu'un mi laj jbusan talel ta aba ti sc'ac'al co'ntone.

San Lucas 13:3

Ta xcalboxuc ava'iic ti mu jechuque. Mi mu xasutic talel ta stojol ti Diose, jbel sc'oplal ta xachamic ec.

San Lucas 13:5

Ta xcalboxuc ava'iic ti mu jechuque. Mi mu xasutic tal ta stojol ti Diose, jbel sc'oplal ta xachamic ec.

2 Corintios 12:21

C'alal ta xtal jq'ueloxuque, ta xixi' ti xu' van ta xiyac'un ta q'uexlal ti Dios cu'un ta acojique. Xu' van ta xiyac' ta oq'uel ti buch'u vo'ne xa sa'oj talel ti smulique, ti mu'yuc to bu yictaoj ti c'usi chopol ta spase, ti staoj to yav ta xmulivaje, xchi'uc yan ti c'usitic mu'yuc smelol ta spase.

Josué 7:19

Va'i un, ti Josuee xi laj yalbe ti Acane: —Nich'on, lequil c'optabiluc, ich'biluc ta muc' c'otuc avu'un ti Ajvalil Dios yu'un ti israeletique, ti chapetan albun ca'i ta jamal ti c'usi laj apase. ¡Mu co'ntonuc no'ox xmacmun avu'un!

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 14:7

Xi tsots ta xale: “Xi'taic ti Diose, albeic yutsilal slequilal, yu'un sta xa yorail ta xchapanvan. Ich'ic ta muc' ti Buch'u laj spas ti vinajele, ti banomile, ti nabe, ti sat vo'etique.”

Apocalipsis 16:21

Ti ta vinajele, baj talel muc'tiquil bot ta sbaic ti jnaclejetic ta banomile, ti ech'em ta cha'vinic (40) kilo yalal ti jujubeje. Ti jnaclejetique ech'em no'ox c'usi chopol ta xloc' ta yeic ta stojol ti Diose, ta scoj ti cuxul j'ilbajinvanej vocol ta xich'ic yu'un ti bote.

Apocalipsis 2:21

Jmalaoj ora ti sutuc talel ta stojol ti Diose. Mu jechuc oy ta yo'nton, yu'un mu ono'ox xicta comel ti ta sbolomalin sbae.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.