Apocalipsis 16:8 - Bible in Tzotzil de Chamula

⁸ Loc' batel ti xchanibal anjele, laj scocan ti sbel sbis ta sba sat ti c'ac'ale, ti ac'bat yich' yip stsatsal sat ti c'ac'ale, yo' tsots xchic'chun ta j'ech'el ta xc'ot ti sat c'ac'al ta stojol ti jnaclejetic ta banomile.

Tzotzil Zinacantan

⁸ Li xchanvaꞌal anjele ismal ta ba cꞌacꞌal li casticoe, jaꞌo icꞌuxub tajmec li cꞌacꞌale, chcꞌacꞌ xa tajmec chaꞌiic li crixchanoetique.

Bible in Tzotzil de Chenalhó with Deuterocanon

⁸ Li xchanibal j'almantale bat smal ta c'ac'al li sbel stazae. Jech ic'aq'uic li cristianoetique.

Tzotzil San Andres

⁸ Li schanvaꞌal chꞌul ángele la smalbe ta sba li cꞌacꞌale li vocol li acꞌbile. Jaꞌ yuꞌun más iqꞌuixnaj o li cꞌacꞌale, jaꞌ yuꞌun chcꞌacꞌ chaꞌiic li crixchanoetique.

Tzotzil de Huixtán

⁸ Ti xchanibal ch'ul abate laj smal ti sba ti c'ac'ale ti castigo ti te tiq'uil ti stazae. Hech lic chic'atuc ti crixchanoetique yu'un ti c'ac'ale.

Apocalipsis 16:8 Iomraidhean Croise

Isaías 24:23

Ti Dios ti scotol xu' yu'une, ti c'alal ta xlic ochuc ta Ajvalil ta vits Sione, ti ta lum Jerusalene, ti c'ac'ale, ti ue, ta x'ic'ub. Ti banquilaletic yu'un ti steclumale ta xilic yutsilal slequilal ti Diose.

Jonás 4:8

C'alal xchijlajan xa vulel ti c'ac'ale, jech ti Diose laj yac' taluc jun ic' ti q'uixin ta j'ech'ele, ti lic talel ta stuq'uil ti sloq'ueb c'ac'ale. Ti jech va'al lec ti c'ac'al ta xc'ot ta sjol ti Jonase, laj ya'i ti ta xa xyal ta lume, sc'an xa chamuc. “Ja' xu' ta j'ech'el ti chamcune. Jeche' xa no'ox ta j'ech'el ti li' to cuxulune”, xut sba.

San Mateo 13:6

C'alal loc' talel ti c'ac'ale, chiq'ue yu'un, yu'un mu'yuc nat mucul ti yibele.

San Lucas 21:25

“Ti ta sat c'ac'ale, oy c'usi ta xvinaj senyailtac, senyailtac ta u, senyailtac ta c'analetic. Ti jujun muc'tiquil lum li' ta banomile, mu stac' a'yeluc ta xa'iic c'usi xu' ta spasic yu'un xi'elal ti tsots xjumumet ti muc' ta nabe, ti xva'i xcotij syuc'benal ti vo'e.

Hechos 2:20

Ta xtub sat ti c'ac'ale. Ta stsajub jech c'u cha'al junuc ch'ich' ti sat ue. Jun yutsil muc' ta c'ac'al ta xc'ot ta pasel ti sc'ac'alil c'alal mu'yuc to ta xcha'sut talel ti Cajvaltique.

Apocalipsis 14:18

Ti ta altare, loc' talel yan ánjel xtoc ti yich'oj yabtel spasel ta mantal ti c'oq'ue, ti xi tsots laj yavta ti jun ánjel ti yich'oj jun joz ti juxbil lec yee: “Tsaco ti ajoze, liqueso ta stuch'el ta jujuvoj ti toc'on uva ti oy ta sjoylej banomile, ta sventa ti joz ti juxbil lec yee.”

Apocalipsis 6:12

C'alal laj stots svaquibal seyo ti jcot ta Uni Chije, laj quil lic jun muc' ta niquel. Ic'ub sat ti c'ac'ale, co'ol s'elan ic'al c'u'il xch'ayobil ti me'inale. Tsajub sbejel sat ti ue jech c'u cha'al stsajal ti ch'ich'e.

Apocalipsis 7:16

Mu xa xa'i svocolic yu'un ti vi'nale, ti taqui ti'ile, mu'yuc xa ta xchiq'ueic yu'un xc'uxul ti sat c'ac'ale, mi ja'uc ti tsots xchic'chun ta xa'iic ti xq'uixnale.

Apocalipsis 8:12

C'alal laj yoq'uisan yoq'ues ti xchanibal anjele, ti oxch'ac sat c'ac'ale, soc jch'ac. Ti oxch'ac sat ue, soc jch'ac. Ti oxch'ac c'anale, soc jch'ac. Jech o xal ti oxch'ac taje, ic'uneb jxet' yo' mu xac' xojobal ta c'ac'altic, mi ja'uc ta ac'ubaltic.

Apocalipsis 9:2

Laj sjambe sti' ti xa'ab ti mu'yuc spajeb snatile. Mu no'ox albajuc xtomet loc' talel xch'ailal ti co'ol s'elan xch'ailal jun muc' ta jornoe. Xch'ayilal ti xa'abe, laj quil ti laj smacbe sat ti c'ac'ale, ic' cuntaj ti banomile.