Apocalipsis 16:7 - Bible in Tzotzil de Chamula

⁷ Laj ca'i xtoc ti oy buch'u ta xc'opoj ta altar ti xi ta xale: “Jech, Cajval, Jch'ul Tot, scotol xu' avu'un, Dios, ti melel tuc' ta xachapan scotole.”

Tzotzil Zinacantan

⁷ Icaꞌi noxtoc oy muchꞌu icꞌopoj yoꞌ bu xchicꞌobil smoton Rioxe. ―Cajval, lec tajmec li cꞌusi chapase. Voꞌot Rioxot, atuc noꞌox oy ayuꞌel. Ta xcꞌot li cꞌusi chavale ―xi.

Bible in Tzotzil de Chenalhó with Deuterocanon

⁷ Laj ca'ay oy boch'o chc'opoj noxtoc te ta scajleb smoton li Diose, jech laj yal: “Cajval Dios, vo'ot ti ech'em avu'ele, tuc' chachapanvan, melel scotol li c'usitic chavale”, xi.

Tzotzil San Andres

⁷ Icaꞌi nojtoc oy buchꞌu chcꞌopoj te ta scajleb smoton li Diose. Jech laj yal: ―Ta melel tucꞌ chavichꞌ cꞌop, Cajval. Echꞌem atsatsal ajuꞌel, ta xcꞌot ta pasel scotol li cꞌustic avaloje ―xi.

Tzotzil de Huixtán

⁷ Laj ca'i oy chc'opoj te ti scajaneb smoton ti Diose. Hech laj yal: ―Melel ti toj chachapanvan, Cajvaltic Dios, ho'ot ti jelaven ap'ijile ti scotol xu' avu'une. Chc'ot ti pasel ti c'u che'el laj avale ―xchi.

Apocalipsis 16:7 Iomraidhean Croise

Isaías 6:6

Ta jech no'ox yepal un, ti jun ta scotol ti c'usi cuxul ti co'ol s'elan c'oc' yilele, xvilil talel ta jtojol ti bu oyune. Slots'oj ac'al ta stsacobil ti laj stam ta sba ti altare.

Ezequiel 10:2

Ti Diose xi laj yalbe ti vinic ti buch'u slapoj ti saquil xela c'u'ile: “Ochan batel ti bu oy ti carosetique, ta yolon ti c'usitic oy xiq'uique. Lucho talel jopuc chacloman ac'al ti oy ta o'lol yu'unic ti c'usitic oy xiq'uique. Tanio batel ta sba ti jteclume.” Laj quil ti och batel ti vinique.

Ezequiel 10:7

Ti jun ti c'usi oy xiq'ue, laj xach' batel sc'ob ti bu oy ti c'oc' ti oy ta o'lol yu'unic ti yan c'usitic oy xiq'uique. Laj stam loq'uel tal. Laj yac'be jelavel ta sc'ob ti vinic ti buch'u slapoj ti saquil xela c'u'ile. C'alal jech laj stsaque, loc' talel.

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 14:10

ta x'ac'bat yuch' ma' ti vino ti naca sc'ac'al yo'nton Dios ti colbil xa ta sbise, ti ta xich' svocol ta c'oc' xchi'uc ta azufre ta sba ta sat ti anjeletique, xchi'uc ti jcot ta Uni Chije.

Apocalipsis 14:18

Ti ta altare, loc' talel yan ánjel xtoc ti yich'oj yabtel spasel ta mantal ti c'oq'ue, ti xi tsots laj yavta ti jun ánjel ti yich'oj jun joz ti juxbil lec yee: “Tsaco ti ajoze, liqueso ta stuch'el ta jujuvoj ti toc'on uva ti oy ta sjoylej banomile, ta sventa ti joz ti juxbil lec yee.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 6:9

C'alal laj stots yo'obal seyo ti jcot ta Uni Chije, laj quil ta yolon ti altar xch'ulelic ti buch'utic laj yich'ic milel ta sventa laj yalic sc'op ti Diose, xchi'uc jbel ti sc'opic c'usi laj yalique.