Apocalipsis 16:6 - Bible in Tzotzil de Chamula

⁶ Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Tzotzil Zinacantan

⁶ Jaꞌ yech smelol ti chavacꞌbe yuchꞌic chꞌichꞌ ti muchꞌutic ismilic isloqꞌuesbeic xchꞌichꞌel ti achꞌamaltaque xchiꞌuc ti avajꞌalcꞌoptaque ―xi.

Bible in Tzotzil de Chenalhó with Deuterocanon

⁶ Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Tzotzil de Huixtán

⁶ Yu'un laj smilic ti much'utic oyic ti atojole xchi'uc ti much'utic j'alvanej avu'une, hech yu'un laj xa avac'be ch'ich' yu'un ac'o yuch'ic. Ja' hech tsc'an ti ch-ac'batique ―xchi ti ch'ul abate.

Apocalipsis 16:6 Iomraidhean Croise

2 Reyes 24:4

ta scoj xtoc ti laj smalbe xch'ich'el ti buch'u mu'yuc smulique, ti mal yu'un ta sjunul ti Jerusalene. Jech o xal mu'yuc xa xch'aybat smul scolo' yu'un ti Diose.

Éxodo 21:24

Ti buch'u ta stub ti satile, jech ta xich'. Ti buch'u ta sc'as ti tanal-eile, jech ta xich'. Ti buch'u ta sc'as ti c'obile, jech ta xich'. Ti buch'u ta sc'as ti acanile, jech ta xich'.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Isaías 49:26

Vu'un ta jsuj ta xach'el ta sti'el sbec'tal stuc ti avajcontrae, ti xq'uixet xa liquel sjol ta yuch'el ti xch'ich'el stuc jech c'u cha'al ta xyacub yu'un ti vinoe. Scotol ti jnaclejetique, ja' to jech ta xlic sna'ic ti vu'un ti Ajvalilune, ti jpojvanejun avu'une, ti yipun ti Jacobe, ti jcoltavanejun avu'une.”

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

Jeremías 26:11

Va'i un, ti paleetique, xchi'uc ti yan j'alc'opetique, xi lic yalbeic ya'iic ti banquilaletique xchi'uc scotol ti jteclume: “Ti vinic le'e, tsots sc'oplal ti ac'o yich' milele, yu'un laj xa stij ta alel ti oy c'usi chopol ta xc'ot ta pasel ta jteclum li'e. Yu'un laj ava'iic lec ta ani' ta achiquin atuquic.”

Jeremías 26:16

Va'i un, ti banquilaletique xchi'uc ti jteclume, xi laj yalbeic ya'i ti paleetique, xchi'uc ti yan j'alc'opetique: “Mu'yuc smelol ta j'ech'el ti ta xich' svocol ta milel ti vinic le'e, yu'un laj sc'oponotic ta sventa ti Ajvalil Dios cu'untique.”

Lamentaciones 4:13

Scotol taje, scoj smulic ti j'alc'opetique, ti paleetic ti mu albajuc chopol c'usitic laj spasique. Ta yutil jteclum laj smalbeic xch'ich'el ti buch'u jeche' muts'ul sba sat laj smilique.

Ezequiel 32:6

Ta jmal ta banomil ti ach'ich'ele, ta xc'ot ta vitstic, ta snojesel yoc ti uc'umetique.

San Mateo 7:2

Ti c'u yepal ta xachapanbe smul ti yane, jech yepal ta xchapanot ti Diose. Ti c'u yepal ta xapasbe ti yane, ja' jech ta spas ti Dios ta atojolique.

San Lucas 12:48

Ja'uc ti j'abtel ti mu yaleluc ta spas ti oy c'usi mu lecuc ta xc'ot ta pasel yu'une, ja' jutuc no'ox ta stsitse. Ti buch'u yepal ta xich' comele, ep ta x'ich'bat ye sti'. Ti buch'u mu jaltabiluc c'usi ta sventaine, ep ta xtije ta c'op.

Hebreos 10:29

Ja' yu'un un, x'ech' ta sta tsots tsitsel ti buch'utic yalel xa ta sju'beic ta teq'uel ti Xnich'on Diose, ti yalel xa ta sbajbeic ti xch'ich'ele, ti c'alal chopol ta xc'opoj ta stojol ti jc'uxubinvanej Ch'ul Espíritu yu'un ti Diose. Ti xch'ich'el taje, ja' ta sventa lic abtejuc ti trate yo' jech veintainbil c'otic yu'un ti Diose.

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 13:15

Ti xcha'cotal jti'oval chone, ac'bat stsatsal ta yac'bel xcuxlej sloc'obbail ti ba'yel jti'oval chone, yo' xu' ta xc'opoj ti loc'obbaile, yo' jech ta xac' ta milel scotolic ti buch'utic mu snijan xchiman sbaic ta stojole.

Apocalipsis 18:20

Ti vo'oxuc oyoxuc ta vinajele, j'ech'el muyubajanic ti laj ta c'oc' ti muc' ta lume. Ti vo'oxuc jcholc'opoxuque, ti vo'oxuc lac'opojic ta sventa ti Diose, ti vo'oxuc yu'unoxuc ti Diose, j'ech'el muyubajanic ti laj ta c'oc' ti muc' ta lume, yu'un laj ataic chapanel c'alal ac'bat yich' svocol yu'un Dios ti muc' ta lume.

Apocalipsis 18:24

Ti li' ta muc' ta lume, laj yich' tael amul ta scoj mal xch'ich'el ti buch'utic c'opojic ta sventa ti Diose, ti buch'utic ja' yu'untaque, xchi'uc scotol ti buch'utic laj yich'ic milel ta sjoylej banomile.

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”