Apocalipsis 16:4 - Bible in Tzotzil de Chamula

⁴ Loc' batel ti yoxibal anjele, laj scocan yalel ti sbel sbis ta uc'umetic, ta sat vo'etic. Lic c'atajuc ta ch'ich' scotol.

Tzotzil Zinacantan

⁴ Li yoxvaꞌal anjele ismal ta ucꞌumetic xchiꞌuc ta ninabvoꞌetic li casticoe, jaꞌo laj cꞌatajuc ta chꞌichꞌ scotol.

Bible in Tzotzil de Chenalhó with Deuterocanon

⁴ Li yoxibal j'almantale bat smal ta scotol uc'umetic xchi'uc ta scotol nio'etic li sbel stazae. Jech ic'ataj ta ch'ich' scotol.

Tzotzil San Andres

⁴ Ital li yoxvaꞌal chꞌul ángele, tal smal ta scotol ucꞌumetic schiꞌuc ta scotol nioꞌetic li vocol li acꞌbile. Jaꞌ yuꞌun icꞌataj ta chꞌichꞌ scotol nojtoc.

Tzotzil de Huixtán

⁴ Iyal tal ti yoxibal ch'ul abate, tal smal ti uc'umetic xchi'uc ti butic chloc' tal ti ho'e ti castigo ti te tiq'uil ti stazae. Hech ic'ataj ti ch'ich'.

Apocalipsis 16:4 Iomraidhean Croise

Salmos 78:44

C'alal c'ataj ta ch'ich' ti uc'umetique, ti mu xa stac' ta xuch'ic ti egipcioetique.

Éxodo 8:5

Ti Diose xi laj yalbe ya'i ti Moisese: —Albo ya'i ti Aarone ti ac'o stoy ti svaxton ta sba ti uc'ume, ti bic'tal uc'ume, ti nabe, ti bu ts'anajtic ti vo'e, yo' jech ta xloq'uic talel ti ranaetique. Ac'o snojesic sjunul ti jteclum Egiptoe.

Isaías 50:2

¿C'u cha'al ya'yel un ti c'alal livule, mu'yuc buch'u junuc laj jta? ¿C'u cha'al ya'yel un ti c'alal li'avtavane, mu'yuc buch'u laj stac'? ¿Mi tac'al c'ot avu'unic ti mu xu' cu'un spojele? ¿Mi tac'al c'ot avu'unic ti mu xa xc'ot ta pojel colel cu'une? Ta jbel no'ox jc'op, ta xc'ot ta taquijel cu'un ti muc' ta nabe, ti sts'ijlajan liquel ti banomil bu ta xanav ti uc'umetique, yo' jech ta xchamic ta taqui ti'il ti choyetique. Ta xlic c'a'icuc ti c'alal ch'abal ti vo'e.

Ezequiel 35:8

Ti ta vitstique, ti ta stselejtique, ti ta uc'umetic avu'une, ta xc'ot ta pasel cu'un ti busul no'ox ta xcom ti animaetic ti buch'utic laj chamicuc ta letoe.

Oseas 13:15

Ac'o mi yepal no'ox c'usi x'ayan yu'un ti Israel jech c'u cha'al ts'o'ol ta nich ti momole, ta xmajat yu'un ic' ti ta xlic talel ta sloq'ueb c'ac'ale, ti xjumet no'ox ti ta xlic talel ta sbajtical banomile. Ja' yu'un un, ta xlic taquijuc, ta xlic uluc ti tuquem vo'etique. Yu'un ti sc'ulejal ti toyolic stojol ti c'usitic c'upilic sba ti oy yu'une, ta xbec'bat batel ta elc'anel yu'un ti yajcontrae.

Apocalipsis 11:6

Ac'bil smuc'ul stsatsalic ti rexticoetic taje, ti mu xaq'uic taluc vo' ta vinajel ti c'u sjalil ta xc'opojic ta sventa ti Diose. Ac'bil smuc'ul stsatsalic xtoc ta sjoybinel ta ch'ich' ti vo'e, xchi'uc ta yilbel svocol ti banomil yu'un ep ta tos cuxul j'ilbajinel vocol ti jaycoj xal yo'ntonique.

Apocalipsis 14:7

Xi tsots ta xale: “Xi'taic ti Diose, albeic yutsilal slequilal, yu'un sta xa yorail ta xchapanvan. Ich'ic ta muc' ti Buch'u laj spas ti vinajele, ti banomile, ti nabe, ti sat vo'etique.”

Apocalipsis 16:5

Laj ca'i xtoc un ti xi ta xal ti ánjel sventainoj ti vo'e: “Oy stuq'uil avo'nton ti jech ta xachapanvane, Cajval, Ch'ul Dios, ti atalel ono'ox oyote, ti jech ono'ox oyot avi tana li'e.