Apocalipsis 16:2 - Bible in Tzotzil de Chamula

² Loc' batel ti ba'yel anjele, laj scocan yalel ti sbel sbis ta banomile. Scotol ti buch'utic yich'oj smarcail ti xi'bal sba jti'oval chone, ti snijanoj xchimanoj sba ta yich'el ta muc' ti sloc'obbaile, lic ch'iuc chin ta sbec'tal stacopalic ti jun xc'uxul ta j'ech'ele.

Tzotzil Zinacantan

² Li primero anjele ismal ta balamil li casticoe, jaꞌo ichꞌi chin ta spat xocon li muchꞌutic yichꞌojbeic seña li bolome, ti yichꞌojbeic ta mucꞌ li slocꞌole. Ituib li spat xoconique, cꞌux tajmec iyaꞌiic.

Bible in Tzotzil de Chenalhó with Deuterocanon

² Jech iloc' batel li sba j'almantale, bat smal ta banamil li sbel stazae. Jech ilic ep c'a'al chin ta sbec'talic scotol li boch'otic yich'ojbeic smarcail li jti'vanej bolome, xchi'uc ti yich'ojbeic ta muc' li sloc'obale. Li chine toj chopol, xchi'uc toj c'ux.

Tzotzil San Andres

² Ital jun li chꞌul ángeletique, tal smal ta balumil li vocol li acꞌbile. Jaꞌ yuꞌun ilic ep chin ta sbecꞌtalic scotolic li buchꞌutic yichꞌojbeic senyail li jtiꞌaval bolome, schiꞌuc ti laj yichꞌbeic ta mucꞌ li slocꞌole. Ituib li sbecꞌtalic ta scoj li chinetique. Yan sba scꞌuxul iyaꞌiic.

Tzotzil de Huixtán

² Hech iyal tal ti jun ch'ul abate, tal smal ti balumil ti castigo ti te tiq'uil ti stazae. Hech ilic ep chin ti sbec'talic ti much'utic ti yich'ojbeic ti smarca ti jti'vanej bolome, ja' ti laj squejan sbaic ti stojol ti sloc'tombaile. Tu ti jyalel ti sbec'talique scoj ti chine. Ep c'ux laj ya'yic.

Apocalipsis 16:2 Iomraidhean Croise

2 Crónicas 21:15

Mu no'ox albajuc yepal ti chamel lamal ta xvul ta atojol yu'une. Ta xlic ipajuc ach'ut ta jun siquil chamel ti mu xcol ta colesele, ja' to c'uxi sbusq'uij loq'uel ti abiquile.’ ”

2 Crónicas 21:18

C'alal ech' scotol ti va'i s'elan taj une, ac'bat talel tsitsel yu'un ti Dios ta jun chamel ta xch'ut ti mu poxtabaje.

Salmos 78:26

Ta sventa smuc'ul stsatsal ti Diose, xjumet no'ox liquel ic' lic talel ta sloq'ueb c'ac'al, lic talel ta yac'ol ti xocon sloq'ueb c'ac'ale.

Isaías 3:17

Ti stsitselic ta xcac'beic yu'un taje, ta xbul loq'uel ti stsotsil sjolic yu'un ti salile, ta xcaq'uic ta q'uexlal ta j'ech'el.”

Isaías 3:24

Ti jech xjiq'uet ta muil poxil avie, ta xc'ot ta stojolic ti mu staq'uic nopel yu'un ti sjomomilique. Ti lequil chuquile, jbej xa uni ch'ojon tumul liquel. Ti xch'alet no'ox yu'unic ta tusel ti sjolique, stuc me boch liquel un. Ti jun xa yutsiquil c'u'il ta stunesique, pac'nochic me liquel un. Ti c'upil xa sba sat yelovic ta q'uelele, mu xa xtal yutsil ta q'uelel yu'un ti q'uexlale.

Hechos 12:23

Ta yorail no'ox, tal jun yajánjel ti Diose. Laj yac' yaluc ta chamel ti Herodese. Ta scoj ti ma'uc laj yac' ta ich'el ta muc' ti Diose, volibil cham laj ta xuvit.

Deuteronomio 28:27

“Yu'un ti Diose ta xac'bot avocol ta jun yayijemal jech c'u cha'al ac'batic xchamelic ti egipcioetique, ta jun muc' ta chacal, ta seb, ta sal, ti mu jayloq'uel xpoxtaj ti achamele.

Deuteronomio 28:35

Yu'un ti Diose ta xac'bot avich' avocol ta jun yayijemal ta sjol avoc, ta smuc'ul avo', ta sjunul abec'tal, ti mi ja'uc xpoxtaj avu'une.

Deuteronomio 7:15

Yu'un ti Diose ta sjip ta sten loq'uel ta atojolic ti c'usiuc no'ox ta xac' chamele jech c'u cha'al laj avilic ti c'usitic xi'bal sba laj stac talel ta stojol ti egipcioetique. Ja'uc ti avajcontraique, ta scajanbe ta sbaic yo' jech ta xich' svocolic yu'un taje.

Apocalipsis 13:12

Jech yich'oj tsots yabtel ec jech c'u cha'al ti ba'yel jti'oval chon ti loc' talel ta nabe, ti ta sba ta sat stuc ti c'otuc ta pasel ti scotoluc ti jnaclejetic ta banomile, ti yich'icuc ta muc' ti ba'yel jti'oval chon ti colem xa ti syayijemal sjol ti jutuc xa mu cham o xchi'uque.

Apocalipsis 14:16

Va'i un, ti buch'u chotol ta ba toque, naca stuch'el no'ox liquel yu'un ta joz ti ts'unobal ta banomile, laj stsob ti ts'unobal ti oy ta banomile.

Apocalipsis 14:9

Xi to laj ts'ac batel c'op ti yoxibal ánjel ti xi tsots ta xale: “Mi oy buch'u ta snijan xchiman sba ta yich'el ta muc' ti jti'oval chon loc' talel ta nabe, ti sloc'obbaile, mi sq'ueloj xa no'ox sba ta yich'bel smarcail ta sc'ob mi ta sti'bae,

Apocalipsis 16:1

Laj ca'i oy buch'u tsots ta xc'opoj talel ta ch'ulna ti xi ta xalbe ti vucub anjeletique: “Batanic, ba cocanic yalel ta banomil ti vuctos vocol sc'ac'al yo'nton Dios ti ch'amal ta abisique.”

Apocalipsis 16:11

Manchuc mi jech un, mu'yuc laj yicta sbaic ta spasolanel ti c'usitic chopole. Yu'un c'ajomal no'ox yac'ojbeic yipal ta yalel c'usitic chopol ta xloc' ta yeic ta stojol ti Dios ti oy ta vinajele, ta scoj ti mu x'ech' svocolic yu'un yipal xc'uxul ti chin ti oy ta stojolique.

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

1 Samuel 5:6

Ts'acal to un, tsots lic ac'baticuc svocolic yu'un ti Diose. Mu no'ox albajuc ta x'ac'batic xi'el ti jnaclejetic yu'un ti Asdod xchi'uc ti steclumale, ja' ti lic tsacaticuc ta chacale.

1 Samuel 5:9

Ta ts'acal to un, ti c'alal bat xa yaq'uique, mu no'ox albajuc lic yac' xi'el ti Dios ta jteclume. C'alal ta biq'uit ta muc', tsacatic ta chacal ti jnaclejetic taje.