Apocalipsis 16:1 - Bible in Tzotzil de Chamula

¹ Laj ca'i oy buch'u tsots ta xc'opoj talel ta ch'ulna ti xi ta xalbe ti vucub anjeletique: “Batanic, ba cocanic yalel ta banomil ti vuctos vocol sc'ac'al yo'nton Dios ti ch'amal ta abisique.”

Tzotzil Zinacantan

¹ Icaꞌi ti oy muchꞌu ch-avan tey ta templo ta vinajele. Li vucvoꞌ anjeletique jaꞌ yech iꞌalbatic chac liꞌi: ―Ba malic ta sba balamil li vuctos castico tey ta apꞌisique. Jaꞌ li vuctos castico ti chacꞌbe crixchanoetic li Rioxe ―xꞌutatic.

Bible in Tzotzil de Chenalhó with Deuterocanon

¹ Laj ca'ay oy boch'o tsots chc'opoj tal ta ch'ulna ta vinajel, jech laj yalbe li vucub j'almantaletique: “Bat malic ta banamil sbel li vucub taza avich'ojique, ja' li sc'ac'al yo'nton Diose”, x'utatic.

Tzotzil San Andres

¹ Icaꞌi ti buchꞌu tsots chcꞌopoj li te ta chꞌulna ta vinajele. Jech laj yalbe li jucvoꞌ chꞌul ángeletique: ―Ba malic ta balumil li juc‐chop vocol li te ta abochic li avichꞌojique. Jaꞌ li juc‐chop vocol ti chacꞌbe li crixchanoetic li Diose ―xꞌutatic.

Tzotzil de Huixtán

¹ Laj ca'i tsots chc'opoj ti Diose te ti templo te ti vinajel. Hech laj yalbe ti hucvo' ch'ul abatetique: ―Batanic, ba malic ti balumil ti castigo ti chcac'be ti crixchanoetique ti te tic'ajtic ti hucub taza ti avich'ojique ―xut.

Apocalipsis 16:1 Iomraidhean Croise

Salmos 79:6

Lamanbo ta sba scapemal ajol ta stojol ajvaliletic yu'un ti muc'tiquil lumetic ti yan yajvalique, ti mu xayojtiquine, ti mu xvocoletuc ta atojole.

Jeremías 10:25

Lamano sc'ac'al avo'nton ta stojol ti muc'tiquil lumetic ti buch'utic mu xayojtiquinote, ta stojol ti jteclumetic ti mu'yuc xvocolet ta atojole. Yu'un laj stsutsesbeic sts'unubal ti Jacobe, j'ech'el tub xa sc'oplal yu'unic. Stuc slilijemal busul com yu'unic ta j'ech'el ti muc' ta lum cu'uncutique.

Ezequiel 10:2

Ti Diose xi laj yalbe ti vinic ti buch'u slapoj ti saquil xela c'u'ile: “Ochan batel ti bu oy ti carosetique, ta yolon ti c'usitic oy xiq'uique. Lucho talel jopuc chacloman ac'al ti oy ta o'lol yu'unic ti c'usitic oy xiq'uique. Tanio batel ta sba ti jteclume.” Laj quil ti och batel ti vinique.

Ezequiel 22:31

Jech o xal ta jbusan ti sc'ac'al co'nton ta atsitselique. J'ech'el ta jtubbe sc'oplalic ta capemal yu'un ti sc'ac'al co'ntone yo' jech ta xa'i sbaic cu'un c'u s'elan ti stalelique. Mu lo'iluc no'ox ta xcal ti vu'un Ajvalilune.’ ”

Sofonías 3:8

“Jech o xal un, xamala xa no'ox ava'iic ti yorail sc'ac'alil ti c'alal ta xlic jva'an jba ta acontrainelique. Ti vu'un Diosune, mu me lo'iluc no'ox ti xi ta xcale: Chapal xa cu'un ti ta jtsob ti muc'tiquil lumetique xchi'uc ti ajvaliletique, yo' jech ta jbusanbe ta sbaic ti scapemal jole, ti stilemal sc'ac'al co'ntone. Scotol banomil lilijem ta xcom yu'un ti sc'ac'al sti'emal jole.

Apocalipsis 11:19

Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Apocalipsis 14:15

Loc' talel ta ch'ulna yan ánjel xtoc ti xi tsots laj yavta ti buch'u chotol ta ba toque: “Tsaco ti ajoze, liqueso ta stuch'el, tsobo xa ti ts'unobale, yu'un sta xa yorail, yij xa ti ts'unobal oy ta banomile.”

Apocalipsis 14:18

Ti ta altare, loc' talel yan ánjel xtoc ti yich'oj yabtel spasel ta mantal ti c'oq'ue, ti xi tsots laj yavta ti jun ánjel ti yich'oj jun joz ti juxbil lec yee: “Tsaco ti ajoze, liqueso ta stuch'el ta jujuvoj ti toc'on uva ti oy ta sjoylej banomile, ta sventa ti joz ti juxbil lec yee.”

Apocalipsis 15:1

Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Apocalipsis 16:17

Loc' talel ti yucubal anjele, laj scocan yalel ti sbel sbis ta jamaltic. Ta muc' ta chotlebal to, ti bu oy ti ch'ulna ti ja' sc'oplal ti vinajele, oy Buch'u tsots c'opoj talel ti xi ta xale: “C'ot xa ta pasel ti c'u s'elan albil sc'oplale.”

1 Samuel 15:18

Lec un cha'e, ti mi laj stacot ech'el ti Dios ta stsutsesel ta j'ech'el ti jsa'mulil amalecitaetique, ta stsaquel ta leto ja' to ti c'uxi xlaj scotolique,

1 Samuel 15:3

Ja' yu'un un cha'e, batan, ba tsaco ta leto. Tsutseso ta j'ech'el scotol ti c'usitic x'ayan yu'unique, ti mu ja'uc jutebuc xc'uxubaj avo'nton yu'une. Milo ta viniquetic, ta antsetic, ta muc'tic ololetic, ta jvoq'uel ololetic, ta vacaxetic, ta chijetic, ta camelloetic, c'alal ta burroetic.’