Apocalipsis 15:8 - Bible in Tzotzil de Chamula

⁸ Ti ta ch'ulnae, noj ta ch'ail ti lic talel ta sventa yutsilal smuc'ul stsatsal ti Diose. Mu'yuc buch'u ta x'och batel, mi junuc mi mu'yuc to ech' ti vuctos cuxul j'ilbajinvanej vocol ti yich'ojic batel ti vucub anjele.

Tzotzil Zinacantan

⁸ Li yut temploe inoj ta chꞌail. Jaꞌ seña ti oy tajmec slequilal syuꞌelal ti Rioxe. Yechꞌo ti muc muchꞌu xuꞌ xꞌoch ta temploe. Jaꞌto cꞌalal xlaj yaqꞌuic li vuctos castico ti iꞌacꞌbatic li vucvoꞌ anjeletique, jaꞌto xuꞌ xꞌochic.

Bible in Tzotzil de Chenalhó with Deuterocanon

⁸ Li ch'ul cuartoe inoj ta ch'ayil; ja' xch'ayilal li xojobal Diose xchi'uc li svu'ele. Jech mu'yuc xa boch'o xu' ch-och o ta ch'ulna, ja' to me ivu' yu'unic yaq'uel scotol vucub tsatsal vocol li vucub j'almantaletique.

Tzotzil San Andres

⁸ Li yut li chꞌulnae inoj ta chꞌail. Jaꞌ senyail ti echꞌem stsatsal sjuꞌel li Diose. Jaꞌ yuꞌun mu xa buchꞌu xuꞌ ta xꞌoch li ta chꞌulnae. Jaꞌ to mi laj yaqꞌuic o li jucub vocol ti iꞌacꞌbatic li jucvoꞌ chꞌul ángeletique, jaꞌ to xuꞌ ta xꞌochic.

Tzotzil de Huixtán

⁸ Inoj ti ch'ayil ti temploe. Ja' señail ti muc' ti Diose ti jelaven sp'ijile. Mu'yuc much'u xu' ch-och xa ti templo. Ja'to mi ilaj sc'opilal ti hucub castigoe ti yich'ojic ti hucvo' ch'ul abatetique, ja'to xu' ch-ochic.

Apocalipsis 15:8 Iomraidhean Croise

Salmos 29:9

Sc'opojel ti Diose, ta xnic ti tulanetic yu'une, ch'abal ste'tical ta xcom ti banomile; ta xch'ulna une, scotolic ta snijan xchiman sbaic ta yich'el ta muc'.

Éxodo 19:18

Va'i un, sjunul vits Sinaí xtomet no'ox liquel ta xloc' xch'ailal ta sventa ti yal talel ti Dios ta c'oq'ue. Ti xch'ailale, co'ol s'elan xch'ailal jorno ti xtomet ta xmuy batele. Ja' jech xtoc xnicnun sbejel ti vits ta j'ech'ele.

Isaías 6:4

C'alal jech tsots ti sc'opojele, nic sti'tac ti ch'ulnae. Noj com ta ch'ail ti ch'ulnae.

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Lamentaciones 3:44

Laj avol aba ta toc yo' jech mu xava'i ta xchiquintael ti xivocoletcutique.

Levítico 16:2

Va'i xtoc un, ti Diose xi laj yalbe ti Moisese: “Albo ya'i ti achi'il ta voq'uel Aarone ti mu me c'uc no'ox ora ta x'och batel ta Bats'i Cuxul Ch'ul Cuarto ti oy ta spat ti muc' ta poq'ue, mi ja'uc ta sts'el smac sti' ti caxae yo' jech mu xchamic, yu'un ta xcac' jba iluc ta toc ti ta sba smaque.

Romanos 11:33

Bats'i mu albajuc yutsil yo'nton ti Diose. Mu stac' alel bu to c'alal spajeb ti sbijile xchi'uc ti c'usi ta snope. Mu'yuc buch'u xu' ta xal ti c'u s'elan snopoje. Mu jna'tic bu c'alal ti c'usi snopoj spase.

2 Tesalonicenses 1:9

Ti tsitsel ta xich'ic taje, sbatel osil ts'ij xi sc'oplal ta j'ech'el, ta xtenatic loq'uel ta stojol ti Cajvaltique, mi ja'uc ta xilbeic ti smuc'ul stsatsale xchi'uc ti slequilal yutsilale.

Apocalipsis 15:1

Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Apocalipsis 21:11

Ti jteclume xojobin no'ox ta yutsilal ti Diose, xnobet xojobal co'ol s'elan jech c'u cha'al xojobal c'upil sba ton, yu'un sts'ayet no'ox xojobal jech c'u cha'al ti saquil baxtone, ti sts'ayayet no'ox xojobal jech c'u cha'al ti nene.