Apocalipsis 15:7 - Bible in Tzotzil de Chamula

⁷ Ti vucub anjele, ac'batic jujun sbisic naca meltsanbil ta oro yu'un jun ta xchanibal ti c'usi cuxule, ti bu colbil xa yalel sc'ac'al yo'nton ti Dios ti Buch'u stalel cuxul sbatel osile.

Tzotzil Zinacantan

⁷ Iquil jun li chanvoꞌe ti stosoltosol satique, iyacꞌbe jujun smucꞌta pꞌisic li vucvoꞌ anjeletique. Naca oro yilel li pꞌisetique. Noj ta castico ti ch-acꞌbatic yuꞌun Riox li crixchanoetique, jaꞌ ti Riox cuxul ta sbatel osile.

Bible in Tzotzil de Chenalhó with Deuterocanon

⁷ Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Tzotzil San Andres

⁷ Iquil jun li chanvoꞌic ti yantic o satic jujunique, jaꞌ laj yacꞌbe jujun sbochic li jucvoꞌ chꞌul ángele. Li sbochique pasbilic ta cꞌanal taqꞌuin, jaꞌ noj ta tsatsal vocol ti ta xꞌacꞌbat yichꞌic li crixchanoetique yuꞌun ilinem yuꞌunic li Dios li cuxul o sbatel osile.

Tzotzil de Huixtán

⁷ Hech yu'un jun, ja' ti chanvo'ic xchi'uque, lic yac' hucub taza. Pasbil ti c'anal taq'uin ti tazaetique. Ja' i'ac'bat ti hucvo' ch'ul abatetique. Jujun taza laj yich' jujun. Ti tazaetique ja' te nojem ti yilintael ti crixchanoetique yu'un ti Diose, ja' ti stalel cuxul sbatel osile.

Apocalipsis 15:7 Iomraidhean Croise

Salmos 75:8

Ti Diose oy xa ta yoc ta sc'ob ti sbis bu ch'amal ti sc'ac'al yo'ntone, ti capal ta vino ti pasem xa ta j'ech'ele. C'alal ta sta yorail ta scocan ta malele, scotol ti buch'u mu'yuc xch'ulel xa'i sba ta banomile, scocan xa ta yeic ti slajeb sts'ubile.

Jeremías 25:15

Ti Ajvalil Dios yu'un ti Israele xi laj yalbune: “Q'uelo avil ti bis ti noj ta vinoe, ja' svinajeb ti sc'ac'al co'ntone. Tsaco, ac'bo yuch'ic scotol ti muc' ta jteclumetic ti bu ta xajtac batele.

1 Tesalonicenses 1:9

Yu'un ja' stuquic ta xalic ti ay calcutic ava'iic ti lequil ach' c'op ta atojolique, xchi'uc ta xalic ti laj avich'uncutic ta muq'ue. Ta xalic xtoc ti laj xa avictaic comel ta yich'el ta muc' ti c'usitic meltsanbil ta c'abale yo' jech laj xa avac' abaic ta tunel yu'un ti bats'i cuxul Diose.

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 14:10

ta x'ac'bat yuch' ma' ti vino ti naca sc'ac'al yo'nton Dios ti colbil xa ta sbise, ti ta xich' svocol ta c'oc' xchi'uc ta azufre ta sba ta sat ti anjeletique, xchi'uc ti jcot ta Uni Chije.

Apocalipsis 15:1

Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Apocalipsis 16:2

Loc' batel ti ba'yel anjele, laj scocan yalel ti sbel sbis ta banomile. Scotol ti buch'utic yich'oj smarcail ti xi'bal sba jti'oval chone, ti snijanoj xchimanoj sba ta yich'el ta muc' ti sloc'obbaile, lic ch'iuc chin ta sbec'tal stacopalic ti jun xc'uxul ta j'ech'ele.

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”

Apocalipsis 4:10

jech ti chanib xcha'vinic (24) ta vo' moletique, ta squejan sbaic ta stojol ta yich'el ta muc' ti Buch'u stalel cuxul sbatel osile, xchi'uc xi ta xalic c'alal ta sye'ic batel sronail sjolic ta stojol ti Buch'u chotol ta muc' ta chotlebale:

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.