Apocalipsis 15:4 - Bible in Tzotzil de Chamula

⁴ ¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Tzotzil Zinacantan

⁴ Cajval, scotol crixchanoetic xiꞌemic avuꞌun. Chlic yalic ti atuc noꞌox ichꞌbilot ta muqꞌue. Yuꞌun atuc noꞌox mu xanaꞌ xasaꞌ amul. Ta to xlic yal scotolic ti voꞌot Rioxote, yuꞌun chilic ti jaꞌ yech chavacꞌbe castico ti cꞌu xꞌelan ispasique, xiic.

Bible in Tzotzil de Chenalhó with Deuterocanon

⁴ Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Tzotzil San Andres

⁴ Cajval, scotolic chiꞌic ta atojol. Chlic yalic ti joꞌot noꞌox atuc ichꞌbilot ta muqꞌue. Yuꞌun atuc noꞌox tucꞌ avoꞌon. Scotolic chlic yalic ti joꞌot noꞌox atuc ajvalilot yuꞌunique, yuꞌun chilic ti tucꞌ chavichꞌ cꞌope, xiic.

Tzotzil de Huixtán

⁴ Scotolic chlic xi'uc ti atojol, Cajval. Scotolic chlic yal ti ho'ot atuc ajvalilot yu'unic. Yu'un atuc no'ox toj avo'nton. Yu'un hech avaloj ono'ox ti ac'op, hech yu'un scotol crixchanoetic chlic yalic ti toj chachapanvane, xchiic.

Apocalipsis 15:4 Iomraidhean Croise

Salmos 105:7

C'otem ta Ajvalil ma' ti Dios cu'untic une; sbainoj ta sventainel sbejel ti banomile.

Salmos 111:9

Ti Ch'ul Dios ti xi'bal sbae, c'ot ta pasel yu'un ti strate ti yaloje, laj scolta ti steclumale.

Salmos 22:23

Ti vo'oxuque avich'ojic ta muc' ti Diose, ¡lequil c'optaic un! Acotolic snitiluloxuc ti Jacobe, alic yutsilal slequilal ti Dios une. Acotolic snitiluloxuc ti Israele, nijano chimano abaic ta yich'el ta muc'.

Salmos 22:27

Xi s'elan sc'oplal ti muc'tiquil lumetique, xchi'uc scotol ti jnaclejetic ti jaylajun-tos sts'unubalic ti bu xa c'alal xpaj talel ti banomile: vuleso ta avo'ntonic ti Diose, la'ic ta stojol, quejano abaic ta sts'el ta yichon.

Salmos 22:3

Ti le' une, Ch'ul Diosot ta j'ech'el, Jpas-mantalot, ti lequil c'optabilot yu'un ti Israele.

Salmos 86:9

Ch'ul Dios, vo'ot laj aliques scotol ti oy muc'tiquil lumetique, ta xtalic ta atojol ta yich'elot ta muc' un. ta yalel ti alequil avutsilal une.

Salmos 89:7

Jelavem smuc'ul stsatsal un, Cajval, toj xi'bal aba, ti joyobtabilot yu'un ti c'usitic oy xiq'uique.

Salmos 97:8

Ch'ul Dios, ti jteclum Sione, xchi'uc ti jteclumetic yu'un Judae, xmuyubajic xchi'uquic ti c'usitic nopbil avu'une.

Salmos 99:5

Lequil c'optaic un cha'e, ti Ajvalil Dios cu'untique, quejano abaic ta yolon yoc sc'ob. Ch'ul Dios ti stuque.

Salmos 99:9

Lequil c'optaic ti Ajvalil Dios cu'untique, quejano abaic ta stojol ti xch'ul vits yu'un une. Ch'ul Ajvalil ta j'ech'el ma' ti Dios cu'untique.

Isaías 24:15

Ja' ec ti buch'u oyic ta sloq'ueb c'ac'ale, xchi'uc ti jnaclejetic ti oyic ta sti'il nabe, ta xalbeic yutsil slequilal ti Ajvalil Dios yu'un ti Israele.

Isaías 25:3

Ti jech taj une, ti jun pucujil lume ta xlic yich'ot ta muc'. Ti jnaclejetic ta jteclumetic ti mu'yuc xch'ulelic ta j'ech'ele, ta xlic xi'taot.

Isaías 26:9

Jic' xa ma' ti co'nton ta ac'ubaltique, yut to co'nton ta x'ayan talel ta sa'elot. C'alal ta xlic achapan ti banomile, ta xlic xchanic ti jnaclejetique c'u s'elan ti stuq'uil jol o'ntonale.

Isaías 45:23

Yu'un jtuc xichi ti laj jva'an jba ta rexticoe. Laj cac' que jti' ti ta xitsalvane. Ti jech laj cale, ta xc'ot ta pasel un: Scotolic ta squejan sbaic ta jtojol. Scotolic ta sva'an sbaic ta rextico ta jtojol.

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 6:3

Xi ta xalbe sbaic ti jujune: “Ti ch'ul Dios ti scotol xu' yu'une, oy xch'ul lequilal, oy xch'ul lequilal. Smacoj sjunul banomil ti slequilal yutsilale.”

Isaías 60:5

Ti jech ta xavil une, xvic'luj to asat ta muyubajel yu'un, ti spajeb to xamuyubaj ta xac'ot yu'une. Ta xich'boxuc talel ti c'usi toyol stojol laj stabeic talel ti jnaclejetic ti oyic ta ti' nabe. Ta xac'boxuc ta avoc ta ac'ob sc'ulejalic ti muc'tiquil lumetique.

Jeremías 10:7

¿Mi yu'un la mu xavich' xi'tael ti c'alal Ajvalilot yu'un ti muc'tiquil lumetique? Ac'otebal o xi'tabilot ma' ti vo'ote. Ta scotol ti buch'utic oy sbijilique, xchi'uc ti ajvaliletic ta sbejel banomile, mi junuc c'otemic jech c'u cha'al ti vo'ote.

Jeremías 16:19

Cajval, vo'ot ti jmuc'ul jtsatsalote, ti jpojobbailote, ti jnac'obbailot ta yorail ti xi'bal sba ta xc'ot ta pasele. Ta xtalic ta atojol muc'tiquil lumetic le' to ta jot xchiquin banomile, ti xi ta xalique: “Ti diosetic ti yich'ojic comel ti jtot jme'cutic ta vo'nee, mu'yuc c'usi xu' yu'unic, ch'abal smucul stsatsal.

Jeremías 5:22

Ti vu'un Diosune xichi ta xcale: ¿Mi mu van xaxi'taicun xana'? ¿Mi mu van xlic nicnunanic ta jba ta jsat xana'? Vu'un jchapanoj ti jamal yi'tic bu c'alal xyuq'uet ta x'ech' ti nabe. Ti nabe mu xjelav ti bu c'alal spajeb albile. Ti syuc'benaltaque xvo'o'et no'ox ti stselte-tselte talele, mi ja'uc ta xjelav ti bu ono'ox ta x'ech'e.

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Habacuc 1:12

Cajval, ¿mi mu ta sliquebaluc ono'ox tey oyot Ch'ul Dios cu'un ti cuxulot oe? Cajval, cajchabivanej, ti vo'ote laj avac'be smuc'ul stsatsalic ti caldeoetique yo' jech ta xc'ot ta pasel yu'unic ti chapanel avu'une.

Zacarías 14:16

Mi laj scotol ti va'i s'elan taj une, ti c'u to yepal cuxul com xtoc ti jteclumetic ti laj stsaquic ta leto ti jteclum Jerusalene, sbatel osil, jujun jabil ta xbat yich'ic ta muc' ti Ajvalil Dios ti scotol xu' yu'une xchi'uc ta spasbel sq'uinal ti Yanal Te' Axibalnae.

Zacarías 2:11

C'alal jech ta xc'ot ta pasele, ep muc'tiquil lumetic ta xtal stijliic ti Diose, ti xi ta x'albat ti sc'oplalic yu'une: “Ti jteclumetic le' xtoque, ja' cu'untac. Ta jchi'inoxuc ta naclej.” Ti jech taj une, ta xlic ana'ic ti ja' tacbilun talel yu'un ti Dios ti scotol xu' yu'une.

Malaquías 1:11

Yu'un scotol ti muc'tiquil lum ti oy ta banomile, ta xiyich'ic ta muc'. Buyuc no'ox ta xchiq'uic pom sventa quich'el ta muc, jun yutsiquil ti matanal ta xaq'uique.

Romanos 15:9

Tal ti Cristo xtoc ta stojol ti jyanlumetique yo' ta xalbeic slequilal yutsilal Dios ta sventa ti syail xc'uxul yo'ntone, yu'un xi ta xal ti ch'ul c'ope: “Jech o xal ta xcal alequilal avutsilal ta stojol ti jyanlumetique. Ta jq'uejinta q'uejimoletic ta aventa.”

1 Pedro 1:16

Yu'un xi ta xal ti ch'ul c'ope: “Mu xatic' abaic ta spasel ti c'usi chopole, yu'un ti vu'une ja' Ch'ul Diosun.”

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 14:7

Xi tsots ta xale: “Xi'taic ti Diose, albeic yutsilal slequilal, yu'un sta xa yorail ta xchapanvan. Ich'ic ta muc' ti Buch'u laj spas ti vinajele, ti banomile, ti nabe, ti sat vo'etique.”

Apocalipsis 16:5

Laj ca'i xtoc un ti xi ta xal ti ánjel sventainoj ti vo'e: “Oy stuq'uil avo'nton ti jech ta xachapanvane, Cajval, Ch'ul Dios, ti atalel ono'ox oyote, ti jech ono'ox oyot avi tana li'e.

Apocalipsis 16:7

Laj ca'i xtoc ti oy buch'u ta xc'opoj ta altar ti xi ta xale: “Jech, Cajval, Jch'ul Tot, scotol xu' avu'un, Dios, ti melel tuc' ta xachapan scotole.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 19:8

Albat xa sc'oplal ta slap ti lino poq'ue, ti xlaplun no'ox yutsil ti saquile. Yu'un ti lino taje, ja' sc'oplal ta xac' ta na'el ti oy slequil stuq'uil c'usitic laj spasic ti buch'utic yu'untac ti Diose.”

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

Apocalipsis 6:10

Xi tsots ta xalique: “Ch'ul Dios, ti atalel xc'ot xac'opoje, ¿c'usi to ora ta xachapan ta xavac'be stoj ti jnaclejetic ta banomil ti laj smiluncutique?”

1 Samuel 2:2

Mu'yuc xa yan Ch'ul Dios jech c'u cha'al ti vo'ote. Mu'yuc xa yan ta xchabivan jech c'u cha'al ti vo'ot Dios cu'uncutique. Mi junuc ti oy to buch'u x'ech' to jech c'u cha'al ti vo'ote.