Apocalipsis 15:3 - Bible in Tzotzil de Chamula

³ Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Tzotzil Zinacantan

³ Isloqꞌuesic ta qꞌuevuj ti oy tajmec slequilal syuꞌelal ti Cajvaltic Jesuse. Jaꞌ chac cꞌu chaꞌal iqꞌuevujinic xchiꞌuc xchiꞌiltac ti Moisese, jaꞌ ti yajtunel Riox ti ta más voꞌnee ti cꞌalal isloqꞌuesic ta qꞌuevuj ti oy slequilal syuꞌelal ti Rioxe. Li muchꞌutic tey ta mare jaꞌ yech iqꞌuevujinic chac liꞌi: Cajval, lec tajmec li cꞌusitic chapase. Atuc noꞌox oy ayuꞌel. Li cꞌusitic chapase naca yech smelol. Voꞌot noꞌox acuentainoj ti jaylajunqꞌuex crixchanoetic iꞌechꞌic ta sba balamile.

Bible in Tzotzil de Chenalhó with Deuterocanon

³ Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Tzotzil San Andres

³ La sqꞌueojintaic ti echꞌem stsatsal sjuꞌel li Cajvaltique. Jaꞌ jech chac cꞌu chaꞌal la sqꞌueojintabeic stsatsal sjuꞌel Dios li Moisese schiꞌuc li schiꞌiltac ta voꞌonee. Li Moisese jaꞌ li yajtunel Dios ti la sloqꞌues talel ta jtunel li schiꞌiltac li ta Egipto balumile. Jech laj yalic: Cajvaltic Dios, toj lec scotol li cꞌustic apase. Echꞌem atsatsal ajuꞌel, scotol xuꞌ avuꞌun. Tucꞌ scotol li cꞌustic chapase. Jaꞌ sventa jlequilalcutic scotol. Joꞌot noꞌox atuc ajvalilot yuꞌun scotol li crixchanoetic ta spꞌejel li balumile.

Tzotzil de Huixtán

³ Te chq'uejinic. Chq'uejinic hech chaj c'u che'el iq'uejin ti Moisese ti c'alal icoltaatic loq'uel ti mozoil te ti Egipto xchi'uc ti jtatamoltique ti vo'one, ho'ucutic ti co'ol judioucutic xchi'uque. Ti q'uejoje ja' ti laj yalbeic sc'opilal ti jelaven sp'ijil ti Diose. Ja' no'ox hech ti much'utic ti yich'ojic yarpaic ti laj jq'uele, ja' laj yalbeic sc'opilal ti jelaven sp'ijil ti Ch'iom Carneroe. Hech iq'uejinic: Cajvaltic Dios, jelaven ap'ijil atuc. Scotol xu' avu'un chapas. Jun no'ox yutsil scotol avabtel. Toj ti c'usi chapase. Melel ti ac'ope. Ho'ot ajvalilot atuc sbatel osil.

Apocalipsis 15:3 Iomraidhean Croise

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

1 Crónicas 6:49

Ti Aarón xchi'uc ti snitilultaque sbainojic ta xchiq'uel ti matanal ta altar ti ta xich' aq'uele, ti altar yu'un ti xchic'obil pome. Sbainojic xtoc ti c'usi sc'an pasel ta Bats'i Cuxul Ch'ul Cuartoe, xchi'uc ta stabel talel ti ch'aybil xc'ot smul ti israeletique, ti co'ol ta spas scotol jech c'u cha'al laj yal ti Moisés yajtunel Diose.

2 Crónicas 24:6

Va'i ti ajvalil une xi laj yalbe c'alal laj sta ta iq'uel ti pale Joiadae: —¿C'u cha'al ti mu'yuc laj atijbe yo'nton ta yac'bel yipal ti levitaetic ta stsobbel talel staq'uinic ti Judae, ti Jerusalene, yu'un ti laj yal mantal Moisés ti yajtunel Diose, ti scotol israeletic ta stsobbeic ta sventa ti Axibalna yu'un ti tratee?

Nehemías 9:14

Laj achanubtas c'u s'elan ich'bil ta muc' ta xac'ot ta sc'ac'alil ti cuxob o'ntonal ti t'ujbil avu'une. Laj avac'be ti mantaletique, ti chanubtaseletic ti ja' melele, ti c'usi jbel tsots albile, xchi'uc ti chanubtaseletic ti laj avac' comel ta sventa ti avajtunel Moisese.

Job 36:24

Scotol banomil ta xlequil-c'opojic yu'un ti yabteltaque; vuleso ta avo'nton ec un ti licuc alequil-c'optae.

Job 5:9

Yepal no'ox ta spas ti c'usi muc'tic ch'ayal ta xc'ot o'ntonal yu'une, ti mu'yuc buch'u xa'ibe smelol ti c'usi ta spase.

Salmos 100:5

Yu'un ti Diose oy slequil yutsil yo'nton; sbatel osil oy ti syail xc'uxul yo'ntone, mu'yuc spajeb ti jun yo'nton ta jtojoltique.

Salmos 105:5

Vo'oxuc snitilul Abraham ti c'otem ta yajtunele, vo'oxuc xnich'nab Jacob ti t'ujbil yu'une, vuleso ta avo'ntonic un, ti yabteltaque, ti c'usitic muc'tic ta spas ti ch'ayal o'ntonal ta xc'ot yu'une, ti scaj'aloj c'usitic nopbil yu'une.

Salmos 111:2

Muc'tic ta j'ech'el yabtel ti Dios une; ti buch'u mu tuch'baj ta yo'nton ta xa'iique, ta snopilanic lec un.

Salmos 111:7

Sc'oteb o ti c'usi ta spase, tuc' ta j'ech'el, melel ono'ox; stac' jpat co'ntontic ta sventa ti smantaltaque.

Salmos 139:14

Ta jlequil-c'optaot un, yu'un ch'ayal ta xc'ot co'nton avu'un ti yan yutsil ta q'uelel ti c'usi laj apase. Ta sventa taje, tac'bil c'ot ta muc' cu'un.

Salmos 145:17

Jun yutsil ti c'usitic ta spas batel ti Diose, ta slequil yo'nton ti c'usitic ta snope.

Salmos 145:6

Ta xich' albel sc'oplal ti c'usitic muc'tic xi'bal sba ta xapase, ta xcalbe sc'oplal ec un ti amuc'ul atsatsale.

Salmos 18:30

Ti bu stamoj batel ti Diose, jun yutsil ta j'ech'el; jpat co'ntontic yu'un c'usi yaloj ti Diose. Ti Diose ta stic' sba ta spojel ti c'u yepal spatoj yo'ntonic ta stojole.

Salmos 78:12

Xi s'elan ac'bat yilic ti stot sme'ic ti ch'ayal ta xc'ot o'ntonal yu'un Dios c'alal oyic ta stuq'uil Zoán ti oy ta Egiptoe:

Salmos 92:5

Ch'ul Dios, ech'em no'ox smuc'tiquil ma' ti avabtel une, j'ech'el mu na'bajuc ti c'u s'elan ta xanope.

Salmos 99:4

Ajvalilot ti jelavem xu' avu'une, lec ta xavil ti c'usi oy stuq'uile; vo'ot laj aliques ti mu jsatuc jq'uel ti yane. Yu'un ti xnich'nab Jacobe, laj apas ta stojol ti laj stam ech'el avu'un ti c'usi leque xchi'uc c'usi tuq'ue.

Isaías 33:22

Yu'un ja' xa jchapanvanej cu'untic ti Diose. Yu'un ja' xa j'ac'-mantal cu'untic ti Diose. Yu'un ja' xa Ajvalil cu'untic ti Diose. Yu'un ja' xa jpojvanej cu'untic ti stuque.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Daniel 6:20

Jech ti ajvalile xme'inaj xa ye ti xi c'ot sbiiltas ti Daniel ti c'alal tey xa nopol va'ale: “Daniel, yajtunelot ti cuxul Diose, ti j'ech'el avich'oj ta muq'ue, ¿mi cuch yu'un ti mu'yuc xayac' ta ti'el yu'un ti leonetique?”

Daniel 9:11

Yu'un sjunul jteclum Israel, mu'yuc xaq'uic ta venta ti chanubtaseletic avu'une. Yu'un laj sjip ta spat ta xoconic ti c'usitic ta xac'an ti ac'o spasique. Jech o xal un, cajal vul ta jbacutic ti bac vocole. Yu'un laj quich'cutic ti jech no'ox loq'uem ta alel ti ts'ibabil comel yu'un ta jbel ti c'usi tsots albil yu'un ti Moisés ti ja' avajtunele. Yu'un ja' ta scoj ti laj xa jta jmulcutic ta atojole.

Oseas 14:9

Ti buch'u sna' xich' sba ta c'ac'ale, ti buch'utic oy sbijile, ac'o me ya'iic lec ti xi s'elan ti c'ope: Ti bu ta xac' ta tamel batel ti Diose, lec tuc' scotol. Jech ti buch'utic oy stuq'uil ti snopobil yu'unique, ta stamic batel. Yan ti jchopol joletique ta sbosi yacan xchi'uquic.

Miqueas 7:20

Staojuc me yav ac'o ta q'uelel ti yutsil slequil avo'ntone, ti syail xc'uxul avo'nton ti laj aval ta vo'ne ta stojol ti jmolmuc'totcutic Abrahame xchi'uc ti Jacobe.

Sofonías 3:5

Ja' no'ox un, ti Diose li' oy ta jteclume, yu'un ja' yac'ojbe yipal ta spasel ti c'usi leque, ma'uc ti c'usi chopole. Ti jujun c'ac'al ta x'ech'e, mi ja'uc ta xch'ay sc'oplal yu'un, ja' ta xc'ot ta pasel ti lec tuc' snopbenal yu'une. Ja'uc ti buch'u toj chopole mi ja'uc xa xa'i jutebuc ti q'uexlale.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Juan 1:17

Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.

Deuteronomio 31:30

Va'i un, ti Moisese xi xcholet lic sq'uejinta ta sliqueb ta stsutseb ti q'uejimol ta sba ta sat scotol ti israeletic ti tsobolique:

Deuteronomio 32:3

“Yu'un xichi ta xcalbe sc'oplal ti Diose: Ojtiquinic avilic lec ti jelavem smuc'ul ti Dios cu'untique.

Deuteronomio 34:5

Ja' yu'un un, ti Moisés ti ja' yajtunel Diose, cham ta Moab banomil jech c'u cha'al laj yal ono'ox ti Diose.

1 Timoteo 1:17

Sbateluc osil ich'biluc ta muc', albiluc slequilal yutsilal ti Ajvalile, ti jelavem sbijile, ti mu xvinaj ta q'uelele, ti laj to c'op sna' xcham xlaje, ti c'ajomal Dios stuque. Jechuc.

Hebreos 3:5

Ja' jech ti Moisese, ti ja' jun lequil jtunele, laj sventainbe scotol ti c'usitic oy ta sna ti Diose. Yu'un ti jech itune, laj sva'an sba ta scaj'albel sc'oplal ti c'usitic ts'acal to ta xvul ta loq'uel yu'un ti Diose.

Josué 22:5

Ti c'usi ta xcalboxuque, ja' ta jc'an ti jbeluc me sc'oplal c'otuc ta pasel avu'unic ti mantale, xchi'uc ti oy c'usi jbel tsots albil ti laj yac'boxuc ti Moisés ti yajtunel Diose. Ti xcaltique, c'uxuc xava'iic ti Ajvalil Dios avu'unique, tamic batel ti c'u s'elan ta sc'an ti stuque, ch'unbeic ti smantaltaque, ts'acliic tunanic ta stojol ta sjunul avo'ntonic, ta sjunul ach'ich'elic.”

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 11:17

Xi ta xalique: “Colaval, Cajval, Ch'ul Dios ti scotol xu' avu'une, ti oyot ono'ox talel ta vo'nee, ti jech staoj yav avi tana li'e, ti laj xa avinajes ti amuc'ul atsatsale, ti ta xlic apas mantale.

Apocalipsis 14:3

Ta sq'uejintaic jun ach' q'uejimol ta stojol ti Buch'u chotol ta muc' ta chotlebale, ta stojol ti c'usi chanib cuxajtique, ta stojol ti moletique. Mi junuc oy buch'u xchan yu'un ma' ti q'uejimole. C'ajomal no'ox sna'ic sq'uejintael ti chanib xvaxacvinic mil (144,000) ta vo' ti buch'utic pojeic loq'uel ta stojol ti buch'utic oyic li' ta banomile.

Apocalipsis 14:8

Nabal talel xchibal ánjel xtoc ti xi ta xale: “Tsalel xa, yal xa ta lum ma' ti muc' ta Babiloniae, ti buch'u laj xa syacubtas scotol ti jnaclejetic oyic ta sjoylej banomile ta scoj ti laj sbolomalin sba yu'un ti sc'upijel yo'ntone.”

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”