Apocalipsis 15:1 - Bible in Tzotzil de Chamula

¹ Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Tzotzil Zinacantan

¹ Iquil otro jun seña ta vinajel, ta xchꞌay o coꞌontic yilel yuꞌun tsots scꞌoplal. Tey vucvoꞌ anjeletic, jaꞌ ch-acꞌbat yaqꞌuic li slajeb vuctos castico ti chacꞌ ti Rioxe.

Bible in Tzotzil de Chenalhó with Deuterocanon

¹ Ts'acal laj quil yan tsots senyail ta vinajel, toj labal sba. Oy vucub j'almantaletic yich'ojic vucchop tsatsal vocol, ja' li slajeb stojol mulil chac' Diose, yu'un ja' xa te chc'ot ta ts'aquiel o scotol li sc'ac'al yo'ntone.

Tzotzil San Andres

¹ Iquil otro jun tsots svinajeb ta vinajel ta xchꞌay o coꞌontic yuꞌun. Te oy jucvoꞌ chꞌul ángeletic, jaꞌ ch‐acꞌbat yaqꞌuic li slajeb juc‐chop vocol ti chacꞌ li Diose yuꞌun ilinem xa ta stojol li crixchanoetique.

Tzotzil de Huixtán

¹ Laj quil yan señail te ti vinajel. Yan x'elan, chch'ay co'ntontic yu'un. Te oy hucvo' ch'ul abatetic ti ch-ac'batic yich'ic jujun castigo. Ja' slajeb ti castigoe yu'un te tsts'aqui scotol ti yilintael ti crixchanoetique yu'un ti Diose.

Apocalipsis 15:1 Iomraidhean Croise

Daniel 6:27

“Yu'un ti stuque, ja' jcoltavanej, ja' jpojvanej, ti ch'ayal no'ox ta xc'ot o'ntonal yu'un ti c'usi ta xac' ta ilel ti ta vinajele, ti li' ta banomile. Yu'un ja' laj stic' sba ta spojel ti Daniele yo' jech mu'yuc xlaj ta ti'el yu'un ti leonetique.”

Levítico 26:21

“Mi staoj no'ox yav ta xasoquesbeicun ti co'ntone, ti toyobbaoxuc ta j'ech'ele, x'ech' to me vucub velta yipal ta jtsitsoxuc yu'un ti avocolic jech c'u cha'al oy ti amulique.

Apocalipsis 10:3

Tsots avan jech c'u cha'al xloquet snuc' jun león c'alal ta x'oq'ue. Ti c'alal jech lic avanuque, vucmoj chauc xc'avlajet no'ox liquel laj staq'uic talel ti sc'opojele.

Apocalipsis 11:14

Ech' ti xcha'cojal (2) vocole. Nopol xa xtal xtoc ti yoxcojal (3) vocole.

Apocalipsis 14:10

ta x'ac'bat yuch' ma' ti vino ti naca sc'ac'al yo'nton Dios ti colbil xa ta sbise, ti ta xich' svocol ta c'oc' xchi'uc ta azufre ta sba ta sat ti anjeletique, xchi'uc ti jcot ta Uni Chije.

Apocalipsis 14:19

Ti anjele laj sliques yabtel ta banomil xchi'uc ti sjoze, och ta stuch'el ti uva oy ta banomile. Laj taj une, laj sjip ochel ta jun muc' ta yavil ti bu ta xich' pits'ele, smelol ti ta xac' ta na'el liquem xa sc'ac'al yo'nton ti Diose.

Apocalipsis 16:1

Laj ca'i oy buch'u tsots ta xc'opoj talel ta ch'ulna ti xi ta xalbe ti vucub anjeletique: “Batanic, ba cocanic yalel ta banomil ti vuctos vocol sc'ac'al yo'nton Dios ti ch'amal ta abisique.”

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”

Apocalipsis 8:13

Laj taj une, laj quil xvilet talel jun xic ta o'lol vinajel ti xi tsots ta xal laj ca'ie: “Mu xa ono'ox cha'bel un ma' ti jnaclejetic ta banomil c'alal ta xoq'uisan yoq'uesic ti yan oxib anjeletique.”

Apocalipsis 8:2

Laj taj une, laj quil ac'bat jujun yoq'uesic ti vucub anjeletic ti va'ajtic ta sts'el ti Diose.

Apocalipsis 8:6

Ti vucub ánjel yich'ojic ti yoq'uesique, lic xchapan sbaic ta yoq'uisanel.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.