Apocalipsis 14:4 - Bible in Tzotzil de Chamula

⁴ Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.

Tzotzil Zinacantan

⁴ Jaꞌ li muchꞌutic muc saꞌ yantsique ti sjunul yoꞌonic iyichꞌic ta mucꞌ ti Rioxe, ti muc xicta sbaic ta spasel cꞌusi lec chil ti Cajvaltic Jesuse. Yechꞌo ti itꞌujatic loqꞌuel yoꞌ bu li crixchanoetique, xchꞌamaltac xa Riox, xchꞌamaltac xa Cajvaltic Jesús icꞌotic o. Coꞌolic xchiꞌuc sba sat li cꞌusuc cuꞌuntique ti jaꞌ yuꞌun ti Rioxe.

Bible in Tzotzil de Chenalhó with Deuterocanon

⁴ Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.

Tzotzil San Andres

⁴ Jaꞌ li buchꞌutic li muc bu xmulivajique yuꞌun jun yoꞌonic o ta stojol li Diose. Jun yoꞌonic la spasic o li cꞌusi tscꞌan li Cajvaltique. Jaꞌ yuꞌun icoltaatic loqꞌuel ta stojol li crixchanoetique jech snichꞌnabtac Dios schiꞌuc snichꞌnabtac li Cajvaltic icꞌotic o.

Tzotzil de Huixtán

⁴ Ja' ti much'utic muc sta smulic ti stojol yan antsetic yu'un jun yo'ntonic ti stojol ti Diose. Yu'un ja' no'ox laj sts'acliic ti Ch'iom Carneroe. Hech yu'un it'ujatic loq'uel ti o'lol ti crixchanoetique yu'un hech sba snich'on Dios ic'otic. Ja' sba snich'on ti Ch'iom Carneroe ic'otic uc.

Apocalipsis 14:4 Iomraidhean Croise

Salmos 45:14

Xch'alet no'ox yutsil sc'u' lapbil talel ti ic'bil ta xbat ta stojol ti ajvalile, tijilic talel ec ta spat ti yan tojol tsebetic sventa yich'el ta muq'ue, ti jtic'vanejetic ta na yu'un ti lec xil sbaic xchi'uque.

Salmos 74:2

Vuleso ta avo'nton ti ateclumale, ti ta sliquebal no'ox lalub lacham talel yu'une, ti laj atic' aba ta spojel yo' jech ta xc'ot ta avu'une. Vuleso ta avo'nton ec un ti vits Sión ti bu lanaquie.

Cantares 1:3

Ta sa'van smuil ti muil poxil avu'une, malbil muil poxil c'otem ti ac'oplale. Jech o xal un, mu xastuch' ta yo'nton ti antsetique.

Cantares 6:8

Oy oxvinic (60) ta vo' ma' ti me' ajvaliletique, chanvinic (80) ta vo' ti ts'acal antsetique, mu no'ox albajuc ti tojol tsebetique.

Jeremías 2:3

Ti Israele cu'un to ox jtuc, cuni t'ujbil ts'unubil to ox. Mi oy buch'u laj soquese, laj jtsits, laj jtacbe talel ta stojol ti cuxul ilbajinvanej vocole. Ti vu'un Diosune, mu stselbuj ma' ti jc'op une.”

Amós 6:1

Mu xa ono'ox cha'bel un, ti buch'utic mu'yuc no'ox svocolic ta xa'iic ti nacalic ta jteclum Sione. Mu xa ono'ox cha'bel un, ti buch'utic mu'yuc c'usi sna' ta xa'iic ti nacalic ta jteclum Samariae, ti banquilaletic ti ich'bil ye sti'ic yu'un ti muc'tiquil lum taje, ti xc'uletic ta sc'anic coltael ti israeletique.

San Mateo 19:12

Oy ep ta tos c'u cha'al xi s'elan mu sa' yajnil ti viniquetique: Oy jlom jech no'ox voq'uem talel. Oy jlom pasbilic ta capon. Oy jlom mu sa' yajnilic sventa yo' jech ta xtun yu'un ti Diose. Ti buch'u xu' yu'un jech taje, ac'o spas.

San Mateo 25:1

Ti Jesuse xi laj yal xtoque: —Ti ventainel yu'un ti Dios ti oy ta vinajele, co'ol s'elan jech c'u cha'al lajuneb tsebetic ti yich'ojic batel ti slamparaic ti chba snupic ta be ti jnupunel vinique.

San Mateo 8:19

Ja' o nopaj talel jun jchanubtasvanej yu'un mantal ti xi laj yale: —Jchanubtasvanej, ta jchi'inot ti buyuc no'ox ta xabate.

San Juan 10:27

Ti jchijtaque ta xa'iic ti jc'opojele, xcojtiquinic ec un, ta xists'acliicun.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 13:37

Xi laj yal ti Pedroe: —¿C'u cha'al mu stac' ta jts'acliot batel avi li'e, Cajval? Jchapanoj xa jba ta xcac' jba ta milel ta aventa.

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

1 Corintios 16:15

Ti jech jchi'il jbatique, xana'ic ti Estéfanase xchi'uc ti c'u yepal oy ta snae, ja'ic ti ba'yel c'ot ta yo'ntonic ta xch'unel ti lequil ach' c'op ti oy ta Acayae. Avi tana une, yac'oj sbaic ta tunel yu'un ti jch'unolajeletique.

1 Corintios 6:20

Yu'un ti Diose toyol atojolic laj smanoxuc. Jech o xal un, tsots sc'oplal, aq'uic ta ich'el ta muc' Dios yu'un ti abec'talique xchi'uc ti ach'ulelique. Ti xchibal taje ja' yu'un ti Diose.

1 Corintios 7:28

Mi ta xanupij xats'aquij ava'ie, ma'uc mulil. Mi ta xnupij sts'aquij ti tojol tsebetique, ma'uc mulil. Ja'uc ti buch'u ta xnupij sts'aquije, ta x'ayan liquel svocol ti jech li' cuxule. Jc'anuc ca'i ti mu xataic ti avocolique.

2 Corintios 11:2

Ti j'ech'el mu lecuc ta xca'i ti c'u s'elan oyoxuque, liquem talel ta stojol ti Diose. Yu'un cac'oj xa que ta stojol Cristo ti oyuc alequilic ta xc'ot jva'anoxuc ta stojol jech c'u cha'al jun tojol tseb ti jac'bil xa ti oy sc'oplal x'iq'ue yu'un ti vinique.

Efesios 1:14

Ti Ch'ul Espíritu laj quich'tique, ja' svinajeb ti jbel sc'oplal ta xquich'tic ti jrextotic ti yaloj ono'ox ti Dios ta xaq'ue, ti ja' to ta xquich'tic c'alal mi laj xa staic spojel scolelic ta j'ech'el scotol ti buch'utic ja' yu'untaque, yo' jech ta xalbeic yutsilal slequilal smuc'ul stsatsal ti Diose.

Efesios 5:27

Jech laj spas ti Cristoe yo' jech mu'yuc c'usi quechel macal yu'unic, mi jutebuc xchopolalic, mi jutebuc oy c'usi soquem yu'unic, jun yutsil, jun slequil scotol ti jch'unolajeletic ta xc'ot sva'an sba yu'un ta stojol ti Diose.

1 Timoteo 4:3

Ti jutc'opetic taje ta xalic ti mu xu' xijnupune. Ja' jech xtoc ta xalic ti mu scotoluc stac' lajesel ti ve'liletique ac'o mi pasbil ono'ox yu'un Dios ti ve'liletique. ti xu' ta slajesic ti jch'unolajeletic ti buch'utic xojtiquinic ti bu ja' melele, ti c'alal colaval Dios xutic c'alal ta slajesique.

Hebreos 12:23

Lanopajic ta stojol ti bu tsobolic ti ba'yel jch'unolajeletic ti c'otemic ta xnich'nabtac Dios ti tey tsacal ti sbiic ta vinajele. Yu'un lanopajic ta stojol Dios ti ja' Jchapanvanej yu'un scotole. Lanopajic ta stojol bu oy xch'ulel yanimaic ti lequil tuq'uil viniquetic ti ac'bat slequilal yutsilalic yu'un ti Diose.

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 21:22

Ti jcot ta Uni Chije xchi'uc ti Cajvaltic Dios ti scotol xu' yu'une, ja' xa c'otem ta xch'ulna ta jteclume. Mu'yuc laj quil yan ch'ulna ti bu taje.

Apocalipsis 21:23

Ti ta jteclume, laj to c'op ta xtun xojobal ti c'ac'ale, xojobal ti ue, yu'un ja' xa xojobin stuc ti Diose, xchi'uc ja' xa c'otem ta xojobinel yu'un ti jcot ta Uni Chije.

Apocalipsis 3:4

Manchuc mi jech un, li' ta Sardise oy jlom avu'unic ti mu'yuc sbonoj ta ic'obal ti sc'u'ique, yu'un ti stuquique jun no'ox saquil sc'u'ic ta xchi'inicun ta xanobale, yu'un jech loc' ayan ta yo'ntonic.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.