Apocalipsis 14:2 - Bible in Tzotzil de Chamula

² Laj ca'i ti oy c'usi xpomomet ta xlic talel ta vinajel ti co'ol to s'elan yech'omal epal uc'um ta xanave, mi jech c'u cha'al yech'omal tsots chauc, mi jech c'u cha'al yech'omal arpa ti yepal no'ox oy buch'u ta stijique.

Tzotzil Zinacantan

² Ta vinajele icaꞌi ti coꞌol xchiꞌuc xpomomet nojel ucꞌume, ti coꞌol xchiꞌuc ch-avan chavuque, ti coꞌol xchiꞌuc ep jvabajometique.

Bible in Tzotzil de Chenalhó with Deuterocanon

² Laj ca'ay oy c'usi tsots chbac' ta vinajel, xco'laj xchi'uc xbac' nojelal uc'um, xco'laj xchi'uc yech'al tsatsal chauc, xco'laj xchi'uc chich' tijel epal arpaetic.

Tzotzil San Andres

² Li te ta vinajele icaꞌi coꞌol schiꞌuc xpomomet nojelal, schiꞌuc jech chac cꞌu chaꞌal tsots ta xꞌavan chauc, schiꞌuc jech chac cꞌu chaꞌal ep jtijꞌarpaetic.

Tzotzil de Huixtán

² Laj ca'i oy chc'opoj ti vinajel hech chaj c'u che'el chc'opoj nojelal uc'um, hech chaj c'u che'el tsots ch-avan chavuc, hech chaj c'u che'el mi tstijic yarpaic ep crixchanoetic.

Apocalipsis 14:2 Iomraidhean Croise

2 Samuel 6:5

Ja'uc ti Davide, xchi'uc scotol ti israeletique, xq'uejinic, x'ac'otajic no'ox ti bu xa c'alal xu' yu'unic ta stojol ti Diose, ti co'ol ta xyal yoquic xchi'uquic ti c'u s'elan ta xich' tijel ti vobe, ti arpae, ti chij-chij taq'uine, ti c'usi yan stac' tijele, xchi'uc ti set-set taq'uine.

2 Crónicas 20:28

C'alal c'otic ta Jerusalene, batic ta xch'ulna ti Diose, ti xlomet no'ox batel yu'unic ti jchop o vobetique, ti arpae, ta oq'uesetique.

Salmos 147:7

Laetuc siquetuc o'ntonal ta sq'uejintael ti Diose; lometuc xa ti arpa ta sq'uejintael q'uejimoletic ta stojol ti Dios cu'untique.

Salmos 149:3

Ta sventauc, bitanic ta ac'ot ta slequil c'optael, ti jmojuc xa lometuc ti arpae, xchi'uc ti chij chij taq'uin ta sq'uejintael ti q'uejimoletique.

Salmos 33:2

Albeic coliyal Dios c'alal xlomet no'ox ti arpae, q'uejintabeic q'uejimoletic c'alal ta xich' tijel ti jchop o ta vobetique.

Salmos 43:4

Va'i un, Ch'ul Dios, ta xic'ot ti bu oy ti altar avu'une, xiq'uejin no'ox ta atojol c'alal xnic no'ox ti arpa ti bu taje, spajem xa no'ox ximuyubaj avu'un, Dios, ti abainoj ti jcuxleje.

Salmos 57:8

Julavan xa un, jch'ulel canima. julavan ec un, arpa, jchop o ta vob; naca to ta sacub talel osil ta xijulav.

Salmos 92:3

ti jmoj xa xlamet xchi'uc ti c'usitic ta xich' tijel une, ti xlamet no'ox yutsil ta xich' tijel ti arpae, xchi'uc ti jchop o ta vobe.

Salmos 93:4

Le' une, Cajval, jelavem xu' avu'un ti oyot ta toyole, yan ti syuc'benal vo'e, xchi'uc xvo'o'et no'ox syuc'benal ti nabe, ja' mu sta xu' yu'unic.

Salmos 98:5

Q'uejintaic q'uejimoletic ta stojol Dios ti jmojuc xa xyal anuq'uic xchi'uc ti arpae, xchi'uc ti c'usitic yan ta xich' tijele.

Éxodo 19:16

Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique.

Éxodo 20:18

Ja' rexticoetic scotol ti israeletic ti laj yilic ti xc'avlajet ti chauque, ti xjaplajet ti sac tsele, ti xvochet yech'omal ti oq'uesetique, ti xtomet no'ox xch'ailal ti vitse. Nom va'ajtic ta scoj ti xi'ele.

Isaías 17:13

Ja'uc le' une, ti c'alal ta stsacatic ta c'op yu'un ti Diose, xc'uletic no'ox batel ta jatobal ta nom, jech c'u cha'al junuc jobel ti bec'bil ta xbat ta nom yu'un ti iq'ue, ti co'ol s'elan jech c'u cha'al ti tomal ch'ix ti chechbil ta xbat yu'un ti sutub iq'ue.

Ezequiel 43:2

Laj quil ta sloq'ueb c'ac'ale, lic talel yutsilal slequilal Dios yu'un ti Israele, ti co'ol s'elan yech'omal jun muc' ta uc'ume, sac jaman com yu'un ti banomile.

Zacarías 9:14

Ti Diose ta xac' sba iluc ta stojol ti steclumale, ti xjaplajet no'ox ti sni' syolobtac jech c'u cha'al ti chauque. Ti Dios ti ja' Ajvalile ta xoq'uisan ti yoq'ues ti xvolet no'ox batele, ti capal ta sutub ic' xchi'uc ya'lel ti xi ta stuq'uil yolon ti yac'ol xocon sloq'ueb c'ac'ale.

1 Corintios 13:1

Manchuc mi xu' ta xic'opoj ta yan c'opetic, manchuc mi co'ol to s'elan sc'opojel jun ánjel ti jc'opojele, mi mu'yuc ti syail xc'uxul co'ntone, co'ol j'elan jech c'u cha'al jun tampol ti jeche' xtantun ta jech yepale, mi mo'oje, co'ol j'elan jech c'u cha'al ti set-set taq'uin ti jeche' xchijchune.

Apocalipsis 1:10

C'alal sc'ac'alil yich'el ta muc' ti Cajvaltique, ja' o liventainat yu'un smuc'ul stsatsal ti Ch'ul Espiritue, xchi'uc laj ca'i oy Buch'u tsots c'opoj talel ta jpat ti co'ol s'elan yech'omal snuc' ti corneta

Apocalipsis 1:15

Ti yoque xojobin no'ox yutsil jech c'u cha'al ti ch'ulbil tsatsal c'anal taq'uin ti laj yich' ch'ulel ta c'oq'ue. Ti sc'opojel xtoque co'ol s'elan yech'omal epal uc'umetic.

Apocalipsis 11:12

Va'i un, ti cha'vo' rexticoetique laj ya'iic oy buch'u tsots c'opoj talel ta vinajel ti xi albatique: “Muyanic talel li'e.” Jech volibil ta toc, muyic batel ta vinajel, ti ileic yu'un ti yajcontraique.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 15:2

Laj quil xtoc ti co'ol s'elan nen capal ta c'oq'ue. Laj quil ti oy buch'utic ac'bil yarpaic yu'un ti Diose, ti va'ajtic ta sts'el ti nab taje, ja' ti buch'utic mu'yuc lajic ta lo'lael yu'un ti jti'oval chone, ti mu'yuc laj yich'beic ta muc' ti sloc'obbaile, ti mu'yuc laj yich'beic snumeroal sbi ti chone.

Apocalipsis 18:22

J'ech'el laj sc'oplal ta ya'yiel stijel ta acalle ti arpae, ti amae, ti oq'uese, laj sc'oplal ti j'abteletic avu'un ti oy c'usi ta xabtelanique, laj sc'oplal ta ya'yiel xjumet ti amolinoe.

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.