Apocalipsis 14:1 - Bible in Tzotzil de Chamula

¹ Laj taj une, laj quil ti va'al ta vits Sión ti jcot ta Uni Chije. Oyic ta stojol chanib xvaxacvinic mil (144,000) ta vo' ti buch'utic yich'ojic ta sti'baic sbi ti jcot ta Uni Chije, xchi'uc sbi ti Stote.

Tzotzil Zinacantan

¹ Tsꞌacal to iquil tey vaꞌal ta jol vits ti Cajvaltic Jesuse ti coꞌol xchiꞌuc chꞌiom tot chije. Sión sbi li vitse. Tey xchiꞌuc ciento cuarenta y cuatro mil crixchanoetic, jaꞌ ti tsꞌibabil ta stiꞌbaic sbi ti Cajvaltic Jesuse xchiꞌuc sbi ti Stote.

Bible in Tzotzil de Chenalhó with Deuterocanon

¹ Ts'acal laj quil te oy ta jol vits Sión li Ch'ium Chije. Te xchi'uc chanib xvaxacvinic ta mil (144,000) cristianoetic, ja' li boch'otic ts'ibabil ta sti'baic sbi li Ch'ium Chije xchi'uc sbi li Stote.

Tzotzil San Andres

¹ Ta tsꞌacale iquil te vaꞌal ta jol vits li Cajvaltic li coꞌol schiꞌuc chexel chije. Sión sbi li vitse. Jaꞌ te schiꞌuc chanib svaxacvinic ta mil (144,000) crixchanoetic, jaꞌ li tsꞌibabil ta stiꞌbaic sbi li Cajvaltique schiꞌuc sbi li Stote.

Tzotzil de Huixtán

¹ Patil laj quil te va'al ti ba vits ti Ch'iom Carneroe. Ja' Sión sbi ti vitse. Te xchi'inoj ciento cuarenta y cuatro ti mil ti vo', ja' ti ts'ibabil ti stibaic ti sbi ti Ch'iom Carneroe xchi'uc ti sbi ti Stote, ja' ti Diose.

Apocalipsis 14:1 Iomraidhean Croise

Salmos 2:6

“Laj xa jt'uj ma' ti ajvalil buch'u ta sventain cu'un ti Sione, ja' ti ch'ul vitse.”

Isaías 49:14

“Ti lum Sione xi laj yalilane: ‘Laj stenun laj sjipun comel ma' ti Ajvalile. Laj xch'ayun ta yo'nton ma' ti Dios cu'une.’

Jeremías 1:11

Ti Diose tal ta jtojol ti xi laj yalbun xtoque: “Jeremías, ¿c'usi ta xavil ti le'e?” “Jchex sc'ob uni almendro te' ta xquil”, xcut.

Ezequiel 1:4

Va'i un, laj quil ti sutubaj no'ox talel ic' ti lic talel ta yolon ti yolon xocon sloq'ueb c'ac'ale, ti co'ol s'elan sac tsel xjaplajet no'ox sc'ac'al ta xloc' talel ta epal voletel toque, ti sac jaman no'ox ta j'ech'el ta sjoylej ti xocone. Ta o'lol bu xloclun ti c'oq'ue, sts'ayayet ta xvinaj jech c'u cha'al junuc c'anal taq'uin cusbil ta xac' xojobale.

Ezequiel 10:1

Ts'acal to un, ti ta toyol ti bu pujul xmuy batele, ta yac'ol sjolic ti c'usitic oy xiq'uique, laj quil ti co'ol s'elan jun chotlebal ti meltsanbil ta jun yax tsijan bax-tone.

Ezequiel 10:9

Ti bu oyic ti c'usitic oy xiq'uique, laj quil ti oy chanib carosetique, jujun scarosal ti jujune. Ti carosetique sts'ayayet no'ox ta q'uelel jech c'u cha'al ti c'anal bax-tone.

Ezequiel 2:9

Va'i un, ta jech to yepal laj quil jun c'obil yilel sye'oj talel jun ts'ibabil balbil vun ta jtojol.

Ezequiel 44:4

Ti vinique laj yic'un batel xtoc ta ochebal sq'ueloj batel ta yolon ti yolon xocon sloq'ueb c'ac'al yu'un ti ch'ulnae. Laj quil sjunul ch'ulna smacoj yutsilal slequilal ti Diose. Jnupilan xa banomil laj jquejan jba ta stojol.

Ezequiel 8:7

Ts'acal to un, laj yic'un batel ta ochebal sti' ti amaq'ue. Laj quil ti jomol xa ti moque.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Daniel 12:5

Jech ti vu'un Danielune laj quil va'al yan cha'vo' viniquetic ta jujujot sti'il ti uc'ume.

Joel 2:32

Ja'uc ti buch'utic ta staic ta na'el ti Diose, ta xcolic ti jech oy sc'oplal ta xchamique. Ta vits Sión ti oy ta jteclum Jerusalene, oy ti pojobbail teye jech c'u cha'al yaloj ono'ox ti Diose. Ti buch'u t'ujbilic yu'une, cuxul ta xcomic.

Amós 8:2

Va'i xtoc un, xi laj sjac'bune: “¿C'usi laj avil, Amós?” “Toc'on lo'bolal sat te'etic ta xquil oy ta moch”, xcut. Xi laj yalbun ti Dios xtoc une: “Ja' xa jech sta'ajemal ti Israele. Ta j'ech'el mi ja'uc ti oy bu ta jch'aybeic ti smulique.

Miqueas 4:7

Ti scomelal yuni coxovile, ja' ta xc'ot ta jun jtunel; ti xch'ayemal ta bee, ta xc'otic cu'un ta jun tsatsaquil jteclum. Avi tana li' une, ja' ta xic'ot ta jventainvanej yu'unic sbatel osil ti ta vits Sione.

Zacarías 4:2

“¿C'usi ta xavil yilel?” Xichi laj jtac'bee: “Ja' jun pajleb cantila ti meltsanbil ta oroe, ti yich'oj xch'amleb aceite ta sbae. Yu'un ti ta toyole yich'oj vucub (7) lámpara ti oy jujun sbetac ti aceite ti ta xlic talel ta yavile.

San Lucas 12:8

“Ta xcalboxuc ava'iic, buch'uuc no'ox jamal ta xalic ti jc'oplal ta stojol ti buch'uuc no'oxe, ja' jechun ec, ti co'ol j'elantique, jamal ta xcalbe sc'oplal ta stojol yaj'ánjeltac ti Dios ti c'otem ta cu'une.

Romanos 9:33

Yu'un xi albil sc'oplal ta ch'ul c'ope: “Ta jbejan muc' ta ton ta jteclum Jerusalén, jun jbosiej-acanil ton. Ti buch'u ta spat yo'nton ta stojole mu xlo'ilaj ti yo'ntone.”

Apocalipsis 14:14

Laj jtoy jsat, laj quil jun saquil toc. Ta sba ti toque, oy buch'u chotol co'ol s'elan sat jun vinic. Slapoj sronail sjol ti meltsanbil ta oroe, xchi'uc stsacoj jun joz ti juxbil lec yee.

Apocalipsis 14:3

Ta sq'uejintaic jun ach' q'uejimol ta stojol ti Buch'u chotol ta muc' ta chotlebale, ta stojol ti c'usi chanib cuxajtique, ta stojol ti moletique. Mi junuc oy buch'u xchan yu'un ma' ti q'uejimole. C'ajomal no'ox sna'ic sq'uejintael ti chanib xvaxacvinic mil (144,000) ta vo' ti buch'utic pojeic loq'uel ta stojol ti buch'utic oyic li' ta banomile.

Apocalipsis 15:5

Laj ti va'i s'elan taje, laj jtoy jsat, laj quil jam ti ch'ulna ti oy ta vinajele, sc'oplal ti axibalna bu q'uejbil ti pech pech ton sventa ti tratee.

Apocalipsis 22:4

Ta xilbe sba ti satique, xchi'uc yich'ojbeic sbi ti Dios ta sti'baique.

Apocalipsis 3:12

Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”

Apocalipsis 6:8

Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.