Apocalipsis 13:7 - Bible in Tzotzil de Chamula

⁷ Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.

Tzotzil Zinacantan

⁷ Iꞌacꞌbat permiso ti ch-och yuꞌunic acꞌ cꞌocꞌ xchiꞌuc li muchꞌutic xchꞌunojic scꞌop Riox ti liꞌic to ta sba balamile. Ti Rioxe iyacꞌ cuchuc yuꞌun li bolome. Iꞌacꞌbat scuentain scotol crixchanoetic liꞌ ta sba balamile, ti jaylajuntos stsꞌunbalique, ti jaylajuntos scꞌopique, ti butic nacional nacajtique.

Bible in Tzotzil de Chenalhó with Deuterocanon

⁷ I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Tzotzil San Andres

⁷ Iꞌacꞌbat spasic cꞌop schiꞌuc li buchꞌutic yichꞌojic ta mucꞌ Dios li liꞌ to oyic ta balumile. Iꞌaqꞌue yuꞌun Dios ti ipaseic ta canal yuꞌun li jtiꞌaval bolome, schiꞌuc iꞌacꞌbat yichꞌ ta venta scotol crixchanoetic ta spꞌejel balumil.

Tzotzil de Huixtán

⁷ Ti Diose laj yac' licensa ti ac'o spas pleito ti bolome xchi'uc ti much'utic ch'umbil ti sc'ope li' ti balumile. Laj yac' licensa ti Diose ti ac'o tsalatuc ti xnich'nabe yu'un ti bolome. Ti bolome ti Diose laj yac'be licensa yu'un tsventain ti jaylajuntos crixchanoetic ti li'oyic ti balumile.

Apocalipsis 13:7 Iomraidhean Croise

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Isaías 10:15

Ja'uc le' une, ti eq'uele, ¿mi xtoyet xa xa'i sba ta stojol ti buch'u ta stunesat yu'une? ¿Mi xtoyet xa xa'i sba ti tuch'ob te' ta stojol ti buch'u ta xquililanat yu'une? Ja' jech ti vaxtonile, tojol te' no'ox, mi ja'uc pasbil ta mantal yu'un ti buch'u yich'oj batele.

Isaías 37:26

“Ja'uc le' une ¿mi yu'un mu xana' ya'yel ti vu'un Diosun ti jchapanoj xa ti jech ta xc'ot ta pasele? Yu'un vo'ne xa ti jech jnopbil cu'une. avi tanae, xyaquet xa cu'un. Jech o xal xu' avu'un ti ta xalilin ti nac'obbail jteclumetique, ti busul no'ox ta xcom avu'un ti slilijemale.

Jeremías 25:9

va'i un, ta jtac ta iq'uel scotol ti jteclumetic ti oyic ta yolon ti yolon xocon sloq'ueb c'ac'ale, xchi'uc ti cajtunel Nabucodonosor ajvalil yu'un ti Babiloniae, yo' ta stsac ta leto scotol ti jnaclejetic yu'un ti lum li'e, xchi'uc ti c'u yepal joyol ta spat ta xocon ti muc'tiquil lumetique. J'ech'el ta jtsutsesic ya'iic. Stuc slilijemal sicotan ta xcom cu'un ta j'ech'el, ti mu albajuc xi'elal ta xaq'ue.

Daniel 12:1

“Ti jech c'ac'al taje, ja' o ta xvul ta loq'uel ti Miguel ti ja' banquilal jpojvanej ánjel ti ta stic' sba ta spojel ti ateclumale. ‘Yu'un ti jech taje, ja' o ta xvul ta loq'uel ti mu no'ox ts'icbajuc ti vocole. Yu'un ti c'alal lic ayanuc talel ti muc'tiquil jteclume, mu'yuc xilic o ti jech xc'ot ta pasele. C'alal mi c'ot sc'ac'alil ti ta xvul ta loq'uel ti va'i s'elan taje, scotol ti ateclumal ti ts'ibabil sbiic ta jpoc vune, ta xcolic.

Daniel 7:21

Va'i un, ti xulub taje ta smil ta luchel steclumal ti Diose, ti tsalbilic ta xc'ot yu'une,

Daniel 7:25

Ti jun taje ta xchopol-c'opta ti Dios ti oy ta toyole. Ta naca sta ta stsutsesbe ech'el steclumal ti Diose, ti oy ta yo'nton ta sjel ya'i ti oy jbel ti c'usi tsots albil yu'un ti Diose, ti ta stubbe sc'oplal ti sq'uinaltac ti c'u s'elan ch'unbil yu'unique. Yu'un ja' o'lol xchanibal (3 1/2) jabil sjalil oy ta yoc ta sc'ob ta yilbajinel steclumal ti Diose.

San Lucas 4:6

Xi albat yu'un ti pucuje: —Ta xcac'bot avabtel ta sventainel ti muc'tiquil lumetic ti jun yutsiquil ta xavile, yu'un ja' ac'bilun ta coc ta jc'ob scotol. Ta xcac'be sventain ti buch'u ta jc'an ta xcac'bee.

San Juan 19:11

Xi laj stac' ti Jesuse: —Mu'yuc c'usi xu' avu'un ta jtojol ti manchuc laj yac'bot avabtel ti Diose. Ja'uc ti buch'u tal yac'un ta avoc ac'obe, ech'em smulic, ja' mu sta ti vo'ote.

Apocalipsis 10:11

Va'i un, oy buch'utic xi laj yalbeicune: “Tsots sc'oplal ta xlic ava'an aba ta scaj'alel ti c'usi ta xac' ta na'el ti Dios ta stojol ti epal jnaclejetic oyic ta jujun lume, ti jujun muc'tiquil lume, ti jujutos sc'opojelique, ta stojol ti jujun ajvaliletique.”

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 11:7

C'alal mi tsuts ti yabtelique, ja' o ta xloc' talel ta xa'ab ti jti'oval chone. Tey ta xlic spasic c'op xchi'uc ti rexticoetique, ti tsalbil ta xc'otic, yu'un ta stsaqueic ta milel yu'un ti jti'oval chon ti loc' talel ta natil xa'abe.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 17:15

Ti anjele xi laj yalbun xtoque: “Ti vo' xti'bet laj avil bu chotol ti mulivajel antse, ja' sc'oplal jteclumetic, jnaclejetic ta banomil, ti jujuchop ti sc'opique, ti oyic ta jujun muc'tiquil lume.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.