Apocalipsis 13:6 - Bible in Tzotzil de Chamula

⁶ Jech lic chopol c'opojuc ta stojol ti Diose, sbisel ta cotol chaval ti sbie, ta stojol ti xch'ulnae, ta stojol ti buch'utic oyic ta vinajele.

Tzotzil Zinacantan

⁶ Jaꞌo lic cꞌopojuc li bolome. Islaban ti Rioxe xchiꞌuc li stemploe, xchiꞌuc li muchꞌutic teyic xa ta vinajele.

Bible in Tzotzil de Chenalhó with Deuterocanon

⁶ Jech lic c'opojuc. Yan xich' xal ta stojol li Diose. Solel la xchopolc'optabe li sbie, xchi'uc ti bu nacale, xchi'uc li boch'otic te oyic ta vinajele.

Tzotzil San Andres

⁶ Jaꞌ yuꞌun lic cꞌopojuc li jtiꞌaval bolome. Chopol laj yalbe scꞌoplal li Diose. La snaꞌlebe li sbie, schiꞌuc li mucꞌta chꞌulna yuꞌune, schiꞌuc li buchꞌutic te xa oyic ta vinajele.

Tzotzil de Huixtán

⁶ Ep ichopolc'opoj yu'un ti Diose. Laj yixtambe sbi ti Diose. Chopol ic'opoj yu'un ti stemplo ti Diose xchi'uc ti much'utic batemic xa te ti vinajele.

Apocalipsis 13:6 Iomraidhean Croise

Job 3:1

Ta jech yepal un, ti Jobe xvulvun liquel ta sbisel ta cotol chaval ti sc'ac'alil ti voc' talele.

Salmos 73:9

C'uc no'ox xtal ta sjolic ta xchopol-c'optael ti vinajele; xpuquet ta scotol banomil ti c'usi xbet'bun yeic ta yalele.

Daniel 11:36

“Ti ajvalil ti oy ta yolon ti yolon xocon sloq'ueb c'ac'ale, ta xlic spas ti c'usi xal ti yo'ntone. Ta xc'ot ta pasel yu'un ti stuc xa no'ox ti cajal xa'i sba xchi'uc ti stoyobbaile, ti ja' peq'uel ta xcom yu'un scotol ti yan diosetique. Spajeb xa no'ox chopol ta xc'opoj ta stojol ti cuxul Diose. Scotol ti c'usitic ta xlic spase, lec ta xbat yu'un c'uc sjaliluc, ja' to ti mi ta x'ac'bat talel tsitsel yu'un ti Diose. Yu'un ti c'usi ta snop ta spas ti Diose, ta xc'ot ta pasel ono'ox yu'un.

Daniel 7:25

Ti jun taje ta xchopol-c'opta ti Dios ti oy ta toyole. Ta naca sta ta stsutsesbe ech'el steclumal ti Diose, ti oy ta yo'nton ta sjel ya'i ti oy jbel ti c'usi tsots albil yu'un ti Diose, ti ta stubbe sc'oplal ti sq'uinaltac ti c'u s'elan ch'unbil yu'unique. Yu'un ja' o'lol xchanibal (3 1/2) jabil sjalil oy ta yoc ta sc'ob ta yilbajinel steclumal ti Diose.

Daniel 7:8

C'alal ja' o batem jsat ta sq'uelel ti xulubtaque, laj quil ti ta xch'i talel sbiq'uit q'uelom ti ta olol ti xulubtaque. Va'i un, laj yich' c'ocbel loq'uel oxib ti syijil xulube yo' jech xu' tey ta xch'i liquel ti sq'uelome. Jech ti stuque, co'ol s'elan sat vinic ta q'uelel yilel, ti spajeb xa no'ox mu ts'icbaj ti c'usitic ta xloc' ta yee.

San Mateo 12:34

Xnich'nab jti'oval chon, ¿c'usi xavut ti lec ta xavalic ti c'alal chopol ono'ox avo'ntonique? Yu'un ti c'usi ta xloc' ta aveique, ja' ti c'usi ayanem ta yut avo'ntonique.

San Mateo 15:19

Yu'un ta sjol ta yo'nton ta x'ayan talel ti chopol snopbenale, ti milvaneje, ti yanijem jolile, ta sa'el ti yantsique, ta slo'labe sjol viniquetic ti antsetique, ti elc'ajele, ta sjutel ti c'ope, ta sliquesel ti c'ope.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Romanos 3:13

Co'ol s'elan jomol muquinal ti yeique. Naca jutbil ta xloc' ta yeic. Naca svenenoal jti'vanej chon xvajet no'ox ta xloc' ta yeic.

Colosenses 1:19

Scotol stalel yutsil ti Diose, loc' ayan ta yo'nton stuc ti yich'ojuc c'ot ti Cristoe,

Colosenses 2:9

Yu'un scotol stalel ti Diose oy ta stojol ti Cristoe.

Hebreos 9:2

Yu'un ti ch'ulna ti pasbil ta nucule xi s'elan laj yich' meltsanele: Ti ta sliquebale, ja' ti bu comem ti ch'ul cuartoe, ti bu comem ti yavil ti cantilae, xchi'uc ti mexa ti c'otem ta scajleb pan ta sventa ti Diose.

Hebreos 9:24

Yu'un ti Cristoe ma'uc och batel ta ch'ulna ti meltsanbil yu'un ti viniquetique, ti c'alal naca sloc'obbail no'ox ti bats'i ch'ulna ti oy ta vinajele. Yu'un och batel ta vinajel stuc, ti ja' xa ta sva'an sba ta c'opojel ta stojol Dios ta jventatique.

Apocalipsis 11:12

Va'i un, ti cha'vo' rexticoetique laj ya'iic oy buch'u tsots c'opoj talel ta vinajel ti xi albatique: “Muyanic talel li'e.” Jech volibil ta toc, muyic batel ta vinajel, ti ileic yu'un ti yajcontraique.

Apocalipsis 12:12

Muyubajan ec un, ch'ul vinajel xchi'uc ti vo'oxuc nacaloxuc ta stojole. Teque' xa no'ox xch'a un ma' ti buch'utic nacalic ta banomile, xchi'uc ti oyic ta muc' ta nabe, yu'un sna' lec ti pucuje, ti jutuc xa sc'an xc'ot yoraile, jech o xal un, yu'un capem xa yalel talel sjol ta atojolic.”

Apocalipsis 15:5

Laj ti va'i s'elan taje, laj jtoy jsat, laj quil jam ti ch'ulna ti oy ta vinajele, sc'oplal ti axibalna bu q'uejbil ti pech pech ton sventa ti tratee.

Apocalipsis 18:20

Ti vo'oxuc oyoxuc ta vinajele, j'ech'el muyubajanic ti laj ta c'oc' ti muc' ta lume. Ti vo'oxuc jcholc'opoxuque, ti vo'oxuc lac'opojic ta sventa ti Diose, ti vo'oxuc yu'unoxuc ti Diose, j'ech'el muyubajanic ti laj ta c'oc' ti muc' ta lume, yu'un laj ataic chapanel c'alal ac'bat yich' svocol yu'un Dios ti muc' ta lume.

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”

Apocalipsis 4:4

Ta joyob bu oy ti muc' ta chotlebale, oy yan chanib xcha'vinic (24) ta cot chotlebal, ti chotolic chanib xcha'vinic (24) ta vo' moletic ti xi s'elan oyique: jun no'ox yutsil ti sc'u' slapojique, xchi'uc slapoj sronail sjolic ti naca meltsanbil ta oroe.

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Apocalipsis 7:15

Jech o xal un, li' oyic ta sts'el ti bu chotol ti Diose, yu'un c'ac'al ac'ubal ta xac' sbaic ta tunel li' ta xch'ulna ti Diose. Chabibilic yu'un ti Buch'u chotol ta muc' ta chotlebale.

Apocalipsis 7:9

Laj taj une, laj quil yepal oy bu talemic ta jujun banomil ti oyic ta muc'tiquil lumetique, ti jujutos ti sts'unobalique, ti jujutos ti sc'opique, ti oyic ta jujun jteclume. Ti yepal no'ox ta j'ech'el ti mu'yuc buch'u xchap yu'un c'u yepalique, tey va'ajtic ta stojol ti Buch'u chotol ta muc' ta chotlebale, xchi'uc ti jcot ta Uni Chije. Slapojic batel saquil c'u'il xchi'uc xtuchojic batel yanal xan.