Apocalipsis 13:5 - Bible in Tzotzil de Chamula

⁵ Ac'bat yich' stsatsal ti jamal ye ta yalel ti c'usiuc no'ox chopol ta xloc' ta alel yu'une, ti c'usiuc no'ox chopol xalilan ta stojol ti Diose, xchi'uc ti oy sc'oplal ta xich' tsots yabtel o'lol xchanibal jabile (3.5).

Tzotzil Zinacantan

⁵ Ti Rioxe iyacꞌ cꞌopojuc li bolome ti acꞌu stoy sbae, ti acꞌu spꞌis sba ta Rioxe. Iꞌacꞌbat spas mantal oxib jabil xchiꞌuc oꞌlol yuꞌun ti Rioxe.

Bible in Tzotzil de Chenalhó with Deuterocanon

⁵ Jech noxtoc ijambat ye yu'un ac'o yal c'usitic toj tsotsic, xchi'uc ac'o chopol c'opojuc ta stojol Dios. Xchi'uc i'ac'bat yabtel yu'un ac'o spas mantal o'lol xchanibal jabil.

Tzotzil San Andres

⁵ Li Diose iyacꞌ icꞌopoj li jtiꞌaval bolome ti acꞌo stoy sbae, ti acꞌo yal ti jaꞌ Dios stuque. Li Diose iyacꞌbe spas mantal oꞌlol schanibal jabil.

Tzotzil de Huixtán

⁵ Ti Diose laj yac' c'opojuc ti jun to bolom x'elane. Ep lic stoy sba. Ep ichopolc'opoj yu'un ti Diose. Ti Diose laj yac' licensa yu'un tspas mantal o'lol xchanibal habil.

Apocalipsis 13:5 Iomraidhean Croise

Salmos 12:3

Dios, ch'ab xiuc sc'oplal avu'un ta j'ech'el ti buch'utic jun xa yutsil ti ye sti'ic ta spac'ta sbaique, xchi'uc ti jliquesej c'opetique,

Ezequiel 35:13

Laj ca'i ti xbet'bun no'ox ave stsaquelun ta c'ope, ti mu'yuc spajeb xavulvun ta scontrainelune.

Daniel 11:36

“Ti ajvalil ti oy ta yolon ti yolon xocon sloq'ueb c'ac'ale, ta xlic spas ti c'usi xal ti yo'ntone. Ta xc'ot ta pasel yu'un ti stuc xa no'ox ti cajal xa'i sba xchi'uc ti stoyobbaile, ti ja' peq'uel ta xcom yu'un scotol ti yan diosetique. Spajeb xa no'ox chopol ta xc'opoj ta stojol ti cuxul Diose. Scotol ti c'usitic ta xlic spase, lec ta xbat yu'un c'uc sjaliluc, ja' to ti mi ta x'ac'bat talel tsitsel yu'un ti Diose. Yu'un ti c'usi ta snop ta spas ti Diose, ta xc'ot ta pasel ono'ox yu'un.

Daniel 12:12

Mu'yuc no'ox c'usi sna' ta j'ech'el ti buch'u spatoj o yo'nton c'alal xc'ot ta ts'aquiel ti oxlajuneb cien xchi'uc yo'lajuneb xcha'vinic (1,335) c'ac'ale.

Daniel 7:11

Jq'ueloj, batem co'nton xchi'uc ti c'usi ta xalilan ti snene' xulub ti xloquet no'ox snuc' ta spase. C'alal ch'ayal co'nton ta sq'uelele, laj quil ti laj smilic ti muc' ta jti'oval chone. Laj slilinic ta bic'tal bojilanel. Laj xtoc un, laj sjipic ochel ta c'oc' yo' jech ta xc'ac' yu'unic.

Daniel 7:20

Oy ox ta co'nton ta xca'ibe sc'oplal ta sventa ti lajuneb (10) xulube, xchi'uc ti snene' xulub ti oy sate, ti oy jun ye ti mu no'ox ts'icbaj ti c'usi xloc' ta alel yu'une. Jech xtoc oy ox ta co'nton ta xca'ibe sc'oplal ti oxib (3) xulub ti laj yich' c'oquel loq'uele yo' jech xu' ta xch'i talel ti snene' xulub ti jelavem to smuc'ul ta xbate.

Daniel 7:25

Ti jun taje ta xchopol-c'opta ti Dios ti oy ta toyole. Ta naca sta ta stsutsesbe ech'el steclumal ti Diose, ti oy ta yo'nton ta sjel ya'i ti oy jbel ti c'usi tsots albil yu'un ti Diose, ti ta stubbe sc'oplal ti sq'uinaltac ti c'u s'elan ch'unbil yu'unique. Yu'un ja' o'lol xchanibal (3 1/2) jabil sjalil oy ta yoc ta sc'ob ta yilbajinel steclumal ti Diose.

Daniel 7:8

C'alal ja' o batem jsat ta sq'uelel ti xulubtaque, laj quil ti ta xch'i talel sbiq'uit q'uelom ti ta olol ti xulubtaque. Va'i un, laj yich' c'ocbel loq'uel oxib ti syijil xulube yo' jech xu' tey ta xch'i liquel ti sq'uelome. Jech ti stuque, co'ol s'elan sat vinic ta q'uelel yilel, ti spajeb xa no'ox mu ts'icbaj ti c'usitic ta xloc' ta yee.

Daniel 8:14

Va'i un, xi laj yich' taq'uel sutel tal ti c'ope: “Ja' ta xjalij cha'mil xchi'uc vo'lajunvinic (2,300) ti jujun xmal sacube. Mi ech' ti va'i sjalil taj une, ta xc'ot ta pasel ta xlic yich' cha'lecubtasel ti ch'ulnae.”

2 Tesalonicenses 2:3

Bats'i ta melel ta xcalboxuc ava'iic, mu me xavac' abaic ta lo'lael. Yu'un c'alal mu'yuc to ta sut talel ti Cajvaltique, ba'yel ta xc'ot ta pasel ti yepal no'ox ta jmec ta xlic scontrainic ti Diose. Ja' jech xtoc ba'yel ta xvul ta loq'uel ti me'mulil vinic ti mu'yuc xch'ulel xa'i sbae, ti chapal xa sc'oplal ch'ayel ta xbate.

2 Tesalonicenses 2:4

Ti me'mulil vinic taje ta scontrain scotol c'usiuc no'ox ti ich'bil ta muc' yu'un ti jnaclejetic ta banomile. Ta scontrain ti buch'utic oy ta ye ta sti'ic ta yalbel sc'oplal ti Diose. Ta xc'ot ta pasel yu'un ti ta xlic chotluc ta spasel mantal ta xch'ulna ti Diose, ti ta sbis sba ti ja' xa Dios ti stuque.

2 Tesalonicenses 2:8

Va'i un, c'alal mi laj yich' loq'uesel ti Buch'u smacoj to ta bee, ja' o ta xvul ta loq'uel ti me'mulil vinique, ti ta xmile ta yic'al ye ta yutsilal xojobal ti Cajvaltic Jesús c'alal ta xcha'sut talele.

Apocalipsis 11:7

C'alal mi tsuts ti yabtelique, ja' o ta xloc' talel ta xa'ab ti jti'oval chone. Tey ta xlic spasic c'op xchi'uc ti rexticoetique, ti tsalbil ta xc'otic, yu'un ta stsaqueic ta milel yu'un ti jti'oval chon ti loc' talel ta natil xa'abe.

Apocalipsis 12:14

Ja'uc ti antse, ac'bat xiq'uin chib xic' muc'tic xic yo' xu' ta xvil batel ta xocol banomil ta sq'uejel sba batel ta nom ta stojol ti muc' ta tsajal jti'oval chone, ti bu ta xmalq'uine o'lol xchanibal jabile (3.5).

Apocalipsis 12:6

Ti antse jatav batel ta xocol banomil ti bu chapanbil xa yu'un Dios, yo' ta xmalq'uine oxlajuneb yoxvinic (1,260) c'ac'al.

Apocalipsis 13:7

Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.