Apocalipsis 13:3 - Bible in Tzotzil de Chamula

³ Ti jun ta scotol ti sjole, oy syayijemal ti jutuc xa mu cham o xchi'uc yilele; ja'uc le'e, colem xa ti syayijemale. Scotol ti jnaclejetic ta sjoylej banomile, elom laj ya'iic, bat sts'acliic ti jti'oval chon loc' talel ta nabe.

Tzotzil Zinacantan

³ Li bolome lajem ta espada jpꞌej sjol, chamem toꞌox ti jpꞌej sjole pero ichaꞌcuxi. Colem xa li syayijemale. Li crixchanoetique xchꞌayet xa yoꞌonic ti ichaꞌcuxi li jpꞌej sjole, jaꞌ isnapꞌletaic li bolome.

Bible in Tzotzil de Chenalhó with Deuterocanon

³ Laj quil ti yayijem jbej sjol ti xu' chchame, pero icol. Jech scotol cristianoetic labal laj ya'yic. Ja' la snaban sbaic o ta stojol.

Tzotzil San Andres

³ Li jtiꞌaval bolome oy slutꞌmal jpꞌej sjol ti lajem ta machitae, ti icham li jpꞌej sjole. Icol li jpꞌej sjole, ichaꞌcuxi. Jaꞌ yuꞌun scotol li crixchanoetique toj chꞌayel noꞌox yoꞌonic ti ichaꞌcuxi li jpꞌej sjole. Jaꞌ la stijletaic li jtiꞌaval bolome.

Tzotzil de Huixtán

³ Laj jq'uel ti yajem jp'ej sjol. Ta yutsil chcham ti hechuque. Pero ichop xa ti bu yajeme. Scotol crixchanoetic ich'ay yo'ntonic yu'un ti ichope, hech yu'un laj sts'acliic batel.

Apocalipsis 13:3 Iomraidhean Croise

Ezequiel 30:24

Ti ajvalil yu'un Babiloniae, ta xcac'be yip yoc sc'ob ta stsaquel ti quespadae. Ti faraone, ta jc'asbe sc'ob ti x'ijijet xa yu'un c'alal ta xa'i ti yayijesat xa yu'un ti yajcontrae.

San Lucas 2:1

C'alal ja' o tiq'uil ta banquilal ajvalil ti Augusto Cesare, laj yal mantal ti ac'o yich' bejanbel ta vun sbiic scotol ti jnaclejetic oy ta banomile.

San Juan 12:19

Ja'uc ti fariseoetique xi ta xalbe sbaique: —Ta xavilic ti mu'yuc c'usi stac jpastic jutebuque. Q'uel avilic, ¡yu'un scotolic ta xbatic ta stojol!

Hechos 8:13

C'ot ta yo'nton ta xch'unel ec ti Simone. Laj yich' vo'. Lic xchi'in ta xanobal ti Felipee. Elom no'ox laj yil c'u s'elan ch'ayal ta xc'ot yu'un o'ntonal ti c'u s'elan ta xac' iluc ti Felipee.

Apocalipsis 13:12

Jech yich'oj tsots yabtel ec jech c'u cha'al ti ba'yel jti'oval chon ti loc' talel ta nabe, ti ta sba ta sat stuc ti c'otuc ta pasel ti scotoluc ti jnaclejetic ta banomile, ti yich'icuc ta muc' ti ba'yel jti'oval chon ti colem xa ti syayijemal sjol ti jutuc xa mu cham o xchi'uque.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 17:10

Ja' jech xtoc ti vucub ajvaliletique, vo'ob ajvaliletic yu'unic, yalic xa ta lum. Oy jun yu'unic, yacal ta spas mantal avi tana li'e. Ti yan xtoque, mu'yuc to vulem ta loq'uel. C'alal mi vul ta loq'uele, mu xa jaluc ta spas mantal.

Apocalipsis 17:11

Ti jti'oval chon ti cuxul to oxe, ti mu'yuc xa avi tana li'e, ja' sc'oplal ti xvaxaquibal ajvalile: ac'o mi ja' jun ta yucubal ti q'uelel xa talel ta stojol ti ta stsuts ti sc'oplale.

Apocalipsis 17:13

Ti lajuneb ajvaliletic taje ti jmoj sjol yo'ntonique, ta xac'be sventain yabtelic ti xi'bal sba jti'oval chone.

Apocalipsis 17:17

Yo' jech ta xc'ot ti c'u s'elan oy ta yo'nton ti Diose, tijbat yo'ntonic ta spasel c'usi ta sc'ane, yo' jech ta xq'uelbat ti svocol ti xi s'elan ta xc'ot ta pasele: ta sco'oltas sjol yo'ntonic ta yac'bel sventain yabtelic ti jti'oval chone.

Apocalipsis 17:6

Laj quil un ma' ti antse, yacubem xchi'uc xch'ich'eltac ti buch'utic yu'untac ti Diose, xchi'uc xch'ich'eltac ti buch'utic laj yich'ic milel ta sventa ti jamal laj yalbeic sc'oplal ti Jesuse. Ch'ayal c'ot co'nton yu'un ti jech laj quile.

Apocalipsis 17:8

Ti jti'oval chon laj avil ti cuxul to oxe, ja'uc le'e laj xa sc'oplal avi tana le'e. Ac'o mi laj xa sc'oplal, ta xloc' talel ta xa'ab ti c'alal mu'yuc to ta stsuts o ta j'ech'ele. Ti jnaclejetic ta banomil ti buch'u mu'yuc ono'ox tsacal sbiic ta jpoc vun sventa cuxlejal c'alal lic meltsajuc talel ti banomile, ch'ayal ta xc'ot yo'ntonic, c'alal ta xilic ti tsajal xi'bal sba jti'oval chon ti ta xac' sba iluc xtoque, c'alal albil sc'oplal chamem xae.