Apocalipsis 13:2 - Bible in Tzotzil de Chamula

² Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Tzotzil Zinacantan

² Li chone coꞌoltic xchiꞌuc bolom yilel. Li yoc scꞌobe coꞌol xchiꞌuc yoc scꞌob oso. Li yee coꞌol xchiꞌuc ye león. Li tsajal chone iyacꞌbe syuꞌel chac cꞌu chaꞌal syuꞌel li stuque. Isticꞌ ta pasmantal chac cꞌu chaꞌal tspas mantal li stuque. Tsots yabtel iyacꞌbe.

Bible in Tzotzil de Chenalhó with Deuterocanon

² Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Tzotzil San Andres

² Li yoc scꞌobe coꞌol schiꞌuc yoc scꞌob oso. Li yee jaꞌ onoꞌox jech chac cꞌu chaꞌal ye jtiꞌaval bolom. Li tsajal chone laj yacꞌbe sjuꞌel jech chac cꞌu chaꞌal li sjuꞌel stuque. Laj yacꞌbe spas mantal jech chac cꞌu chaꞌal ta spas mantal li stuque. Tsots yabtel laj yacꞌbe.

Apocalipsis 13:2 Iomraidhean Croise

2 Reyes 2:24

Ti Eliseoe joybij batel ta stuq'uil ti bu oyique. Laj sq'uel lec ech'el. Lic sti'ol-c'opta ta sventa ti Diose. Ta jech no'ox yepal, loc' talel cha'cot oso ta te'tic. Balatic ta ti'el ti chib yoxvinic (42) ta vo'e.

Salmos 22:21

Pojun ta ye ti jti'oval leonetic le' une; tic'o aba ta jpojel yo' mu xve' cu'un xulub ti vacaxetic le'e.

Proverbios 17:12

Ja' xi smuc'ul ta xich' nupel ta be jcot jcapemal jol me oso, ja' x'ech' to xchopolal ti oy c'usi ta spas ya'i ti buch'u pimunebe.

Proverbios 28:15

Ti mu'yuc xch'ulel xa'i sba ti ajvalil ta sventain jun jteclum ti mu'yuc c'usi xut spoj sbae, co'ol s'elan jun león ti naca slilin no'ox ta ti'ele, mi co'ol s'elan jech c'u cha'al jun oso ti capem ti sjole.

Isaías 5:29

Yech'omal ti c'u s'elan xvo'o'ete, co'ol s'elan jun león ti xloquet no'ox talel ti snuq'ue, ti xloquet no'ox snuc' ta stsac batel ti sve'el ti mu junuc oy buch'u xu' ta spojbee.

Jeremías 13:23

¿Mi xu' ta sjel sba ti c'u ono'ox s'elan ti ic'yaman vinique? ¿Mi xu' ta sjip loq'uel ti c'u ono'ox s'elan sts'i'baronil ti jchop o ta bolome? Ti me'inem xa xava'i ta spasel ti c'usi chopole, mu xu' avu'unic un ta spasel ma' ti c'usi lec une.

Jeremías 5:6

Jech o xal un, ta xloc' talel leónetic ta muc'tiquil vitsetic ti ta xmilatic yu'une. Ta xloc' talel oq'uiletic ta sbajtical banomil ti ta xlilinatic ta ti'el yu'une. Ti ta slumalique, buyuc no'ox ch'ambil ta be ta xc'ot yu'un ti jchop o ta bolometique. J'ech'el ta stsutsesatic mi loc' xa ono'ox talele, ta scoj ti mu albajuc ti smulique, ti mu albajuc c'usi loc' ta sa'el yu'unique.

Oseas 11:10

Ti stuquique ta sts'acliic ti Diose. Jech ti stuque xloquet no'ox liquel snuc' jech c'u cha'al jcot león ta stojol ti yajcontraique. Ti jech xloquet no'ox ti snuq'ue, jech ti yu'untaque, xniclajetic xa ta xi'el ta xvulic ti ta xliquic talel ta smaleb c'ac'ale. p

Amós 3:12

Xi ta xal ti Diose: “Jech c'u cha'al ti jun jq'uel-chij ti ja' xa no'ox ta stabe talel ti xchibal yacane, mi ja' ti juteb xa xchiquin ti xchij ti laj ta ti'el yu'un ti jti'oval leone, ja' jech, jun chib no'ox ta xcolic ti israeletic ti nacalic ta jteclum Samariae. Taje, ja' sc'oplalic ti buch'utic jun xa yutsiquil ti xchotlebic ti chotajtic ta jteclum Damascoe.”

Amós 5:19

Yu'un co'ol s'elan jech c'u cha'al ti buch'u ta xjatav batel ta xi'elal ti leone, ti snupoj ta be ta xc'ot ti oso xtoque. Mi mo'oje, co'ol s'elan jech c'u cha'al ti buch'u ta x'och batel ta yut sna ti yicoj xa batel pac'bal ti ti'bil xa ono'ox ta chon ta xa'ie.

Habacuc 1:8

“Ti sca'ique xbitet no'ox ta anil, ja' ta xcom ta be yanilajeb ti jchop o ta bolome, toj ech'em spucujilic, ja' mu sta spucujil ti oq'uil ti oy ta sbajtical banomile. Jun no'ox yepal xbitetic xvoletic ta anil ti jcajlejetic ta ca' yu'une, ta nom no'ox ta xlic tsacvanicuc talel ta leto jech c'u cha'al junuc muc' ta xic ti xchechech to yalel ta stsaquel ti sve'ele.

2 Timoteo 4:17

Yu'un ja' no'ox laj scoltaun laj yac'bun quip ti Cajvaltique yo' jech ic'ot ta pasel laj cal ti colebal ach' c'ope, yo' jech laj ya'iic scotolic ti jyanlumetique. Ja' yu'un un, ti Cajvaltique laj scoltaun loq'uel ta yoc ta sc'ob ti jti'oval leone.

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

Apocalipsis 12:13

C'alal laj yil ti muc' ta tsajal jti'oval chon jipe yalel tal ta banomile, snutsoj batel ti ants ti buch'u laj svoq'ues ti yole.

Apocalipsis 12:15

Ti tsajal jti'oval chone laj sjip loq'uel vo' ta ye, ti laj sjoybin ta jun muc' ta uc'um yo' jech ta xjoch batel ti antse.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:12

Jech yich'oj tsots yabtel ec jech c'u cha'al ti ba'yel jti'oval chon ti loc' talel ta nabe, ti ta sba ta sat stuc ti c'otuc ta pasel ti scotoluc ti jnaclejetic ta banomile, ti yich'icuc ta muc' ti ba'yel jti'oval chon ti colem xa ti syayijemal sjol ti jutuc xa mu cham o xchi'uque.

Apocalipsis 13:4

Ti jnaclejetic ta banomile lic yich'ic ta muc' ti muc' ta tsajal jti'oval chone, ta sventa ti ac'bat smuc'ul stsatsal yu'un ti jti'oval chon loc' talel ta nabe, xchi'uc laj yich'ic ta muc' ti jti'oval chon loc' talel ta nab ti xi ta xalbeique: “¿Buch'u xa la yan xu' yu'un jech c'u cha'al ti xi'bal sba jti'oval chon li'e, xchi'uc buch'u la xu' ta stsal yu'un?”

Apocalipsis 16:10

Loc' batel ti yo'obal anjele, laj scocan yalel ti sbel sbis ta sba ti bu chotol ta spas mantal ti xi'bal sba jti'oval chone. J'ech'el ic' com scotol ti bu c'alal sventainoje. Xc'uxet xa yeic ma' ti jnaclejetic ta banomil ta scoj ti yipal xc'uxule.

Apocalipsis 17:12

“Ti lajuneb xulub laj avile, ja' sc'oplal lajuneb ajvaliletic ti mu'yuc to ta spasic mantale. Ta sta yorail un, ta x'ac'batic yabtelic ta spasel mantal jmoj xchi'uc ti jti'oval chone. Ja' no'ox un, jun xa no'ox ora, mu xa jaluc ta spasic mantal.

Apocalipsis 19:20

Ti jti'oval chone och ta c'abal jmoj xchi'uc ti jlo'lavanej j'alc'op ti laj yac' iluc ti oy c'usi ch'ayal ta xc'ot o'ntonal yu'un ta stojol ti jti'oval chone. Ta sventa ti laj yac' iluc oy c'usi ch'ayal ta xc'ot o'ntonal yu'un ti jlo'lavanej j'alc'ope, laj slo'laan ti buch'utic sq'ueloj xa no'ox sba laj yich'ic smarcail ti jti'oval chone, xchi'uc ti laj yich'beic ta muc' ti sloc'obbaile. Va'i un, ti jti'oval chone, xchi'uc ti jlo'lavanej j'alc'ope, cuxul jipatic yalel ta c'oc' ti bu ta xtil ta azufree.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.