Apocalipsis 13:16 - Bible in Tzotzil de Chamula

¹⁶ Ja' jech xtoc laj yal mantal, c'alaluc ta biq'uit ta muc', scotol ti jnaclejetic ta banomile, ac'o yich' smarcail ta sbats'i c'obic, mi ta sti'baic, mi jc'ulejetic, mi me'onetic, mi mosoviletic, mi ma'uc mosoviletic.

Tzotzil Zinacantan

¹⁶ Iyal noxtoc ti acꞌu yichꞌ seña scotol li crixchanoetique. Ta biqꞌuit ta mucꞌ, acꞌu mi jcꞌulej, acꞌu mi meꞌon, acꞌu mi mozoinbil, acꞌu mi chꞌabal, persa ta xichꞌ seña scotolic ta sbatsꞌicꞌobic, o mi ta stiꞌbaic.

Bible in Tzotzil de Chenalhó with Deuterocanon

¹⁶ Jech noxtoc laj yal mantal ti ac'o yich' smarcail ta sbats'ic'obic, o me ta sti'baic scotol cristianoetic c'alal ta muc' ta biq'uit, ta jc'ulej ta me'on, c'alal ta boch'o ochem ta mozoil, xchi'uc boch'o muc ochemuc ta mozoil.

Tzotzil San Andres

¹⁶ Schiꞌuc laj yal ti acꞌo ichꞌbatuc senyail yuꞌun scotol crixchanoetic. Acꞌo mi mucꞌ, mi biqꞌuit, mi jcꞌulej, mi mu cꞌusi oy yuꞌun, mi ochem ta jtunel, mi muc bu ochem ta jtunel, persa ta xichꞌ scotolic ta sbatsꞌicꞌobic, mi ta stiꞌbaic, li senyaile.

Tzotzil de Huixtán

¹⁶ Ac'o yich'be smarca ti totil cu'une ti ja' sloc'tombailune scotol crixchanoetic, mi muc', mi biq'uit, mi jc'ulej, mi me'on, mi libre oyic, mi oyic ti mozoil. Ja' no'ox chich' ti sbats'ic'ob o ti stiba ―xchi―.

Apocalipsis 13:16 Iomraidhean Croise

2 Crónicas 15:13

Laj yalic ta jamal, buch'uuc no'ox ti mu sc'an sa'ic ti Ajvalil Dios yu'un ti Israele, mi julem xa xch'ulel, mi biq'uit to, mi vinic, mi ants, chapluj sc'oplal ta xich' milel.

Job 34:19

Ti stuque mi ja'uc ta sco'oltas sba xchi'uc ti jpas-mantaletique, mi ja'uc ech'em ta spacbe sc'oplal ti jc'uleje, mi ja'uc mu sventauc ti me'un mu'nate, yu'un laj yac'be xch'ulel yanima scotolic.

Salmos 115:13

Ta biq'uit ta muc', ta sva'an sba ta stojol mi ta x'ich'e ta muq'ue.

Salmos 49:2

jech c'u cha'al ti jc'ulejetique, xchi'uc ti me'un mu'natetique, jech c'u cha'al ti cajal xa'i sbaique, xchi'uc ti biq'uit yac'oj sbaique,

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Zacarías 13:6

Ti mi oy buch'u xi ta sjaq'ue: ‘¿C'usi c'ot ta pasel ti oy senyail yayijemot une?’, xi ta stac' ti stuque: ‘Oy buch'u laj syayijesun ta sna ti buch'u lec xquil jba xchi'uque.’ ”

Hechos 26:22

Ti jech sva'anoj sba ti Dios ta jtojole, staoj to yav jtsinanoj co'nton ta yalbel sc'oplal ti Dios ta stojol scotol ti jnaclejetic ta banomile manchuc mi yalel toyol ti sbijilique. Mu ja'uc jutebuc ta jel c'u s'elan laj yal comel ti j'alc'opetique xchi'uc ti c'u s'elan laj yal ti Moisés ti oy c'usi ta xc'ot ta pasele:

1 Corintios 12:13

Manchuc mi israel, mi jyanlum, mi mosovinbil, mi ma'uc mosovinbil, ja'uc c'alal laj quich'tic ti vo'e, lijc'ot ta jun jcotoltic ta sventa ti jun no'ox ti Ch'ul Espíritue. Ja' jech xtoc jcotoltic laj quich'tic ti Ch'ul Espíritue.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Gálatas 6:17

Avi tana une, li' ta xlic batel ti mu jc'an mi oy buch'u ta sa'bun ti jmule. Yu'un ti vu'une, oy senyail syayijemal ta jbec'tal jtacopal, ja' svinajeb ti yajtunelun ti Cajvaltic Jesucristoe.

Efesios 6:8

Yu'un xana'ic xa lec, mi mosovil, mi ma'uc mosovil, ta xtojbatic yu'un Cajvaltic ta jujun ti c'usi lec laj apasique.

Deuteronomio 11:18

“Va'i un, ti c'opetic taj une, bejanic lec ta ajol ta avo'ntonic, ta snopbenal avu'unic ti c'otuc ta senyail avu'unic ti chucbiluc ta snuc' ac'obique, ti ta ati'baique.

Deuteronomio 6:8

Chuquic ech'el ta ac'obic ta ati'baic ti mantaletic taje yo' jech ta xt'ab ta avo'ntonic.

Colosenses 3:11

Ma'uc xa tsots sc'oplal mi israel mi ma'uc, mi yich'oj circuncisión mi mu'yuc, mi jyanlum, mi mu'yuc chanubtasbil, mi mosovil mi ma'uc. Yu'un ja' tsots sc'oplal ti oyotic ta stojol Cristo ti ta sventainotic jcotoltique.

2 Timoteo 3:8

Jech c'u cha'al laj spasic ti j'iloletic Janese xchi'uc ti Jambrese ti laj scontrainic ti Moisese, ja' jech ti viniquetic taje ta scontrainic ti bu ja' melele, soquem ti sjolique. Mi ja'uc juteb xc'ot ta yo'ntonic ta xch'unel ti Cajvaltique.

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 15:2

Laj quil xtoc ti co'ol s'elan nen capal ta c'oq'ue. Laj quil ti oy buch'utic ac'bil yarpaic yu'un ti Diose, ti va'ajtic ta sts'el ti nab taje, ja' ti buch'utic mu'yuc lajic ta lo'lael yu'un ti jti'oval chone, ti mu'yuc laj yich'beic ta muc' ti sloc'obbaile, ti mu'yuc laj yich'beic snumeroal sbi ti chone.

Apocalipsis 19:18

Yu'un ta xati'beic sbec'tal ti banquilal ajvaliletique, ti jpas-mantal yu'un ti soldadoetique, ti tsatsal viniquetique, sbec'tal ti ca'etique xchi'uc ti buch'u cajlejetic ta ca'e, sbec'tal stacopal ti mosoviletique, ti ma'uc mosoviletique, ta biq'uit ta muc'.”

Apocalipsis 19:20

Ti jti'oval chone och ta c'abal jmoj xchi'uc ti jlo'lavanej j'alc'op ti laj yac' iluc ti oy c'usi ch'ayal ta xc'ot o'ntonal yu'un ta stojol ti jti'oval chone. Ta sventa ti laj yac' iluc oy c'usi ch'ayal ta xc'ot o'ntonal yu'un ti jlo'lavanej j'alc'ope, laj slo'laan ti buch'utic sq'ueloj xa no'ox sba laj yich'ic smarcail ti jti'oval chone, xchi'uc ti laj yich'beic ta muc' ti sloc'obbaile. Va'i un, ti jti'oval chone, xchi'uc ti jlo'lavanej j'alc'ope, cuxul jipatic yalel ta c'oc' ti bu ta xtil ta azufree.

Apocalipsis 19:5

Oy Buch'u c'opoj talel ta muc' ta chotlebal ti xi ta xale: “Acotolic yajtuneloxuc ti Diose, ti ta xaxi'taique, ti yalel toyol ti abijilique, lequil c'optaic ti Dios cu'untique.”

Apocalipsis 20:12

Laj quil xtoc, c'alal ta biq'uit ta muc', ti buch'utic chamemic xae, scotolic laj sva'an sbaic ta stojol ti Diose. Laj yich' jamel ti spocol poj vunetique. Laj yich' jamel xtoc ti jpoc vun ti bu ts'ibabil sc'oplal ti cuxlejale. Ti animaetique jech laj yich'ic chapanel jech c'u cha'al ti c'u s'elan laj xa spasic ti ts'ibabil ta svunale.

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Apocalipsis 6:15

Ti banquilal ajvaliletic ta banomile, ti jc'ulejetique, ti banquilal soldadoetic tsots xu' yu'unique, ti mosoviletique, ti ma'uc mosoviletique, scotolic jmoj bat snac' sbaic ta nail ch'enetic, ta c'al tonetic ti oy ta vitsetique.

Apocalipsis 7:3

“Mu to xasoquesic ti banomile, ti nabe, ti te'etique ti c'alal mu to cac'ojbecutic senyail ta sti'baic yajtuneltac ti Dios cu'untique.”