Apocalipsis 13:10 - Bible in Tzotzil de Chamula

¹⁰ “Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Tzotzil Zinacantan

¹⁰ Ti cꞌalal xlaj cꞌotuc yeche, mi oy muchꞌu chtiqꞌue ta chuquele, acꞌu ochuc. Mi oy muchꞌu ta xmile ta espadae, acꞌu milatuc. Ti muchꞌutic xchꞌunojic li scꞌop Rioxe ti liꞌic to ta sba balamile jaꞌ tscꞌan ti chcuch yuꞌunic scotole. Jaꞌ tscꞌan ti jaꞌ noꞌox ta xchꞌunic ti chcuxiic ta sbatel osile.

Bible in Tzotzil de Chenalhó with Deuterocanon

¹⁰ “Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.

Tzotzil San Andres

¹⁰ Mi oy buchꞌu avuꞌunic ti ta xtiqꞌue ta chuquele, acꞌo ochuc. Mi oy buchꞌu avuꞌunic ti ta xmile ta machitae acꞌo mileuc, te acꞌo lajuc. Jaꞌ yuꞌun scꞌan ti oy stsatsal avoꞌonic, joꞌoxuc ti avichꞌojic ta mucꞌ li Dios ti liꞌ to oyoxuc ta balumile, yoꞌ jech ta xcuch avuꞌunic mi ista scꞌacꞌalil ti chtal li vocole. Scꞌan ti chachꞌunic ti ta onoꞌox xacolic o sbatel osile.

Tzotzil de Huixtán

¹⁰ Ti much'u chchucvane ta ono'ox yich' chuquel stuc. Ti much'u chmilvane ta ono'ox xmilat stuc. Hech yu'un ti much'utic tspasic ti muc' ti Diose ti li'oyic ti balumile ti c'alal ti yorail ti hech vocole, tsc'an ti oy stsatsal yo'ntonic, tsc'an ti chch'unic ti ta ono'ox xcolic sbatel osile.

Apocalipsis 13:10 Iomraidhean Croise

Isaías 14:2

Yepal no'ox jyanlumetic ta snabliic batel ti israeletic ti ta xbatic ta yosilalique, ti ta xlic mosovinaticuc yu'un ti israeletic c'alal oyic ta yosilal ti Diose. Chucbil ta xbatic yu'un israeletic ti buch'utic chucvanic to oxe. Tsalbil ta xc'otic yu'unic Israel ti buch'utic ilbat ti svocolic yu'une.

Isaías 26:21

Ti Diose ta xloc' talel ta spasob mantal yo' jech ta stsits ti jnaclejetic ta banomil ta scoj ti smule. Ti banomile ta j'ech'el mu snac' ti c'u yepal lajem ta stojole. Ta svinajes ti c'u yepal lajem ta milele.

Isaías 33:1

Mu xa ono'ox cha'bel un, ti mu'yuc to avich'oj ilbajinel ti j'ilbajinvanejote, ti mu'yuc to paybil ac'oplal ti jpayc'opote. C'alal mi lajelav xa ta ilbajinvaneje, malao xa ono'ox ava'i ti ta stsuts ac'oplal ec une. Mi lajelav xa xchi'uc ti uni pay c'op une, pay xi no'ox avuni c'oplal ec.

Jeremías 15:2

Mi ta sjac'bot ti bu ta xbatic une, xi xavalbe ya'i ta jventae: ‘Ti buch'utic ta bate' chamel yich'oj talel ta xc'ot ta tsutsele, bate' chamel xa'i xcham xlaj. Ti buch'utic ta leto yich'oj talel ta xc'ot ta tsutsele, leto xa'i xcham xlaj. Ti buch'utic ta vi'nal yich'oj talel ta xc'ot ta tsutsele, vi'nal xa'i xcham xlaj. Ti buch'utic bec'bil loq'uel ta slumalic yich'oj talele, bec'bil ta xloc' ta slumalic.’

Jeremías 43:11

Ta xvul ta loq'uel ta slilinel ti muc' ta lum Egiptoe. Ti buch'utic yich'oj talel ta chamel ta xc'otic ta tsutsele, jech ta xchamic. Ti buch'utic yich'oj talel ti bec'bil ta xloq'uic batele, jech ta xc'ot ta stojolic. Ti buch'utic yich'oj talel ta leto ta xc'ot ta tsutsele, jech ta xchamic.

Lamentaciones 3:26

Xloc' venta ti ts'ijilotic ta smalael coltavanuc ti Diose.

Habacuc 2:3

Ti c'usi la'ac'bat avile, ta to xjalij jutuc yo' ta xc'ot ta pasel, ja' no'ox un, mu ono'ox sts'elbuj. Ac'o mi jal ya'luc, ja' no'ox un, malao no'ox ava'i, ja' to xavil ti xyaquet no'ox ta xc'ot ta pasele.

San Mateo 26:52

Xi laj yal ti Jesuse: —Tic'o ochel ta sna ti avespadae. Ti buch'u ta xmilvanic ta espadae, ta espada ta xcham ec.

San Mateo 7:2

Ti c'u yepal ta xachapanbe smul ti yane, jech yepal ta xchapanot ti Diose. Ti c'u yepal ta xapasbe ti yane, ja' jech ta spas ti Dios ta atojolique.

San Lucas 21:19

Tsotsan ava'i un yo' ta xata apojel acolel.

Colosenses 1:11

Ta jc'anbecutic Dios ti ac'o yac'boxuc avipic ta sventa yutsil slequil ti smuc'ul stsatsale yo' jech oy smuc'ul avo'ntonic, yo' jech xamuyubajic ta xcuch avu'unic ti c'usiuc no'ox ta xc'ot ta atojolique,

Hebreos 6:12

Mi ja'uc ta jc'ancutic ti ta xach'ajubic ta bee. Ja' tamic ta spasel jech c'u cha'al ti buch'utic c'otem ta yo'ntonic ta xch'unel ti ta ono'ox xc'ot ta pasel ta yich'el ti smotonic ti albilic yu'un ti Diose, ti mu xchibaj ta smalaele.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Apocalipsis 17:11

Ti jti'oval chon ti cuxul to oxe, ti mu'yuc xa avi tana li'e, ja' sc'oplal ti xvaxaquibal ajvalile: ac'o mi ja' jun ta yucubal ti q'uelel xa talel ta stojol ti ta stsuts ti sc'oplale.

Apocalipsis 17:8

Ti jti'oval chon laj avil ti cuxul to oxe, ja'uc le'e laj xa sc'oplal avi tana le'e. Ac'o mi laj xa sc'oplal, ta xloc' talel ta xa'ab ti c'alal mu'yuc to ta stsuts o ta j'ech'ele. Ti jnaclejetic ta banomil ti buch'u mu'yuc ono'ox tsacal sbiic ta jpoc vun sventa cuxlejal c'alal lic meltsajuc talel ti banomile, ch'ayal ta xc'ot yo'ntonic, c'alal ta xilic ti tsajal xi'bal sba jti'oval chon ti ta xac' sba iluc xtoque, c'alal albil sc'oplal chamem xae.

Apocalipsis 2:19

Jna' lec scotol ti c'usi ta xapase: ti oy xc'uxul syail avo'ntone, ti lec c'otem ta avo'nton ta xch'unele, ti avac'oj aba ta tunele, ti mu xavicta abae, ti x'ech' to avac'ojbe yipale, ti ja' mu sta ta sliquebale.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Apocalipsis 3:3

Vuleso ta avo'nton un cha'e, ti c'u s'elan laj avich' chanubtasele, mu xavicta aba. Sutan talel ta stojol ti Diose. Mi mu xatij ajol avo'ntone, co'ol s'elan j'elec' ta xital ta atojol ti mu xana' c'usi orae.