Apocalipsis 12:9 - Bible in Tzotzil de Chamula

⁹ Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Tzotzil Zinacantan

⁹ Ijipatic yalel tal ta jmoj liꞌ ta sba balamile. Voꞌne onox tey li chone, jaꞌ ti totil pucuje, ti Satanás sbie. Jaꞌ ti tsloꞌlo crixchanoetic ta sba balamile.

Bible in Tzotzil de Chenalhó with Deuterocanon

⁹ Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Tzotzil San Andres

⁹ Li tsajal chon schiꞌuc li schiꞌiltaque ijipeic o yalel talel liꞌ ta balumile. Li tsajal chone jaꞌ onoꞌox li chon ta voꞌonee, jaꞌ li banquilal pucuje, jaꞌ li Satanás sbie. Jaꞌ li ta sloꞌlo scotol li crixchanoetic liꞌ ta balumile.

Tzotzil de Huixtán

⁹ Hech yu'un j'ech'el itenatic loq'uel yal tal ti vinajel ti dragone laj quil. Mu xa xu' ch-ochic o. Ja' ti chon ono'oxe ti yac'oj sba tslo'la scotol crixchanoetic ti balumile, ja' ti totil pucuje, ja' ti Satanás sbie. Hech j'ech'el itenatic yal tal ti balumil xchi'uc ti abatetic yu'une.

Apocalipsis 12:9 Iomraidhean Croise

Génesis 3:1

Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

Génesis 3:13

Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

1 Crónicas 21:1

Ti jtic'-mulil ánjele lic scontrain ti israeletic ti laj sliquesbe sjol ti David ti sliquesuc tsacob-biil ta stojol ti Israele.

2 Crónicas 18:21

Ti ch'ulelale laj yal ti ta stic'be jutbil c'op ta sjol scotol ti j'alc'opetic yu'un ti ajvalile. Va'i un, albat yu'un ti Diose ti ta xc'ot ta pasel ti ta xlaj ta lo'lael yu'unique, ti batuc ta spasele.

Salmos 109:6

Ti buch'u mu'yuc xch'ulel xa'i sbae, c'otuc ta jchapanvanej yu'un, ta sbauc stuc, joybijuc ti yajc'opojele.

Isaías 14:12

“C'u no'ox la xi ti xajipip to loq'uel talel ta vinajel une, ti vo'ot co'ol a'elan jbej c'analot ti xojobin no'ox xojobal ta xloc' talel ta jujun sobe. Ta banomil to latenat yalel talel, ti vo'ot naca xatsal no'ox ti muc'tiquil lumetique.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Isaías 65:25

Ti oq'uile xchi'uc ti ch'in chije, jmoj xvolet ta xve'ic. Ti leone ta slo' yaxal jech c'u cha'al junuc vacax. Ti chone naca banomil ta xipan. Ta sjunul ti ch'ul vits cu'une, mi junuc ti oy c'usi chopol ta spase”, xi laj yal stuc Dios ma' taj une.

Ezequiel 28:16

Ti yepal no'ox oy ti abolomale, lic atam ta spasel ti c'usi chopole, ti mulile. Va'i un, laj jtenot loq'uel ta jtojol. Laj jtenot loq'uel ta jch'ul vits un. Ti c'usi oy xic' ta xchabiot to oxe, laj sjipot loq'uel ti bu jun yutsiquil ta xac' xojobal ti tonetic jech c'u cha'al ti c'analetique.

San Mateo 13:39

Ti buch'u laj sts'un ti trigo t'ule, ja' ti pucuje. Ti ts'unobal ti ta xich' tsobele, ja' smelol ti slajebal c'ac'ale. Ti jtsob-ts'unobaletique, ja' ti ánjeletique.

San Mateo 24:24

Yepal no'ox ta xvul loq'uel jlo'lavanejetic li' ta banomile, ta sbis sbaic ta Cristo, ta sbis sbaic ta j'alc'opetic. Yepal no'ox ta xaq'uic iluc senyailetic, xchi'uc oy c'usi ch'ayal ta xc'ot o'ntonal yu'un, yo' ta slo'laic ya'i ti buch'utic t'ujbilic yu'un ti Diose.

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

San Mateo 4:1

Ta jech yepal un, ti Jesuse iq'ue batel ta sbajtical banomil yu'un ti Ch'ul Espiritue yo' jech ta xlajeltsae yu'un ti pucuje.

San Mateo 4:10

Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

San Mateo 4:5

Ta jech yepal un, iq'ue batel ti Jesús yu'un ti pucuj ta ch'ul jteclum Jerusalén ti muy batel yu'un ti bu xa slajeb toyol ti ch'ulnae.

San Mateo 4:8

Ti pucuje laj yic' batel xtoc ta jun toyol vits ti bu laj yac'be yil scotol yutsilal slequilal ti muc'tiquil lume.

San Lucas 10:18

Xi laj yal ti Jesuse: —Jech un, yu'un laj quil co'ol s'elan sleb chauc c'alal jipat yalel talel ta vinajel ti banquilal pucuje.

San Lucas 13:16

Ti ants li'e, ti ja' jun snitilul ti Abrahame, oy xa ta svaxaclajunebal (18) jabil oy xchamel ti chucbil pech'bil yu'un ti pucuje. ¿Mi mu stac' colesel ta sc'ac'alil ti cuxob o'ntonale?

San Lucas 22:3

Va'i un, ti pucuje och ta stojolal ti Judas ti sbiinoj xtoc ti Iscariote, jun ta xlajcha'vo'al (12) ti jchanc'ope.

San Lucas 22:31

Xi laj yal xtoc ti Cajvaltique: —A'yio ava'i, Simón, Simón, ti pucuje laj xa sc'an ti ac'o avich'ic lilinel jech c'u cha'al ta xich' ic'ael ti trigoe.

San Lucas 8:12

Ti ts'unobal c'ot ta bee, ja' sc'oplal ti oy jlom lec ta xa'iic ti sc'op Diose. Tal ti pucuje, pojbat loq'uel ta yo'ntonic yo' mu xch'unic ti ta xcolique.

San Juan 12:31

Ja' xa yorail avi tana li' une, ta xlic yich' chapanel ti jnaclejetic ta banomile. Ja' xa yorail ta xich' jipel loq'uel ti buch'u ta spas mantal li' ta banomile.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

San Juan 16:11

Ta x'ac'bat sna'ic ti chapanel yu'un ti Diose, yu'un laj xa yich' chapanel ti buch'u sventainoj ti banomile.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Hechos 5:3

Xi laj yal ti Pedroe: —Ananías, ¿c'u cha'al laj avac' abtejuc ti pucuj ta avo'nton ta sjutel c'op ta stojol ti Ch'ul Espíritu ti laj ach'ac comel o'lol ti taq'uin ti c'u yepal latojbat yu'un ti avosile?

Romanos 16:18

Yu'un ti buch'utic jech stalelic taje, ma'uc yajtuneltac ti Cajvaltic Jesucristoe. C'ajomal no'ox yac'ojbeic yipal ta spasel ti c'usi ta sc'an ti yo'ntonique, xchi'uc jun xa yutsil ye sti'ic ta spas sbaic yo' ta slo'laic ti buch'utic co'ol s'elan ololetic ta xilique.

Romanos 16:20

Ti j'ac'-jun-o'ntonal Diose, ta jliquel no'ox ta slilinbe yip ti pucuje yo' xu' avu'unic ta xpech'el ta teq'uel. Ac'o sva'an sba ta yaq'uel slequilal ta atojolic ti Cajvaltic Jesucristoe.

2 Corintios 11:14

Taje, mu xa yanuc ti stalelique, yu'un ti pucuj eque ta sbis sba ta jun ánjel ti xojobin no'ox ti yutsile.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

2 Corintios 12:7

Yo' mu jtoy jba xchi'uc ti c'usi li'ac'bat quil ti cajal sc'oplal ta j'ech'ele, co'ol s'elan ch'ix pajal vul ta jbec'tal ti yan sba xc'uxul ta j'ech'ele, ti ja' yabtel ti pucuj tal yilbun ti jvocole.

2 Corintios 2:11

Ti jech taj une, yo' mu xistsalotic ti pucuje, yu'un xcojtiquintic lec c'u s'elan ti smanyae.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Efesios 4:14

Ja' yu'un un, mu xa co'oluc j'elantic jech c'u cha'al ololetic ti xtal xbat ti snopobil yu'une, ti jochbil no'ox ta xch'unel ti oy c'usi ach' ta xchanubtasat yu'un ti jlo'lavanejetic ti ja' no'ox ta sc'an ta x'ic'van batel ta sbelal ch'ayele.

2 Tesalonicenses 2:3

Bats'i ta melel ta xcalboxuc ava'iic, mu me xavac' abaic ta lo'lael. Yu'un c'alal mu'yuc to ta sut talel ti Cajvaltique, ba'yel ta xc'ot ta pasel ti yepal no'ox ta jmec ta xlic scontrainic ti Diose. Ja' jech xtoc ba'yel ta xvul ta loq'uel ti me'mulil vinic ti mu'yuc xch'ulel xa'i sbae, ti chapal xa sc'oplal ch'ayel ta xbate.

1 Timoteo 2:14

Ma'uc laj ta lo'lael ti Adane, ja' ti antse. C'alal jech laj ta lo'laele, laj sta smul.

2 Timoteo 3:13

Ja'uc ti buch'u toj chopol xa'i sbaique, xchi'uc ti jlo'lavanejetique, yacalic ta soquel batel, yacalic ta xlo'lavan ti yalojique ti c'alal xi ta xich'ic lo'lael eque.

Hebreos 2:14

Jech c'u cha'al ti alab nich'nabiletic ti ta xvoq'uic ta jchop nae, ti jun ti sbec'tal xch'ich'elique, jech ec ti Jesuse laj yich' xch'ich'el sbec'tal stacopal yo' jech ta slilinbe yip yabtel ti buch'u jbel sc'oplal ta xismilotique, ti ja' sc'oplal ti pucuje.

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.

Judas 1:9

Ti banquilal ánjel Miguele mu'yuc c'usi chopol laj yalbe ti Pucuj c'alal xvulvun xchi'uc sbec'tal ti anima Moisese. C'ajomal no'ox xi laj yale: “Ac'o xa xchapanot ti Diose.”

Apocalipsis 12:12

Muyubajan ec un, ch'ul vinajel xchi'uc ti vo'oxuc nacaloxuc ta stojole. Teque' xa no'ox xch'a un ma' ti buch'utic nacalic ta banomile, xchi'uc ti oyic ta muc' ta nabe, yu'un sna' lec ti pucuje, ti jutuc xa sc'an xc'ot yoraile, jech o xal un, yu'un capem xa yalel talel sjol ta atojolic.”

Apocalipsis 12:3

Laj taj une, xi s'elan vinaj yan senyail xtoc ta vinajel: jcot muc' ta tsajal jti'oval chon ti yich'oj vucub sjole, xchi'uc lajuneb xulub, oy sronail sjol ta jujun.

Apocalipsis 12:7

Laj taj une, laj quil lic leto ta vinajel. Ti banquilal ánjel Miguele xchi'uc ti anjeletic yu'une, lic stsaquic ta leto ti tsajal jti'oval chone. Jech ti muc' ta tsajal jti'oval chon xchi'uc ti xchi'iltaque, tsacvanic ta leto ec.

Apocalipsis 12:8

Ja'uc le' une, mu'yuc xcuch yu'unic ti letoe. Laj to c'op ma' ti oy stunelic ta vinajele.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 16:14

Ja' xch'ulel ti pucujetique, ti laj yaq'uic iluc ti oy c'usi ch'ayal ta xc'ot o'ntonal yu'unique, ti loq'uic ta stsobel ti jujun banquilal ajvaliletic oyic ta sjoylej banomile, yo' ta x'ochic ta letovajel c'alal ta sta yorail ti muc' ta c'ac'al nopbil yu'un Dios ti scotol xu' yu'une.

Apocalipsis 18:2

Xi tsots x'avet ta xale: “Tsale xa, yal xa ta lum ti muc' ta lum Babiloniae. Joybij xa ta snail pucujetic, ta snail ep ta tos xch'ulel bol pucujetic, ta xluchleb ep ta tos j'ac'-ib-o'nton mutetic, ta snail ep ta tos co'lal jti'oval chonetic.

Apocalipsis 18:23

Laj sc'oplal xtoc sac jaman no'ox xojobal ti lamparae, laj sc'oplal xvochvun ti pas q'uin sventa nupunele. Caj tsacal xa'i sbaic ta banomil ma' ti jbolomajeletic ta aventae, yu'un laj alo'laan ti muc'tiquil lumetic ti oy ta sjoylej banomil ta scoj ti achamelinoj ti lo'lavaneje.”

Apocalipsis 19:20

Ti jti'oval chone och ta c'abal jmoj xchi'uc ti jlo'lavanej j'alc'op ti laj yac' iluc ti oy c'usi ch'ayal ta xc'ot o'ntonal yu'un ta stojol ti jti'oval chone. Ta sventa ti laj yac' iluc oy c'usi ch'ayal ta xc'ot o'ntonal yu'un ti jlo'lavanej j'alc'ope, laj slo'laan ti buch'utic sq'ueloj xa no'ox sba laj yich'ic smarcail ti jti'oval chone, xchi'uc ti laj yich'beic ta muc' ti sloc'obbaile. Va'i un, ti jti'oval chone, xchi'uc ti jlo'lavanej j'alc'ope, cuxul jipatic yalel ta c'oc' ti bu ta xtil ta azufree.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:24

Ti c'u avepalic nacaloxuc ta Tiatirae, ti mu'yuc xch'unojic c'u s'elan ta xchanubtasvan ti antse, mi ja'uc ta xbat avo'ntonic yu'un ti cajal sc'oplal ta xava'i ti bijubtasel yu'un sc'op ti pucuje, mu'yuc xa c'usi yan mantal ta xcalboxuc ava'iic.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.

Apocalipsis 20:10

Jech ti pucuje, ti buch'u ilo'lavan xae, laj yich' jipel yalel bu ts'anal ti c'oc' ta xtil ta azufree, ti bu laj xa yich' jipel yalel ti jti'oval chone xchi'uc ti jlo'lavanej j'alc'ope. Ti bu taje, sbatel osil, c'ac'al ac'ubal, ta xich' svocol.

Apocalipsis 20:8

Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.

Apocalipsis 3:9

Ta jpas ta mantal ti ta snijan sbaic ta atojol ti buch'utic ventainbilic yu'un ti pucuje, ti ta xalic bats'i israeletic ti c'alal ma'uque, yo' jech ta sna'ic ti c'uxot ta co'ntone.

Apocalipsis 9:1

C'alal laj yoq'uisan yoq'ues ti yo'obal anjele, laj quil baj yalel ta vinajel jbej c'anal, c'alal to banomil c'ot. Ti c'anale ac'bat yich' syavial ti xa'ab ti mu'yuc spajeb ti snatile.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.