Apocalipsis 12:7 - Bible in Tzotzil de Chamula

⁷ Laj taj une, laj quil lic leto ta vinajel. Ti banquilal ánjel Miguele xchi'uc ti anjeletic yu'une, lic stsaquic ta leto ti tsajal jti'oval chone. Jech ti muc' ta tsajal jti'oval chon xchi'uc ti xchi'iltaque, tsacvanic ta leto ec.

Tzotzil Zinacantan

⁷ Iquil noxtoc ti iꞌoch acꞌ cꞌocꞌ ta vinajele. Li Miguele xchiꞌuc li yajꞌanjeltaque isliquesic acꞌ cꞌocꞌ xchiꞌuc li tsajal chone xchiꞌuc yajꞌanjeltac li tsajal chone.

Bible in Tzotzil de Chenalhó with Deuterocanon

⁷ Ts'acal laj quil muc'ta pleito ta vinajel. Li banquilal j'almantal Miguele xchi'uc li j'almantaletic yu'une la spasic pleito xchi'uquic li dragone. Li dragone tsots la spasic xchi'uc li j'almantaletic yu'une.

Tzotzil San Andres

⁷ Iquil nojtoc oy cꞌop ta vinajel. Li banquilal chꞌul ángel Miguele schiꞌuc li itsꞌinal chꞌul ángeletic ti jaꞌ ta spaseic ta mantal yuꞌun li Miguele, jaꞌ tspasic cꞌop schiꞌuquic li tsajal chone schiꞌuc li schiꞌiltac li tsajal chone.

Tzotzil de Huixtán

⁷ Patil ilic muc'ta pleito te ti vinajel laj jq'uel. Te oy ti vinajel jun totil ch'ul abat, Miguel sbi. Ti Miguele xchi'uc ti ch'ul abatetic ti tspasatic ti mantal yu'un ti Miguele, ja' laj spasic pleito xchi'uc ti dragone. Ti dragone ja' chcoltaat yu'un ti abatetic yu'une.

Apocalipsis 12:7 Iomraidhean Croise

Salmos 78:49

Xi s'elan laj slaman talel ta stojolic ma' ti scapemal Dios une: ti sti'emale, ti j'ech'el ta stojique, ti vocolajele, ti cuxul j'ilbajinvanej ti c'usitic caj jelavem talele.

Isaías 34:5

Melel, yespada ti Diose ta xvinaj ta vinajel, ti ja' xa ta xtun ta sjol sbaquil ti lum Edome, ti chapal xa sc'oplal ta xc'ot ta tsutsel ti lum ach'el yu'une.

Isaías 55:4

C'ot ta rextico cu'un ta stojol ti muc'tiquil lumetique. C'ot ta banquilal, c'ot ta jchanubtasvanej yu'un ti jteclume.

Daniel 10:13

C'u stu un, ti jun ánjel ti tsots xu' yu'un ti sventainoj ti jteclum Persiae, loc' xa jun xcha'vinic (21) c'ac'al ti contra xiyilune. Ja' no'ox un, ti Miguele, ti ja' jun banquilal ánjel ti x'ech' to jelavem xu' yu'une, tal stic' sba ta scoltaelun. Jech ti vu'une, jtuc xa licom xchi'uc ti ajvaliletic yu'un ti jteclum Persiae.

Daniel 10:21

Avi tana li' une, ta xcalbot ava'i smelol ti c'u s'elan ts'ibabil ta jpoc svunal ti melele: Ti stsaquelic ta leto taje, ja' no'ox coltabilun yu'un ti Miguele, ti ja' banquilal ánjel ti sventainoj ti jteclum Israele.

Daniel 12:1

“Ti jech c'ac'al taje, ja' o ta xvul ta loq'uel ti Miguel ti ja' banquilal jpojvanej ánjel ti ta stic' sba ta spojel ti ateclumale. ‘Yu'un ti jech taje, ja' o ta xvul ta loq'uel ti mu no'ox ts'icbajuc ti vocole. Yu'un ti c'alal lic ayanuc talel ti muc'tiquil jteclume, mu'yuc xilic o ti jech xc'ot ta pasele. C'alal mi c'ot sc'ac'alil ti ta xvul ta loq'uel ti va'i s'elan taje, scotol ti ateclumal ti ts'ibabil sbiic ta jpoc vune, ta xcolic.

San Mateo 13:41

Ti vu'un co'ol j'elantique ta xcalbe mantal ti caj'ánjeltac yo' ta xtenatic loq'uel ti bu ta xiventainvane, ti jsa'muliletique xchi'uc ti buch'utic ta xac'be yil ta spasel mulil ti yane.

San Mateo 16:27

Ti vu'un co'ol j'elantique ta xicha'sut talel. Ta xquich'be talel yutsilal slequilal ti Jtote xchi'uc ti yaj'ánjeltaque yo' jech xtal cac'be stoj ti buch'uuc no'ox ti c'usi laj xa spasic ta jujun tale.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

San Mateo 26:53

¿Mi mu xana' ti xu' ta jc'anbe vocol ti Jtote, ti xu' ta stacbun talel x'ech' to ta oxvinic ta mil (60,000) ti anjeletique?

2 Corintios 12:7

Yo' mu jtoy jba xchi'uc ti c'usi li'ac'bat quil ti cajal sc'oplal ta j'ech'ele, co'ol s'elan ch'ix pajal vul ta jbec'tal ti yan sba xc'uxul ta j'ech'ele, ti ja' yabtel ti pucuj tal yilbun ti jvocole.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

2 Tesalonicenses 1:7

Ti yacaloxuc ta vocol avi tana li'e, oy bu ta xc'ot sc'ac'alil ta xac' acux avo'ntonic xchi'uc ti vu'uncutique. Taje, ja' to mi sta sc'ac'alil ta xcha'sut talel ti Cajvaltique, xchi'uc ti yaj'ánjeltac ti jelavem xu' yu'unic ti ta xvinaj ta vinajel ti volibil ta leb c'oc' ta xyal talele.

Hebreos 2:10

Ta sventa yabtel ti Diose, ayan scotol ti c'usitic oye, xchi'uc ja' ta sventa ti oy scotole. Yu'un oy ta yo'nton ti Diose ti scotoluc ti xnich'nabe ac'o ich'batuc ti slequilal yutsilal ti oy ta stojole. Jech o xal un, ta sventa ti laj yich' svocol ti lequil Jcoltavanej yu'unique, c'ot ta sventa stojobtasel scotol.

2 Pedro 2:4

Ti ánjeletic ti laj sta smulique, mu'yuc ono'ox ch'aybat smulic yu'un ti Diose, c'ajomal no'ox jipatic yalel ta c'atimbac ti bu nac'bil chucajtic ta cadena taq'uin ictaatic comel ta ic'al osil yo' ta xich'ic chapanel c'alal ta sta sc'ac'alile.

Judas 1:9

Ti banquilal ánjel Miguele mu'yuc c'usi chopol laj yalbe ti Pucuj c'alal xvulvun xchi'uc sbec'tal ti anima Moisese. C'ajomal no'ox xi laj yale: “Ac'o xa xchapanot ti Diose.”

Apocalipsis 12:8

Ja'uc le' une, mu'yuc xcuch yu'unic ti letoe. Laj to c'op ma' ti oy stunelic ta vinajele.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:7

Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.