Apocalipsis 12:4 - Bible in Tzotzil de Chamula

⁴ Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Tzotzil Zinacantan

⁴ Li tsajal chone jutuc xa mu oꞌloluc ispꞌajes ta sne li cꞌanaletique, ispꞌajes tal ta balamil. Li tsajal chone tey cotol ta yichon li antse ti poꞌot xa xcole. Jaꞌ smalaoj ta xꞌayan li unene yuꞌun tscꞌan tstiꞌ ta ora.

Bible in Tzotzil de Chenalhó with Deuterocanon

⁴ Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Tzotzil San Andres

⁴ Li tsajal chone la sjip yalel ta sne li cꞌanaletic li te oy ta vinajele. Jutuc xa muc stsꞌuj yalel oꞌlol ta balumil li cꞌanaletique. Li tsajal chone te cotol ta xocon li ants li ta xa xcuxe yuꞌun jaꞌ ta smala chvocꞌ li unene yuꞌun tscꞌan tstiꞌ ta ora.

Tzotzil de Huixtán

⁴ Laj smey ti c'analetic ti sne, hech laj sten yalel ti c'analetique. Jutuc mu sta o'lol ti c'analetique ti laj sten yalele. Ti dragone te cotol ti stojol ti antse ti po'ot xa chcol ti alajele. Yu'un sc'an sti'be yol c'alal mi i'ane.

Apocalipsis 12:4 Iomraidhean Croise

Éxodo 1:16

—C'alal ta xacolesic ta alajel ti hebreo antsetique, q'uelic lec c'usi ololal ti chlaj voc'uque. Ti mi ja' tsebe, ac'o ch'iuc. Yan ti mi ja' querem laj avilique, milic no'ox xch'a.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

Apocalipsis 12:7

Laj taj une, laj quil lic leto ta vinajel. Ti banquilal ánjel Miguele xchi'uc ti anjeletic yu'une, lic stsaquic ta leto ti tsajal jti'oval chone. Jech ti muc' ta tsajal jti'oval chon xchi'uc ti xchi'iltaque, tsacvanic ta leto ec.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:2

Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Apocalipsis 13:4

Ti jnaclejetic ta banomile lic yich'ic ta muc' ti muc' ta tsajal jti'oval chone, ta sventa ti ac'bat smuc'ul stsatsal yu'un ti jti'oval chon loc' talel ta nabe, xchi'uc laj yich'ic ta muc' ti jti'oval chon loc' talel ta nab ti xi ta xalbeique: “¿Buch'u xa la yan xu' yu'un jech c'u cha'al ti xi'bal sba jti'oval chon li'e, xchi'uc buch'u la xu' ta stsal yu'un?”

Apocalipsis 16:13

Ja' jech xtoc un, laj quil ti loc' jujucot rana ta ye ti muc' ta tsajal jti'oval chone, ta ye ti jti'oval chon ti loc' talel ta nabe, ta ye xtoc ti jlo'lavanej j'alc'ope.

Apocalipsis 17:18

Ti ants laj avile, ja' sc'oplal ti muc' ta lum ta spas ta mantal ti ajvaliletic oy ta banomile.”

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.

Apocalipsis 8:10

C'alal laj yoq'uisan yoq'ues ti yoxibal anjele, ja' o laj yich' jipel talel ta vinajel jbej c'anal co'ol s'elan jch'ob ta toj. Ti oxch'ac uc'ume, ti oxch'ac sat vo'e, laj soques jch'ac ti bu t'ubul c'ote.

Apocalipsis 8:11

Ti c'anal taje, ja' sbiinoj ti Ch'a ta jmeque. Ti oxch'ac uc'ume, ti oxch'ac sat vo'e, laj xch'aubtas jch'ac. Yepal no'ox jnaclejetic ta banomil chamic ta scoj ch'aub ti vo'e.

Apocalipsis 8:12

C'alal laj yoq'uisan yoq'ues ti xchanibal anjele, ti oxch'ac sat c'ac'ale, soc jch'ac. Ti oxch'ac sat ue, soc jch'ac. Ti oxch'ac c'anale, soc jch'ac. Jech o xal ti oxch'ac taje, ic'uneb jxet' yo' mu xac' xojobal ta c'ac'altic, mi ja'uc ta ac'ubaltic.

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

Apocalipsis 8:8

C'alal laj yoq'uisan yoq'ues ti xchibal anjele, ja' o laj yich' jipel talel ta nab co'ol to s'elan jbej vits volibil ta c'oc'. Ti oxch'ac nabe, c'ataj ta ch'ich' jch'ac.

Apocalipsis 8:9

Ti oxch'ac ti c'usitic cuxulic ta nabe, cham jch'ac. Ti oxch'ac barcoetique, lilij jch'ac.

Apocalipsis 9:10

Naca oy yacuxail sneic jech c'u cha'al ti tsec yilele. Ta sneic oy stsatsal ta yac'bel yich' svocolic vo'ob u ti jnaclejetic ta banomile.

Apocalipsis 9:19

Ti ca'etique oy yabtejebic ta ye, ta sne ti ta xmilvanique, yu'un co'ol s'elan muc' ta chon ti sneique, ta sjol no'ox ta xac' vocol.