Apocalipsis 12:3 - Bible in Tzotzil de Chamula

³ Laj taj une, xi s'elan vinaj yan senyail xtoc ta vinajel: jcot muc' ta tsajal jti'oval chon ti yich'oj vucub sjole, xchi'uc lajuneb xulub, oy sronail sjol ta jujun.

Tzotzil Zinacantan

³ Ora ivinaj otro jun seña ta vinajel. Tey cotol jcot mucꞌta tsajal chon, vucpꞌej sjol, lajuneb xulub. Oy scoronail jupꞌej sjol.

Bible in Tzotzil de Chenalhó with Deuterocanon

³ Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Tzotzil San Andres

³ Ta ora ivinaj yan senyail nojtoc ta vinajel. Te cotol jcot tsajal chon, jucpꞌej sjol, lajuneb xulub. Oy scoronail sjucpꞌejel li sjole.

Tzotzil de Huixtán

³ Oy yan señail ivinaj uc te ti vinajel. Te oy jcot chon jun to iguana x'elan pero más muc'. Dragón sbi ti chone. Tsoj ti dragone. Hucp'ej ti sjole. Lajunch'ix ti xulube. Oy scorona ti jujup'ej sjole.

Apocalipsis 12:3 Iomraidhean Croise

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Isaías 9:15

(Sc'oplal ti sjole, ja' ta xac' ta na'el sc'oplal ti moletique xchi'uc ti banquilaletique. Sc'oplal ti snee, ja' ta xac' ta na'el sc'oplal ti jlo'lavanej j'alc'opetique.)

Daniel 2:41

“Jcuch abtel, laj avil xtoc ti cha'tos yich'oj ti yoque, ti sni'tac yoque, ti ja' meltsanbil ta lume. Ti jts'oc xtoque, ja' tsatsal taq'uin yich'oj. Ti va'i s'elan taje, ja' ta xac' ta na'el ti ta xc'ot ta cha'ch'ac ti ajvalile, ac'o mi tsots xa yilel ti capal ta tsatsal taq'uine. Ja' yu'un un, Jcuch abtel, laj avil ti jc'os xa tsatsal taq'uine, ti jc'os xa lum yich'oje.

Daniel 2:42

Ti va'i s'elan jc'os xa tsatsal taq'uine, ti jc'os xa lum yich'oj sni'tac yoque, ti jech taje, ja' smelol ta xac' ta na'el ti tsots xa xu' yu'un yilel ti ajvalile, ti c'alal mu'yuc c'usi xu' yu'un xtoque.

Daniel 7:20

Oy ox ta co'nton ta xca'ibe sc'oplal ta sventa ti lajuneb (10) xulube, xchi'uc ti snene' xulub ti oy sate, ti oy jun ye ti mu no'ox ts'icbaj ti c'usi xloc' ta alel yu'une. Jech xtoc oy ox ta co'nton ta xca'ibe sc'oplal ti oxib (3) xulub ti laj yich' c'oquel loq'uele yo' jech xu' ta xch'i talel ti snene' xulub ti jelavem to smuc'ul ta xbate.

Daniel 7:24

Ti lajuneb (10) xulube, ja' sc'oplal lajuneb (10) ajvalil ti ta xchotiic ta pas mantal ti bu ti pasob mantal taje. C'alal mi ech'ic xa ox taje, ta xvul ta loq'uel ta stojolic ti oy jun ti xjelav to xu' yu'une, ti toj yan stalel ta jmeque, ti ja' mu sta ti laj ech'uc ta ba'yele, ti xu' yu'un ta sjip ta lum oxibuc (3) ti ajvaliletic taje.

Apocalipsis 12:1

Xi s'elan vinaj jun muc' ta senyail ta vinajel: oy jun ants sc'u'inoj ti c'ac'ale, xchi'uc stec'obinoj ti ue, ti slapoj sronail sjol ti yich'oj lajcha'bej c'anale.

Apocalipsis 12:13

C'alal laj yil ti muc' ta tsajal jti'oval chon jipe yalel tal ta banomile, snutsoj batel ti ants ti buch'u laj svoq'ues ti yole.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 12:7

Laj taj une, laj quil lic leto ta vinajel. Ti banquilal ánjel Miguele xchi'uc ti anjeletic yu'une, lic stsaquic ta leto ti tsajal jti'oval chone. Jech ti muc' ta tsajal jti'oval chon xchi'uc ti xchi'iltaque, tsacvanic ta leto ec.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:1

Laj quil loc' talel ta nab jcot jti'oval chon ti oy vucub sjole, ti yich'oj lajuneb xulube, ti oy sronail ta jujun ti xulube. Yajcontra Dios le'e, xi yich'oj jun biil ta jujun sjoltac.

Apocalipsis 13:2

Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Apocalipsis 13:4

Ti jnaclejetic ta banomile lic yich'ic ta muc' ti muc' ta tsajal jti'oval chone, ta sventa ti ac'bat smuc'ul stsatsal yu'un ti jti'oval chon loc' talel ta nabe, xchi'uc laj yich'ic ta muc' ti jti'oval chon loc' talel ta nab ti xi ta xalbeique: “¿Buch'u xa la yan xu' yu'un jech c'u cha'al ti xi'bal sba jti'oval chon li'e, xchi'uc buch'u la xu' ta stsal yu'un?”

Apocalipsis 15:1

Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Apocalipsis 16:13

Ja' jech xtoc un, laj quil ti loc' jujucot rana ta ye ti muc' ta tsajal jti'oval chone, ta ye ti jti'oval chon ti loc' talel ta nabe, ta ye xtoc ti jlo'lavanej j'alc'ope.

Apocalipsis 17:12

“Ti lajuneb xulub laj avile, ja' sc'oplal lajuneb ajvaliletic ti mu'yuc to ta spasic mantale. Ta sta yorail un, ta x'ac'batic yabtelic ta spasel mantal jmoj xchi'uc ti jti'oval chone. Ja' no'ox un, jun xa no'ox ora, mu xa jaluc ta spasic mantal.

Apocalipsis 17:16

Ti lajuneb xulubile, xchi'uc ti jti'oval chon laj avile, ta xlic scontrainic ti jmulivajel antse. Cuxul t'anal ta sjip ta stenic comel, ta sti'beic ti sbec'tale, ta xchiq'uic ta c'oc'.

Apocalipsis 17:7

Va'i un, ti anjele xi laj yalbune: “¿C'u cha'al ch'ayal c'ot avo'nton yu'un? Ta xcal ava'i c'usi smelol ta xac' ta na'el sc'oplal ti ants le'e, xchi'uc sc'oplal ti jti'oval chon scajlebinoj batele, ja' ti jti'oval chon ti oy vucub sjole xchi'uc ti lajuneb xulube.

Apocalipsis 19:12

Ti sbec' sate xojobin no'ox jech c'u cha'al leb c'oc'. Yepal no'ox sronail sjol slapoj. Ts'ibabil jun biil xtoc ti ja' no'ox xojtiquin ti stuque.

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.