Apocalipsis 12:12 - Bible in Tzotzil de Chamula

¹² Muyubajan ec un, ch'ul vinajel xchi'uc ti vo'oxuc nacaloxuc ta stojole. Teque' xa no'ox xch'a un ma' ti buch'utic nacalic ta banomile, xchi'uc ti oyic ta muc' ta nabe, yu'un sna' lec ti pucuje, ti jutuc xa sc'an xc'ot yoraile, jech o xal un, yu'un capem xa yalel talel sjol ta atojolic.”

Tzotzil Zinacantan

¹² Yechꞌo un junuc coꞌontic ti cꞌu quepaltic liꞌotic ta vinajele. Jaꞌ abol sbaic li muchꞌutic teyic to ta sjunlej balamile yuꞌun jꞌechꞌel iyal echꞌel ta balamil li pucuje. Capem tajmec sjol yuꞌun snaꞌoj ti mu xa jaluc tspas cꞌu tspase ―xi li muchꞌu icꞌopoje.

Bible in Tzotzil de Chenalhó with Deuterocanon

¹² Ja' yu'un cuxetuc no'ox avo'nton, vinajel, xchi'uc vo'oxuc ti te oyoxuque. Ja' toj abul abaic vo'oxuc ti te to nacaloxuc ta banamil xchi'uc ta nabe, yu'un iyal o tal ta atojolic li banquilal pucuje. Ilinem ta ora, yu'un sna' ti mu xa jaluc ch-abteje”, xi.

Tzotzil San Andres

¹² Jaꞌ yuꞌun muybajcutic noꞌox li cꞌu quepaltic liꞌ oyutic ta vinajele. Jaꞌ abol sbaic li crixchanoetic ta spꞌejel balumile yuꞌun ta jꞌechꞌel iyal o batel ta balumil li banquilal pucuje. Soquem sjol yuꞌun snaꞌoj ti mu xa jaluc ta xꞌabteje ―xi.

Tzotzil de Huixtán

¹² Hech yu'un nichim no'ox co'ntontic, ho'ucutic ti li'oyucutic ti vinajele. Ja' uts sbaic ti te nacajtic ti balumile xchi'uc ti mare, yu'un j'ech'el iyal xa batel ti totil pucuje. Liquem sjol ti ora to yu'un tsna' ti mu xa epuc c'ac'al xu' ch-abteje ―xchi.

Apocalipsis 12:12 Iomraidhean Croise

Isaías 44:23

Jech ec, ch'ul vinajel, avanan ta muyubajel ta sventa ti oy c'usi laj spas ti Diose. Natiquil ch'enetic ti oyoxuc ta banomile, bal to xca'itic ma' le' une, chianic. Vitsetic, abnaletic xchi'uc scotol ti te'etic avu'une, avananic ta muyubajel ti bu xa c'alal xac' ti yipal avu'unique. Yu'un ti Diose laj xa yac' ta q'uelel ti yutsilal slequilale. C'ot xa ta pojel yu'un ti Israel steclumal ti Jacobe.

Isaías 49:13

¡Muyubajan ta avanel un, vinajel! ¡Banomil, mu'yucuc xa c'usi xana' liquel un! ¡Vitsetic, avanan liquel ta yutsil slequil avo'ntonic un! C'ot xa ta pasel yu'un ti Diose ta spatbel yo'nton ti steclumale, ti c'uxubaj yo'nton yu'un ti mu x'ech' xjelav ti svocolique.

San Lucas 15:10

Ta xcalboxuc ava'iic, ja' jech xmuyubajic ti yaj'ánjeltac ti Diose c'alal ta xlic sjelta yo'nton ti jun jsa'mulile.”

San Lucas 2:14

“Mu albajuc yutsilal slequilal ti Dios oy ta vinajele. Yu'un ti jnaclejetic ti oyic ta banomile, laj xa staic ti lec x'ileic yu'une, ja' ti buch'utic jun yo'nton oyic ta stojole.”

Hebreos 10:37

Ti ch'ul c'ope xi ta xale: “Jutuc xa sc'an ta xtal ti Buch'u ta xtal ono'oxe, mu xa xjoc'tsaj.

2 Pedro 3:8

Ja' jech xtoc, Jchi'iltac ti c'uxoxuc ta co'ntone, mu xach'ay ta avo'ntonic, ti jun c'ac'al ta x'ech'e, co'ol s'elan jmil jabil ta xa'i ti Cajvaltique. Ti jmil jabil xtoque, co'ol s'elan jun c'ac'al ta xa'i.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 11:10

Ti jech cham lajique, xlaet to ta xa'i ma' ti jnaclejetic ta banomile. Mu'yuc xa c'usi x'ech' o ta xa'i ti muyubajele, ti xac'anbe xa sbaic matanal ta jujun ta scoj ti mu x'ech' xjelav svocolic laj ya'iic yu'un ti cha'vo' j'alc'opetique.

Apocalipsis 11:14

Ech' ti xcha'cojal (2) vocole. Nopol xa xtal xtoc ti yoxcojal (3) vocole.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:6

Jech lic chopol c'opojuc ta stojol ti Diose, sbisel ta cotol chaval ti sbie, ta stojol ti xch'ulnae, ta stojol ti buch'utic oyic ta vinajele.

Apocalipsis 18:20

Ti vo'oxuc oyoxuc ta vinajele, j'ech'el muyubajanic ti laj ta c'oc' ti muc' ta lume. Ti vo'oxuc jcholc'opoxuque, ti vo'oxuc lac'opojic ta sventa ti Diose, ti vo'oxuc yu'unoxuc ti Diose, j'ech'el muyubajanic ti laj ta c'oc' ti muc' ta lume, yu'un laj ataic chapanel c'alal ac'bat yich' svocol yu'un Dios ti muc' ta lume.

Apocalipsis 8:13

Laj taj une, laj quil xvilet talel jun xic ta o'lol vinajel ti xi tsots ta xal laj ca'ie: “Mu xa ono'ox cha'bel un ma' ti jnaclejetic ta banomil c'alal ta xoq'uisan yoq'uesic ti yan oxib anjeletique.”

Apocalipsis 9:12

Ja' jech ech' ti sliqueb vocole, q'uelel to talel cha'coj.