Apocalipsis 12:11 - Bible in Tzotzil de Chamula

¹¹ Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Tzotzil Zinacantan

¹¹ Li jchiꞌiltactic ta xchꞌunel li scꞌop Rioxe chcuch yuꞌunic, jaꞌ ti xchꞌunojic ti itojbat smulic yuꞌun li Cajvaltic Jesuse, xchiꞌuc ti jamal chalic ti jaꞌ yech xchꞌunojique. “Chajmil”, acꞌu mi xꞌutatic, pero mu xiꞌic o. Muc ta alel yuꞌunic mi jaꞌ ilajic oe.

Bible in Tzotzil de Chenalhó with Deuterocanon

¹¹ Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Tzotzil San Andres

¹¹ Li quermanotactique tspasic ta canal li pucuj li ijipe yalele. Ti tspasic ta canale, jaꞌ ta sventa ti schꞌunojic ti icham ta scojic li Cajvaltique, schiꞌuc ta sventa ti jamal chalic ti jaꞌ Yajcoltavanejique. Acꞌo mi albilic ti chmileique, mu xiꞌic. Muc bu xaqꞌuic ta venta ti chmileique.

Tzotzil de Huixtán

¹¹ Ja' tsalbil ic'ot xa yu'unic ti sventa ti icham yu'unic ti Cajvaltique, ti sventa uc ti jamal laj yalic ti xch'unojique. Yu'un mu xc'uxubin sbaic. Mu xi'ic mi chmilatique.

Apocalipsis 12:11 Iomraidhean Croise

San Lucas 14:26

—Mi oy buch'u sc'an ta xistsacliun ya'i, mi mu xtuch' comel ta yo'nton ti stote, ti sme'e, ti yajnile, ti xnich'nabtaque, ti xchi'iltac ta voq'uele, ti yixleltaque, xchi'uc ti xcuxlejal stuque, mu xu' ta x'och ta cajchanc'op.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

Hechos 20:24

Jechuc un, yavil ti ma'uc jventainoj jtuc ti jcuxlejale, ximuyubaj xa ti tsotsuc sc'oplal jtabeuc spajeb ti cabtel laj yac'bun ti Cajvaltic Jesús ta yalbel ya'iic ti jnaclejetic ti lequil ach' c'ope xchi'uc ti syail xc'uxul yo'nton ti Diose.

Hechos 21:13

Ja'uc ti Pabloe xi laj staq'ue: —¿C'u cha'al ta xavaq'uicun ta at o'nton ta xquil ti ta xa'oq'uique? Ta sventa ti Cajvaltic Jesuse, jchapanoj xa jba ti ma'uc no'ox ta xquich' ti chuquele, ti xu' ta xcac' o jol jbaquil ta Jerusalene.

Romanos 16:20

Ti j'ac'-jun-o'ntonal Diose, ta jliquel no'ox ta slilinbe yip ti pucuje yo' xu' avu'unic ta xpech'el ta teq'uel. Ac'o sva'an sba ta yaq'uel slequilal ta atojolic ti Cajvaltic Jesucristoe.

1 Corintios 15:57

Ja'uc le'e, col no'ox yal ti Diose ti laj xa jtsaltic yu'un ti lajebal ta sventa ti Cajvaltic Jesucristoe.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

1 Juan 5:5

Ti buch'u ta stsal ti sba banomile, ja' no'ox ti buch'u c'ot ta yo'nton ta xch'unel ti ja' Xnich'on Dios ti Jesuse.

Apocalipsis 1:2

Jech ti Juan eque, jamal laj yal scotol ti c'usi laj yile, yu'un ja' rextico yu'un ti sc'op Dios ti laj svinajes ti Jesucristoe.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 11:7

C'alal mi tsuts ti yabtelique, ja' o ta xloc' talel ta xa'ab ti jti'oval chone. Tey ta xlic spasic c'op xchi'uc ti rexticoetique, ti tsalbil ta xc'otic, yu'un ta stsaqueic ta milel yu'un ti jti'oval chon ti loc' talel ta natil xa'abe.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”

Apocalipsis 2:26

Ti buch'u ta stsal yu'un scotole, ti staoj yav yo'nton xcham xlaj ta spasolanel ti c'usi lec ta xquile, ta x'och ta pas mantal cu'un ta sventainel ti muc'tiquil lumetique,

Apocalipsis 2:7

Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Apocalipsis 3:12

Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.

Apocalipsis 3:5

Ti buch'u ta stsal yu'un scotole, ta x'ac'bat slapic saquil c'u'il. Mi ja'uc ta jtubbe sbiic ti oy ta jpoc vun yu'un ti sventa cuxlejale, c'ajomal jamal ta xcalbe sc'oplal ta stojol ti Jtote xchi'uc ta stojol ti yaj'ánjeltaque.

Apocalipsis 6:9

C'alal laj stots yo'obal seyo ti jcot ta Uni Chije, laj quil ta yolon ti altar xch'ulelic ti buch'utic laj yich'ic milel ta sventa laj yalic sc'op ti Diose, xchi'uc jbel ti sc'opic c'usi laj yalique.