Apocalipsis 12:10 - Bible in Tzotzil de Chamula

¹⁰ Va'i un, laj ca'i oy buch'u tsots ta xc'opoj talel ta vinajel ti xi ta xale: “C'ot xa yorail ti pojel colele. Vinaj xa smuc'ul stsatsal ta xventainvan ti Dios cu'untique. Laj yich' xa yabtel ti Cristo yu'une, yu'un laj xa sjip loq'uel ti buch'u ta stic'be smul ti jchi'iltique, ti c'ac'al ac'ubal ta stic'be smul ta stojol ti Dios cu'untique.

Tzotzil Zinacantan

¹⁰ Icaꞌi ti oy muchꞌu iꞌavan ta vinajele: ―Licolotic xa, mu xa xuꞌ xisloꞌlootic li pucuje. Yuꞌun tsots syuꞌel li Cajvaltique, jaꞌ xa tspas mantal li muchꞌu stꞌujoje. Yuꞌun ijipe yalel li Satanase ti cꞌacꞌal acꞌubal ta sticꞌulanbe smulic ta stojol Riox li jchiꞌiltactic ta xchꞌunel li scꞌop Rioxe ti teyic ta balamile.

Bible in Tzotzil de Chenalhó with Deuterocanon

¹⁰ Laj ca'ay oy boch'o tsots chc'opoj ta vinajel, jech laj yal: “Li' xa oy li coltael yu'un Dios cu'untique. Ivinaj xa li svu'ele, xchi'uc ti ja' tspas mantal stuque. Jech noxtoc laj xa yich' tsots svu'el li Cristoe, yu'un ijipat xa yalel li jtic'mulil yu'un jch'unolajeletic te ta banamile ti ta c'ac'al ta ac'ubal tstiq'uilanbe smul ta stojol li Dios cu'untique.

Tzotzil San Andres

¹⁰ Icaꞌi oy buchꞌu tsots icꞌopoj ta vinajel, jech laj yal: ―Poꞌot xa chtuqꞌuib scotol. Yuꞌun li Dios cuꞌuntic li echꞌem stsatsal sjuꞌele, la sjip xa yalel li Satanás ti cꞌacꞌal acꞌubal ta sticꞌulanbe smulic ta stojol Dios cuꞌuntic scotol li buchꞌutic coꞌol quichꞌojtic ta mucꞌ Dios li te to oyic ta balumile. Poꞌot xa ta sticꞌ ta pasmantal li buchꞌu tꞌujbil onoꞌox yuꞌune, jaꞌ li Cristoe.

Tzotzil de Huixtán

¹⁰ Hech yu'un laj ca'i oy tsots chc'opojic te ti vinajel. Hech laj yalic: ―Laj xa sta yorail chcoltavan ti Dios cu'untique. Chvinaj ti jelaven sp'ijile, chlic spas mantal stuc. Ch-och ti pas mantal ti much'u t'ujbil yu'une, ja' ti Cristoe, yu'un itenat xa loq'uel ti Satanase ti ja' tsa'ilambe smul ti quermanotique ti te oyic ti balumile. Ti c'ac'al ti ac'ubal laj sa'be smulic ti stojol ti Dios cu'untique.

Apocalipsis 12:10 Iomraidhean Croise

1 Crónicas 29:11

¡C'otem ta aventa, Dios, ti amuc'ul atsatsale, ti avutsilal alequilale! C'otem ta aventa, Dios, ti abainoj scotole, ti c'otemot ta Ajvalilot yu'un scotole. Yu'un scotol ti c'usi oy ta vinajele, ti ta banomile, c'otem ta avu'un. C'otem ta aventa ti ventainele, ti vo'ot cha'e, Dios, cajal c'otemot yu'un scotol.

Job 1:11

Ja'uc ti le' une, pojbo avil scotol ti c'usi oy yu'une. Ta aba ta asat, ta xavil ta sbisot ta cotol chaval.

Job 1:9

Le' une, xi laj stac' ti jtic'-mulile: —Mu ta jeche'uc no'ox ti spajeb yutsil yo'nton ta xac' sba ta tunel ta atojole.

Job 2:5

Yaleso avil avoc ac'ob ta stojol. Ta xavil ta xlic sbisot ta cotol chaval.

Salmos 22:28

Yu'un Ajvalil ma' ti Dios une, sventainoj ti muc'tiquil lumetique.

Salmos 45:6

Ti ventainel avu'une, Ch'ul Dios, sbatel osil, ti naca lequilal tuq'uilale.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

San Mateo 26:64

Xi laj stac' ti Jesuse: —Vu'un jech c'u cha'al ta xavale. Ta xcalboxuc ava'iic, ta xavilicun liquel ti co'ol j'elantique, ta xichoti ta sbats'i c'ob Dios ti scotol xu' yu'une. Ta xavilicun ta xital ta ba toc.

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Mateo 6:10

La' ventainuncutic. C'otuc ta pasel ti c'usi ta sc'an avo'nton li' ta banomile jech c'u cha'al ta xc'ot ta pasel ta vinajele.

San Lucas 11:2

Ti Jesuse xi laj yale: —Xi xavalic c'alal ta xac'opoj xati'inique: ‘Jtotic Dios, oyot ta vinajel, ich'biluc ta muc' ach'ul bi cu'uncutic. La' ventainuncutic. C'otuc ta pasel c'usi ta sc'an avo'nton li' ta banomile jech c'u cha'al ta xc'ot ta pasel ta vinajele.

San Lucas 22:31

Xi laj yal xtoc ti Cajvaltique: —A'yio ava'i, Simón, Simón, ti pucuje laj xa sc'an ti ac'o avich'ic lilinel jech c'u cha'al ta xich' ic'ael ti trigoe.

1 Corintios 5:4

C'alal ta xatsob abaique, ti jch'ulel xtoque oy ta atojolic. Ja' jech xtoc smuc'ul stsatsal ti Cajvaltique oy ta atojolic.

2 Corintios 12:9

Ja'uc ti Cajvaltique xi laj yalbune: “Ja' jelavem tsots sc'oplal ta xtun avu'un ti syail xc'uxul co'ntone, yu'un ta xvinaj ti jmuc'ul jtsatsal ta stojol ti buch'u mu'yuc yipal yu'une.” Jech o xal un, ximuyubaj xa ti mu'yuc yipal cu'une yo' jech ta xvinaj smuc'ul stsatsal ti Cristo ta jtojole.

SUN TITO 2:3

Jech xtoc ti yayiletique, albo ya'iic ti lecuc ta q'uelel ti xcuxlejalique, ti ma'ucuc yesic ta lo'iltavaneje, ti ma'ucuc ti yacubel ta spasique. Yu'un tsots sc'oplal ac'o yaq'uic ta q'uelel ti c'usi lec ta pasele,

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 2:26

Ti buch'u ta stsal yu'un scotole, ti staoj yav yo'nton xcham xlaj ta spasolanel ti c'usi lec ta xquile, ta x'och ta pas mantal cu'un ta sventainel ti muc'tiquil lumetique,

Apocalipsis 7:10

Xi tsots ta x'avan scotolique: “Ti pojel colel laj jtatique, ja' ta sventa ti Dios cu'untique, ja' ti Buch'u chotol ta muc' ta chotlebale, xchi'uc ti jcot ta Uni Chije.”