Apocalipsis 11:8 - Bible in Tzotzil de Chamula

⁸ Telel ta xcom sbec'tal stacopalic ta calle ta muc' ta jteclum ti bu laj yich' jipanel ta curus ti Cajvaltique, ja' ti jteclum ti xco'olaj xchi'uc ti jteclum Sodoma ma le' une, mi ja' ti muc' ta lum Egiptoe.

Tzotzil Zinacantan

⁸ Tey telajtic chcomic ta mucꞌta caya ta Jerusalén ti chaꞌvoꞌe, jaꞌ li jteclum yoꞌ bu imile li yajvalique, jaꞌ ti Jesuse. Li crixchanoetic tey nacajtique, chopol ch-ileic yuꞌun Riox chac cꞌu chaꞌal chopol iꞌileic ti crixchanoetic ta Sodomae xchiꞌuc ta Egipto ti voꞌnee yuꞌun coꞌol chopol cꞌusi tspasic.

Bible in Tzotzil de Chenalhó with Deuterocanon

⁸ Li sbec'talique te no'ox telajtic chcom ta xoralil li Muc'ta lum yo' bu la smilic Cajvaltique, ja' li lum ti xco'laj xchi'uc Sodoma xchi'uc Egiptoe.

Tzotzil San Andres

⁸ Li sbecꞌtal stacupalique te telel chcomic ta scayail Jerusalén, jaꞌ li jteclum li bu imile li yajvalique, jaꞌ li Jesuse. Li jchiꞌiltactic li te nacalique, chopol ta xꞌileic yuꞌun Dios jech chac cꞌu chaꞌal li crixchanoetic ta Sodoma schiꞌuc ta Egipto ta voꞌonee, yuꞌun coꞌol naca chopol li cꞌusi tspasique.

Tzotzil de Huixtán

⁸ Ti cha'vo'ique te chcom sbec'talic te ti calle te ti Jerusalén yo' bu imilat ti cruz ti Cajvaltique. Ti sventa ti Ch'ul Espíritue ti jna'tic ti co'ol yo'ntonic ti jchi'iltac ti te nacajtique xchi'uc ti much'utic nacajtic ti Sodoma xchi'uc ti Egipto ti vo'one chil ti Diose.

Apocalipsis 11:8 Iomraidhean Croise

Génesis 13:13

Ti bu taje, scotol ti jnaclejetic teye, chopol stalelic. Mu ts'icbaj ti mulil ta spasic ta sba ta sat ti Diose.

Génesis 19:24

Jech ti Diose laj yac' taluc c'oc' xchi'uc azufre. Yal talel ta sba ti jteclum Sodomae xchi'uc ti jteclum Gomorrae.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Isaías 3:9

Ta x'aq'ueic ta q'uexlal apun yu'un ti c'usitic mu'yuc smelol ta spasique. Mu xa mucbaj ti smulique, co'ol ta spasic jech c'u cha'al ti sodomaetic ti ta sba ta sat scotol lum ta sa' ti smulique. Mu xa ono'ox cha'bel un, ti buch'u va'i s'elan ta spasic taje, ta xac'be sba svocol stuquic.

Jeremías 23:14

Xi s'elan quiloj mu stac' alel c'usitic chopol ta spasic ti j'alc'opetic yu'un ti lum Jerusalene: naca mulil, lo'lavanej; ta xac'beic yip yo'nton ta spasel c'usi chopol ti buch'u mu'yuc xch'ulel xa'i sbaique, yo' mu xictaic yu'un un. Ti stuquic une xchi'uc ti jnaclejetic ta jteclume, c'otic ta loq'uel jech c'u cha'al ta spasic ti muc' ta lum Sodomae xchi'uc ti Gomorra ta xquil une.

Jeremías 26:23

Taje, ta Egipto to, laj staic talel ti Uriase, ti vul yaq'uic ta yoc ta sc'ob ti ajvalil Joacime, ti laj yal mantal ti ac'o yich' milele, ti ac'o ba smucbeic sbec'tal stacopal ti bu oy smuquinalic ti mu'yuc stu ech'ique.

Ezequiel 16:46

“Ti avix ti oy ta yolon ti yolon xocon sloq'ueb c'ac'ale, co'ol s'elan lum Samaria xchi'uc ti bic'tal jteclumetic yu'une. Ti amuc ti oy ta yolon ti yac'ol xocon sloq'ueb c'ac'ale, co'ol s'elan lum Sodoma xchi'uc ti bic'tal jteclumetic yu'une.

Ezequiel 16:49

Ti smul laj sta ti achi'il ta voq'uel Sodomae, xi s'elane: Ti stuque xchi'uc ti bic'tal jteclumetic yu'une, stuc xa no'ox xa'iic ma' ti busul c'usitic ta stun slajese. Mu'yuc c'usi sna'ic ti cuxulique. J'ech'el mu'yuc xt'olbijic ta scoltael ti me'une, xchi'uc ti buch'utic ch'abal c'usi x'ayan yu'une.

Ezequiel 23:19

J'ech'el laj sten sba ta sbolomalinel sba, ta svulesel ta sjol jech c'u cha'al ech' talel ta sbolomalinel sba ta stsebal ta Egiptoe.

Ezequiel 23:27

Ta jtsutsesbot ti sc'upijel avo'nton ta sbolomalinel aba ti laj avac' aba ta Egiptoe. J'ech'el ta xch'ay ta asat ti egipcioetique, mi ja'uc xa ta xvul ta ajol.

Ezequiel 23:3

Ta stsebalic no'ox ti chib antsetic taje, lic sbolomalin sbaic. Laj yac' sbaic ta picolanel ta Egipto. Laj to me c'op ma' ti tojol tseb une.

Ezequiel 23:8

C'alal oy ta Egiptoe, lic sjoy ti yepal no'ox vay xchi'uc ta sbolomalinel sbae, ti mu jutebuc laj yicta sbae. Tey laj sc'oplal ti tojol tseb to une.

Ezequiel 37:11

Va'i un, xi laj yalbun ti Diose: “Ti jteclum Israele, co'ol s'elan jech c'u cha'al ti taquin baquetic le'e, yu'un xi ta xalolanique: ‘Ta xitaquilaj ta j'ech'el. Laj sc'oplal ma' ti oy patob o'ntonale, mu xa cha'bel un.’

Amós 4:11

“C'ot ta pasel cu'un ti oy c'usi tsots laj jtac talel ta atojolic yo' jech ta jtsutsesoxuc ta j'ech'el jech c'u cha'al c'ot ta pasel ta jteclum Sodoma xchi'uc ti ta Gomorrae, ti co'ol s'elan chac uban ac'al ti ja' to no'ox laj yich' loq'uesel ta jornoe. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

San Mateo 10:15

Melel ta xcalboxuc ava'iic, c'alal ta sta yorail ti chapanele, ech'em tsots tsitsel ta xich'ic, ja' mu sta ti buch'utic nacajtic to ox ta Sodomae xchi'uc ti ta Gomorra jteclume.,

Hechos 9:4

Toj yalel ta lum ti Sauloe. Laj ya'i ti oy Buch'u c'opoj ti xi ta xale: “Saulo, Saulo, ¿c'u cha'al avac'ojbe yipal ta snutselun?”

Hebreos 13:12

Ja' jech ec ti Jesuse laj yich' svocol ta milel ta loq'ueltic yu'un ti jteclume yo' ta sventa xch'ich'el stuc ta spoc ta stus ti jteclume.

Hebreos 6:6

mi ta xch'ay ti xch'unajel yo'ntone, mu xa cha'bel c'usi stac' utel yo' ta xnopaj talel ta stojol ti Diose, yu'un ja' stuquic ta xcha'jipanic ta curus Xnich'on ti Diose, ti ta xaq'uic ta labanel ta sba ta sat scotol ti jnaclejetique.

2 Pedro 2:6

Ja' jech xtoc ti Diose jbel sc'oplal laj slilin ta tubel ti jteclum Sodomae xchi'uc ti Gomorrae. Laj xchic' ta c'oc' ja' to c'uxi tan laj yicta comele yo' ta scaj'ac'be sna' ti jech ta staic ec ti chopol jnaclejetic ti ts'acal to ta xvulic ta loq'uele.

Judas 1:7

Ti va'i s'elan laj spasic ti anjeletique, jech laj spasic ec ti jnaclejetic ti nacalic to ox ta jteclum Sodomae xchi'uc ta jteclum Gomorrae, xchi'uc ta jteclumetic ti joyol ta spat xocone. Laj yac'beic yipal ta xchi'inel sbaic ta vinical ti c'alal ma'uc jech albil sc'oplale. Jech o xal sbatel osil laj yich'ic chiq'uel ta c'oc' yo' ta xtun ta sventa sbijubtasel ti yan yo' mu spasic ti c'usi chopole.

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 11:9

Yepal ti jnaclejetic ta banomile, ti jujuchop ti sts'unubalique, ti jujutos ti sc'opique, ti jujun muc'tiquil lume, o'lol xchanibal c'ac'al (3.5) ta slabanic ti telel ta calle ti sbec'tal stacopale, mi jset'uc xaq'uic ta muquel.

Apocalipsis 14:20

Ti uvae, ta sti'il jteclum laj yich' pits'el. Ti bu ta xich' pits'ele, naca ch'ich' loc' talel, ti stabe spreno ye ca' ti stayleje, xchi'uc vo'lajunvinic (300) kilómetro sjamlej bein batel ti ch'ich'e.

Apocalipsis 14:8

Nabal talel xchibal ánjel xtoc ti xi ta xale: “Tsalel xa, yal xa ta lum ma' ti muc' ta Babiloniae, ti buch'u laj xa syacubtas scotol ti jnaclejetic oyic ta sjoylej banomile ta scoj ti laj sbolomalin sba yu'un ti sc'upijel yo'ntone.”

Apocalipsis 16:19

Jav ta oxjav ti muc' ta jteclume. Ti muc'tiquil lumetic oy ta sjoylej banomile, laj lomanuc yalel. Ti muc' ta lum Babiloniae, vulesat ta o'ntonal yu'un Dios yo' jech ta x'ac'bat yuch' pox, smelol ti tsots sc'ac'al yo'nton yich'oj yu'une.

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 17:18

Ti ants laj avile, ja' sc'oplal ti muc' ta lum ta spas ta mantal ti ajvaliletic oy ta banomile.”

Apocalipsis 17:5

Jtos o ta a'yiel ti xi ts'ibabil jun biil ta sti'bae: “Ti muc' ta Babiloniae, me'il yu'un ti buch'utic ta sbolomalin sbae, xchi'uc scotol ti c'usi toj chopol ta xil Dios li' ta banomile.”

Apocalipsis 18:10

Nom va'alic ta xcomic ta scoj xi'elal yu'un ti vocol ti xi ta xalique: “Mu xa ono'ox cha'bel un, laj xa c'op, muc' ta lum Babilonia, ti xu' to ox avu'un avaloje. Ta uni jliquel no'ox vul ti avocole.”

Apocalipsis 18:18

ti xi ta x'avanic c'alal laj yilic xch'ailal ti muc' ta lum ta xc'aq'ue: “¿Mi yu'un la oy bu yan muc' ta lum xco'olaj jech c'u cha'al ti muc' ta lum le'e?”

Apocalipsis 18:2

Xi tsots x'avet ta xale: “Tsale xa, yal xa ta lum ti muc' ta lum Babiloniae. Joybij xa ta snail pucujetic, ta snail ep ta tos xch'ulel bol pucujetic, ta xluchleb ep ta tos j'ac'-ib-o'nton mutetic, ta snail ep ta tos co'lal jti'oval chonetic.

Apocalipsis 18:21

Va'i un, tal jun tsatsal ánjel ti laj stsac jun muc' ta ton ti co'ol s'elan stanal molinoe, laj sjip batel ta nab ti xi laj yale: “Ja' jech ta xavich' jipel yalel ta lum, muc' ta lum Babiloniae, j'ech'el lach'ay o ta sba satil.

Apocalipsis 18:24

Ti li' ta muc' ta lume, laj yich' tael amul ta scoj mal xch'ich'el ti buch'utic c'opojic ta sventa ti Diose, ti buch'utic ja' yu'untaque, xchi'uc scotol ti buch'utic laj yich'ic milel ta sjoylej banomile.