Apocalipsis 11:6 - Bible in Tzotzil de Chamula

⁶ Ac'bil smuc'ul stsatsalic ti rexticoetic taje, ti mu xaq'uic taluc vo' ta vinajel ti c'u sjalil ta xc'opojic ta sventa ti Diose. Ac'bil smuc'ul stsatsalic xtoc ta sjoybinel ta ch'ich' ti vo'e, xchi'uc ta yilbel svocol ti banomil yu'un ep ta tos cuxul j'ilbajinel vocol ti jaycoj xal yo'ntonique.

Tzotzil Zinacantan

⁶ Li chaꞌvoꞌe acꞌbil syuꞌelic, xuꞌ yuꞌunic ta spajesic voꞌ ti cꞌu sjalil chalic aꞌyuc li cꞌusi iꞌalbatic yuꞌun ti Rioxe. Acꞌbil syuꞌelic noxtoc, xuꞌ yuꞌunic ta scꞌatajesic ta chꞌichꞌ li ucꞌumetique. Xuꞌ xꞌipaj yuꞌunic li crixchanoetique, cꞌusuc noꞌox chamelal xuꞌ chaqꞌuic. Ti jayꞌechꞌel tscꞌan ti acꞌu ipajicuc li crixchanoetique, xuꞌ yuꞌunic.

Bible in Tzotzil de Chenalhó with Deuterocanon

⁶ Li chibique ac'bil svu'elic sventa tsmaquic li vinajele, yu'un jech mu xac' vo' ti c'alal ja'o chcholic c'usi albilic yu'un Diose. Xchi'uc oy svu'elic sventa tsc'atajesic ta ch'ich' li vo'etique, xchi'uc xu' yu'unic ta xac' tsaqueicuc ta tsatsal chamel li cristianoetic ta banamile, ja' ti jayib velta tsc'an tspasic jeche.

Tzotzil San Andres

⁶ Li chaꞌvoꞌique acꞌbil sjuꞌelic jech xuꞌ yuꞌunic ta spajesic li joꞌ ta vinajele yoꞌ jech mu xacꞌ o joꞌ li cꞌalal jaꞌ o chalic li cꞌusi albilic yuꞌun li Diose. Schiꞌuc acꞌbil sjuꞌelic jech xuꞌ yuꞌunic ta scꞌatajesic ta chꞌichꞌ li ucꞌumetique. Schiꞌuc xuꞌ yuꞌunic chacꞌ tsaqueicuc ta chamel li crixchanoetique, cꞌusiuc noꞌox chamelal xuꞌ chacꞌ tsaqueicuc o. Ti jayib velta tscꞌan chacꞌ ti acꞌo tsaqueicuc ta chamel li crixchanoetique xuꞌ yuꞌunic.

Tzotzil de Huixtán

⁶ Ti cha'vo'ique ac'bil sp'ijil yu'un hech xu' tspajes ti ho'e te ti vinajel hech mu xtal ho' ti balumil c'alal yac'oj sba chcholic ti c'usi ch-albatic yu'un ti Diose. Ac'bil sp'ijil uc yu'un xu' tsc'atajes ti ch'ich' ti uc'umetique, xu' chac'be xchamel ti crixchanoetique, ti jayib vuelta tsc'an yo'ntonic ti chac'be xchamel ti crixchanoetique.

Apocalipsis 11:6 Iomraidhean Croise

1 Reyes 17:1

Ti j'alc'op Elías ti liquel talel ta Tisbe ta yosilal Galaade, xi laj yalbe ya'i ti Acabe: “¡Ta j'ech'el ta jva'an ta rextico ti Ajvalile, Dios yu'un ti Israel ti yajtunelune, ti mi mu xcale, mi ja'uc ta xac' jset'uc vo' ti jabil ta xtale, mu ja'uc ta xbaj jset'uc ts'ujul!”

San Lucas 4:25

Ta xcalboxuc ava'iic, yepal no'ox me'unal antsetic ta Israel c'alal yorail xanav ti Eliase, c'alal ja' o yorail mu'yuc xac' vo' oxib (3) jabil xchi'uc o'lol ti mu no'ox albajuc lic vi'nal ta sjunlej ti banomile.

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

Apocalipsis 16:3

Loc' batel ti xchibal anjele, laj scocan yalel ta nab ti sbel sbise. Ti ya'lel nabe c'ataj ta ch'ich' jech c'u cha'al xch'ich'el junuc jmilel vinic. Cham scotol ti c'usi cuxajtic ta nabe.

Apocalipsis 16:4

Loc' batel ti yoxibal anjele, laj scocan yalel ti sbel sbis ta uc'umetic, ta sat vo'etic. Lic c'atajuc ta ch'ich' scotol.

Apocalipsis 8:8

C'alal laj yoq'uisan yoq'ues ti xchibal anjele, ja' o laj yich' jipel talel ta nab co'ol to s'elan jbej vits volibil ta c'oc'. Ti oxch'ac nabe, c'ataj ta ch'ich' jch'ac.

1 Samuel 4:8

¡Teque' no'ox xch'a un! ¿Buch'u xa ta xispojotic mi lij'och ta yoc ta sc'ob ti diosetic ti scotol xu' yu'un taje? ¡Yu'un ja' ono'ox laj stsutses ti egipcioetic ti c'alal c'ot ta stojolic ti ep ta tos vocol ta sbajtical banomile!