Apocalipsis 11:3 - Bible in Tzotzil de Chamula

³ Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

Tzotzil Zinacantan

³ Jaꞌo ta jtac echꞌel chaꞌvoꞌ ti chba yalic li cꞌusi ta xcalbeique. Oxib jabil xchiꞌuc oꞌlol tey ch-albat lachiꞌiltac ta israelale. Li chaꞌvoꞌ ta jtac echꞌele jalbil tsatsal chivo scꞌuꞌic ti chꞌixaltic ta lapele. Jaꞌ seña ti chat o yoꞌonic li cꞌusitic chopol ta spas lachiꞌiltac ta israelale ―xiyut.

Bible in Tzotzil de Chenalhó with Deuterocanon

³ Pero ta jtac batel chib testigo cu'un; chbat xcholic jc'op o'lol xchanibal jabil. Ja' tslapic li c'u'il ti c'ux ta lapele”, xiyutun.

Tzotzil San Andres

³ Jaꞌ o ta jtac ba chaꞌvoꞌ, jaꞌ chba yalic li cꞌusi ta xcalbeique. Oꞌlol schanibal jabil te ch‐albatic la achiꞌiltac ta israelale. Li chaꞌvoꞌ li ta jtac batele jalbil tsotsil tentsun ta slapic ti chꞌixaltic ta lapele. Jaꞌ svinajeb ti acꞌo yictaic li cꞌustic chopol ta spasic la achiꞌiltac ta israelale ―xiyut.

Tzotzil de Huixtán

³ Ti jtac batel cha'vo'ic. Te chc'otic ti Jerusalén yu'un chc'o yalbe ti achi'iltaque, ho'oxuc ti judiooxuque, ti c'usi jc'an xcalbee. Slapojic ic'al poc' chanavic batel, ja' señail ti ac'o sutes yo'ntonic yu'un ti smulique ti achi'iltaque. Ti cha'vo'ique hal chchol ti jc'ope. Ja' chchol o'lol xchanibal habil ―xiyutun.

Apocalipsis 11:3 Iomraidhean Croise

Génesis 37:34

Va'i un, ti Jacobe laj xch'i' ta jatel ti sc'u'e. Lic slap at o'ntonal c'u'il. Ep c'ac'al laj yoq'uita. Mu xch'ay ta yo'nton cham ti xnich'one.

2 Samuel 3:31

Ts'acal to un, ti Davide xi laj yalbe ti Joabe xchi'uc ti c'u yepal ti xchi'iltac svoloje: “Ch'i'ic ta jatel ti ac'u'ique. Jatantic xa ac'u'ic lapic liquel. Oyucoxuc ta vul o'ntonal yu'un sme'inalil ti jlajel jtubel Abnere.” Tijil batel ti ajvalil David ta spat ti bu poybil batel ti animae.

1 Reyes 21:27

C'alal laj ya'i ti Acab scotol ti va'i s'elan taje, lic xch'i' ta jatel ti sc'u'e. Lajemic xa lic slap ti sc'u'e. Laj yicta yot. Ja' jech ta xvay xchi'uc ti sc'u'e, ti xvulvun ta xa'i ti yo'nton yu'une.

2 Reyes 19:1

C'alal laj ya'i ti ajvalil Ezequías ti va'i s'elan taje, laj xch'i' ta jatel ti sc'u'e. Jatantic xa ti c'u'il laj slapic ech'el svinajeb ti mu x'ech' xjelav ta xa'i ti svocole. Bat ta xch'ulna ti Diose.

1 Crónicas 21:16

C'alal laj stoy batel sat ti Davide, laj yil ti yaj'ánjel Dios xtuchoj ta sc'ob ti yespada ti sloq'uesoj ta snae. Sye'oj batel ta stuq'uil ti Jerusalene, ti liquem talel ta vinajele, ti c'otem to c'alal banomile. Va'i ti David une, xchi'uc ti moletique, jatantic xa sc'u'ic slapojic, snupilanic xa banomil laj spatan sbaic ta lumtic.

Nehemías 9:1

Ta xchanibal xcha'vinic c'ac'al (24) ta yual ono'oxe, ti israeletique laj stsob sbaic yo' ta scomes yotic. Laj slapic lajemal c'u'il, xchi'uc laj svij lum ta sjolic.

Job 16:15

Ta yatel xa co'nton, laj jlap lajemal c'u'il, ti jts'ucan xa ta pucuc ti jole.

Salmos 69:11

mi ta jlap c'u'il sventa at o'ntonale, j'ac'-tse'ejun xa yu'un scotolic.

Isaías 22:12

Ti jech sc'ac'alil taje, ti Dios ti scotol xu' yu'une, laj staoxuc ta iq'uel ta yoq'uitael abaic, ta svulel avo'ntonic, ta sloq'uel stsotsil ajolic, ta slapel lajemal c'u'il yo' jech ta xvinaj mu x'ech' xjelav ti avocolic ava'iicuque.

Jeremías 1:10

“Ta xcac' ta ave ta ati' ti jc'ope. Tana li'e, ta xcac'bot tsots avabtel ta yalel ti j'ech'el ta xich'ic tubbel sc'oplalic ti jipbil tenbil ta xloc' ti ajvaliletique, ti j'ech'el ta xtub sc'oplal sicotan ta xcom ti muc'tiquil lumetique. Jech xtoc ta xcac'bot tsots avabtel ti ta aventa ta xich' toyel va'anel liquel ti muc'tiquil lumetique.”

Lamentaciones 2:10

Ti moletic yu'un ti c'upil sba Sione, naca sta ta xchotan sbaic ta lumtic. Ta svijbe xa sbaic tanil c'oc', lajemal c'u'il xa slapojic. Ti tsebal antsetic yu'un ti Jerusalene, nijil comic ta lum ta j'ech'el.

Ezequiel 4:6

Mi c'ot ta ts'aquiel avu'un taj une, ta xlic apuch'an aba ta stuq'uil abats'i c'ob un. Ta xalaman ta aba cha'vinic (40) c'ac'al smul scolo' slumal ti Judae. Ti cha'vinic (40) c'ac'al sjalile, ta xjoybij ta jun jabil ti jun c'ac'ale.

Daniel 12:7

Jech ti vinic ti buch'u slapoj ti lequil saquil c'u'ile, xi laj yal ti c'alal laj stoy ti sc'ob ta vinajel ti laj sva'an ta rextico ti cuxul Diose: “Li' to c'alal ta o'lol xchanibal jabile, c'alal mi laj sc'oplal ti ch'abal xa yipic ta yilbajinel ti steclumal Diose. Va'i unbi, ja' to jech ta xc'ot ta tsutsel ti va'i s'elan taje.”

Daniel 7:25

Ti jun taje ta xchopol-c'opta ti Dios ti oy ta toyole. Ta naca sta ta stsutsesbe ech'el steclumal ti Diose, ti oy ta yo'nton ta sjel ya'i ti oy jbel ti c'usi tsots albil yu'un ti Diose, ti ta stubbe sc'oplal ti sq'uinaltac ti c'u s'elan ch'unbil yu'unique. Yu'un ja' o'lol xchanibal (3 1/2) jabil sjalil oy ta yoc ta sc'ob ta yilbajinel steclumal ti Diose.

Daniel 8:14

Va'i un, xi laj yich' taq'uel sutel tal ti c'ope: “Ja' ta xjalij cha'mil xchi'uc vo'lajunvinic (2,300) ti jujun xmal sacube. Mi ech' ti va'i sjalil taj une, ta xc'ot ta pasel ta xlic yich' cha'lecubtasel ti ch'ulnae.”

Joel 1:13

Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Jonás 3:5

Jech ti jnaclejetic ta jteclume, mi cajal sc'oplalic, mi peq'uel sc'oplalic, laj xch'unic ti c'u s'elan laj yal ti Diose. Laj spucbeic sc'oplal ti ac'o yicta ti yotique, ti ac'o slapic ti lajemal c'u'ile, ti vinajuc ti c'ux ta sta ti svocolique.

Jonás 3:8

Mu stac' ti jech ta xich' pasele. C'ajomal no'ox, lapic acotolic ti lajemal c'u'iletique. Oc'an avananic ta stojol ti Diose. Ictaic comel ta jujun ti jech yanijem ti ajol avo'ntonique, ti c'usitic mu'yuc smelol ti yacal to ta xapasic avi tana li'e.

Números 11:26

Oy chib viniquetic yu'unic ta slajunebal xchanvinic ta vo' moletic ti t'ujbilique, ti mu'yuc xbatic ta Axibalnae. Ti june, ja' Eldad ti sbie. Ti june, ja' Medad ti sbie. Manchuc mi comic ta snaic, va'i un, laj yich'ic ti sbijilic ti co'ol s'elan j'alc'opetic lic c'opojicuc ta snaique.

San Mateo 11:21

—Mu cha'beluc un, jteclum Corazín. Mu cha'beluc un, jteclum Betsaida. Ati lajuc yilic ti jnaclejetic ta Tiro xchi'uc ta Sidón jteclum jech chac c'u cha'al ta xavilic avi li'e, vo'ne xa laj sutes sbaic ta stojolal Dios, laj slapic c'u'il sventa at o'ntonal, laj svijbe sbaic tan ti jechuque.

San Mateo 18:16

Mi mu xich' ta muc' ti ac'ope, ic'o batel jun chibuc achi'il yo' ta xa'iic c'u s'elan ta x'ale ti mulile xchi'uc ta xc'ot ta rextico xtoc ti chib oxib taje.

San Lucas 10:13

“Mu xa ono'ox cha'bel un, jteclum Corazín. Mu xa ono'ox cha'bel un, jteclum Betsaida. Ati lajuc yilic ti jnaclejetic nacajtic to ox ta Tiro xchi'uc ta Sidón jteclum, ti c'usi ch'ayal ta xc'ot o'ntonal yu'un jech c'u cha'al ta xavilic avi li'e, vo'ne xa laj sjelta yo'ntonic, laj slapic c'u'il sventa at o'nton, laj svijbe sbaic tan ti jechuque.

San Lucas 24:48

Rexticooxuc ti jech c'ot xa ta pasele.

San Juan 15:27

Ta xavalbeicun jc'oplal ec un, yu'un ta sliquebal ono'ox laj achi'inicun talel.

San Juan 3:27

Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

Hechos 1:8

Ja'uc ti c'alal ta xavich'ic ti Ch'ul Espiritue, ta xac'boxuc atsatsalic avipic yo' jech ta xaloq'uic batel ta yalel ti jc'oplale. Ta xlic avalic liquel li' ta Jerusalene, ta sjunul slumal ti Judeae, ta sjunul slumal ti Samariae, ta sjoylej ti banomile.

Hechos 13:31

Jal c'ac'al, ti Jesuse laj yac' sba iluc ta stojol ti buch'utic laj xchi'inic ta xanobal ti lic talel ta Galileae, ti c'ot ta Jerusalene. Ja'ic rexticoetic avi tana li'e ta xalbeic ya'i ti jnaclejetic sc'oplal ti Jesuse.

Hechos 2:32

Lec un cha'e, ti Jesuse, cha'cuxesat yu'un ti Diose. Taj une, rexticouncutic yu'un.

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

1 Corintios 12:28

Laj sc'an stuc ti Diose ti ba'yel laj sva'an ti jcholc'opetic ta stojol ti jch'unolajeletique. Ti xchibale, laj sva'an ti buch'utic ta xalic ti c'usi ta x'ac'bat sna'ic yu'une. Ti yoxibale, laj sva'an jchanubtasvanejetic xchi'uc ti buch'utic ta xaq'uic ta ilel ti oy c'usi ch'ayal ta xc'ot o'ntonal yu'une. Laj sva'an xtoc ti buch'u xu' yu'un ta scolesel ti jchameletique, ti buch'u xu' yu'un ta xcoltavane, ti buch'u xu' yu'un ta xtojobtasvanique, ti buch'u xu' yu'un ta xc'opojic ta yan c'opetique.

2 Corintios 13:1

Ja' xa yoxcojal ta xtal jq'ueloxuc. Scotol ti c'usi sc'an chapanel avu'unique, ja' to ich'bil ta muc' ta xc'ot mi oy chib o oxib rextico ta sva'an sbae.

Efesios 4:11

Jel tos laj yac'anbe sbijil ta jujun tal. Yu'un oy jlom laj yac'be sbijil yo' jech ta x'och ta jcholc'op. Oy jlom laj yac'be sbijil ta yalel ti c'usi ta x'ac'bat sna'ic yu'un ti Diose. Oy jlom laj yac'be sbijil ta yalel ti lequil ach' c'ope. Oy jlom laj yac'be sbijil yo' ta x'och ta sbainel jch'unolajeletic xchi'uc jchanubtasvanejetic.

Deuteronomio 17:6

“Ti jech ta xloc' sc'oplal ta xich' milele, ja' no'ox mi oy chib mi oxibuc rextico ta xalique. Mi jun no'ox ti uni rextico ta xal ti c'u s'elane, mu'yuc buch'u xu' ta xjelav yoc sc'ob ta smilel.

Deuteronomio 19:15

“Mu'yuc tac'bil ta xc'ot sc'op mi jun no'ox rextico ta sva'an sba ta yalel ti oy buch'u milvane, ti oy smule, ti oy c'usi chopol laj spase. Ja' no'ox ich'bil ta muc' ta xc'ot mi oy chib oxib rextico ta xalic ti oy smule.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 11:2

Yamaq'uil ti xch'ulna oy ta loq'uebale, mu xabis talel, yu'un ac'batic xa ta yoc ta sc'ob ti jyanlumetic ti ch'ul jteclum ti oy sc'oplal ta soquesic ta pech'olanel ta teq'uel o'lol xchanibal jabil.

Apocalipsis 11:6

Ac'bil smuc'ul stsatsalic ti rexticoetic taje, ti mu xaq'uic taluc vo' ta vinajel ti c'u sjalil ta xc'opojic ta sventa ti Diose. Ac'bil smuc'ul stsatsalic xtoc ta sjoybinel ta ch'ich' ti vo'e, xchi'uc ta yilbel svocol ti banomil yu'un ep ta tos cuxul j'ilbajinel vocol ti jaycoj xal yo'ntonique.

Apocalipsis 12:6

Ti antse jatav batel ta xocol banomil ti bu chapanbil xa yu'un Dios, yo' ta xmalq'uine oxlajuneb yoxvinic (1,260) c'ac'al.

Apocalipsis 13:5

Ac'bat yich' stsatsal ti jamal ye ta yalel ti c'usiuc no'ox chopol ta xloc' ta alel yu'une, ti c'usiuc no'ox chopol xalilan ta stojol ti Diose, xchi'uc ti oy sc'oplal ta xich' tsots yabtel o'lol xchanibal jabile (3.5).

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.