Apocalipsis 11:12 - Bible in Tzotzil de Chamula

¹² Va'i un, ti cha'vo' rexticoetique laj ya'iic oy buch'u tsots c'opoj talel ta vinajel ti xi albatique: “Muyanic talel li'e.” Jech volibil ta toc, muyic batel ta vinajel, ti ileic yu'un ti yajcontraique.

Tzotzil Zinacantan

¹² Li chaꞌvoꞌe iyaꞌiic ti oy muchꞌu icꞌopoj ta vinajele. ―Muyanic tal liꞌtoe ―xꞌutatic. Volbil ta toc imuyic ta vinajel. Cꞌalal imuyique, ilbil yuꞌun scotol scrontaic.

Bible in Tzotzil de Chenalhó with Deuterocanon

¹² Laj ya'yic oy boch'o tsots chc'opoj ta vinajel jech i'albatic: “Muyanic tal li'i”, x'utatic. Jech imuyic batel, macbil ta toc ibatic. Li yajcontraique laj yil scotolic.

Tzotzil San Andres

¹² Li chaꞌvoꞌique iyaꞌiic buchꞌu icꞌopoj ta vinajel, jech iꞌalbatic: ―Muyanic talel liꞌi ―xꞌutatic. Volbil ta toc imuyic batel ta vinajel. Cꞌalal imuyic batele, iꞌileic yuꞌun scotol li yajcontraique.

Tzotzil de Huixtán

¹² Ti cha'vo'ique laj ya'i oy tsots chc'opoj ti vinajel. Hech i'albatic: ―Muanic tal li'i ―x'utatic. Ti yajcontraique te va'ajtic laj sq'uelic imuic batel ti vinajel xchi'uc toc ti cha'vo'ique.

Apocalipsis 11:12 Iomraidhean Croise

2 Reyes 2:1

C'ot ta pasel un, tal tsots sutub ic' c'alal ti Dios ta xic' muyel ta vinajel ti Eliase. Ti Elías une xchi'uc ti Eliseoe, loq'uic ech'el ta Gilgal.

2 Reyes 2:11

C'alal yacalic ta xanvil ta xlo'ilajic batele, ta jech to yepal, vul ta loq'uel jcot carreta ti volibil ta c'oq'ue, xchi'uc ca' ti volibil ta c'oc' xtoque. Ch'acatic batel yu'un. Ti Elías une, ic'at muyel ta vinajel ta jun tsots sutub ic'.

2 Reyes 2:5

Ja'uc ti j'alc'opetic ti nacalic ta Jericoe, loq'uic batel ta snupel ta be ti Eliseoe, ti xi laj yalbeique: —¿Mi xana' xa ti avajchanubtasvaneje, ta xic'bot batel ti Diose? —Jna' xa —xi laj stac' ti Eliseoe—. Ja'uc le' un, ts'ijlanic no'ox me. Mu me c'usi xavalic un.

2 Reyes 2:7

Ja'uc le' une, c'ot lajuneb yoxvinic (50) ta vo' j'alc'opetic ti xi snatil sq'ueloj sbaic xchi'uc ti Eliase, ti Eliseoe, ti va'ajtic c'otic ta ti' uc'um Jordán ti stuquique.

Salmos 112:10

Ti jech ta x'ile yu'un ti buch'u mu'yuc xch'ulel xa'i sbae, xti'et xa ma' ti sjol une, xc'uxet xa ye ma' ti tsalbil cote. Ta xc'ot ta tsutsel sbic'tal yo'nton ma' ti buch'u mu'yuc xch'ulel xa'i sbae.

Salmos 15:1

Dios, ¿buch'u xu' ta xc'ot ta ach'ulna un? ¿Buch'u xu' ta xnaqui ta ch'ul vits avu'un?

Salmos 24:3

¿Mi oy la buch'u xu' ta xmuy ech'el ta vits yu'un ti Diose? ¿Mi oy la buch'u xu' ta x'och batel ta xch'ulna?

Salmos 86:17

Vinajesbun ti oy yutsil slequil avo'ntone; mi vinaj une, nijil ta xc'otic ta q'uexlal ti buch'u xti'et sjolic ta jtojole. Ti vo'ot une, Cajval, coltaun un, patbun co'nton.

Éxodo 14:25

Soquesbat scarosal ti carretaetic yu'unique. Mu xa xu' xanavic lec. Ja' yu'un un, ti egipcioetique xi laj yalbe sbaique: —Jatavcutic, quictatic comel ti israeletique. Yu'un ja' ta xistsacotic ta leto stuc ti Diose. Ta spoj ti israeletique.

Isaías 14:13

Yu'un xi laj anop ta avo'ntone: ‘C'alal to vinajel ta xic'ot. Ta jchotan jpasob mantal ta sba c'analetic yu'un ti Diose. Le' to xbat chotlucun ta nom ta yolon ti yolon xocon sloq'ueb c'ac'ale, ti bu ta stsob sbaic ti banquilaletic ti co'ol s'elan diosetique.

Isaías 40:31

Ja'uc ti buch'u spatoj yo'ntonic ta stojol ti Diose, yantic no'ox ta xich' batel ti yip ti jelavem xu' yu'unique. Xu' ti co'ol s'elan xic ti xviletic no'ox ta j'ech'ele. Mu xojtiquinic ti lubele. Nom to c'ot ma' ti lubul pich'il ti lum ach'el ta xa'iique.

Isaías 60:8

¿Buch'uic le'e ti xvoletic no'ox jech c'u cha'al xtemet talel ti toque, ti co'ol s'elan paloma jmoj xvoletic no'ox liquel ti ta xbat ta svayebique?

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

San Lucas 16:23

C'alal ta xich' svocol ti jc'ulej ti bu oy ti animaetique, laj stoy muyel sat, laj yil ta nom ti Abrahame xchi'uc ti Lazaroe.

Hechos 1:9

Ti jech laj yal taj une, c'alal jech va'al sq'uelojic to oxe, ti Jesuse ic'bil bat ta vinajel ti volibil muy ta toc ti ch'ay batel ta satique.

1 Tesalonicenses 4:17

Ts'acal to un, ti li' to cuxulotic une, jmoj ta xij'iq'ue batel xchi'uc ta snupel ta be ta ba toc ti Cajvaltique, ti j'ech'el ta xba jchi'intic sbatel osil ti Cajvaltique.

Apocalipsis 12:5

Ti antse laj svoq'ues jun squerem ti ta xc'ot ta sventa ti co'ol s'elan tsatsal taq'uin jbel xc'opoj ta spas ta mantal scotol ti jnaclejetic oyic ta jujun lume. Ti yol une poje batel, iq'ue muyel ta vinajel ta stojol Dios ti chotol ta muc' ta chotlebale.

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”