Apocalipsis 11:11 - Bible in Tzotzil de Chamula

¹¹ C'alal sta ti o'lol xchanibal c'ac'ale (3.5), cha'cuxesatic yu'un ti Diose, laj xcha'tam sbaic liquel, xi'ic ta j'ech'el scotolic ma' ti buch'utic laj yilique.

Tzotzil Zinacantan

¹¹ Ti cꞌalal ilaj oxib cꞌacꞌal xchiꞌuc oꞌlole, iquil ti ichaꞌcuxesatic yuꞌun ti Rioxe, ivaꞌiic. Scotol ti muchꞌutic iyilic ti ichaꞌcuxiique ixiꞌic tajmec.

Bible in Tzotzil de Chenalhó with Deuterocanon

¹¹ C'alal its'aqui li o'lol xchanibal c'ac'ale, i'ac'bat yich'ic ic' yan velta yu'un Dios. Jech icuxiic, itotsic. Scotol li boch'otic laj yilique ixi'ic ta jyalel.

Tzotzil San Andres

¹¹ Cꞌalal iꞌechꞌ oꞌlol schanibal cꞌacꞌale, iquil ichaꞌcuxesatic yuꞌun Dios li chaꞌvoꞌique, itotsic. Scotol li buchꞌutic iyilic ichaꞌcuxiique ixiꞌic tajmec.

Tzotzil de Huixtán

¹¹ C'alal i'ech' ti o'lol xchanibal c'ac'ale, ti cha'vo'ique icha'cusesat yu'un ti Diose, hech laj jq'uel. Hech iliquic, laj sva'an sbaic. Scotol ti much'utic laj sq'uelique, toj xi'el ic'otic.

Apocalipsis 11:11 Iomraidhean Croise

Génesis 2:7

Va'i un, ti Dios ti ja' Ajvalile, ta lum lic smeltsan ti vinique. Lic xvuch'tabe sni'. Lic ochuc xch'ulel yu'un. Ja' jech s'elan lic cuxiuc ti vinique.

Jeremías 33:9

Ti Jerusalene, mu'yuc xa buch'u xtaun o ta xca'i yu'un ti ximuyubaje, cutsilal quich'el ta muc' yu'unic ta sba ta sat ti muc'tiquil lumetic ti oy ta banomile. C'alal ta xa'iic ti naca lequilal ta xc'ot ta pasel cu'un ta stojol ti jnaclejetic ta Jerusalene, ti mu'yuc c'usi sna'ique, ta xniquic ta xi'el.”

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Hechos 5:11

Scotol ti jch'unolajeletique xchi'uc ti yan jnaclejetic ta banomile, c'alal laj ya'iic ti va'i s'elan c'ot ta pasele, xi'ic ta j'ech'el.

Hechos 5:5

C'alal jech laj ya'i ti Ananiase, ta jech yepal toj yalel ta lum, toj chamel c'ot. Xi'ic ta j'ech'el ti buch'utic laj ya'iique.

Romanos 8:11

Ta sventa ti nacal ta atojolic ti Ch'ul Espíritu yu'un ti Diose, ja' ta xac'boxuc xcuxlejal ti abec'talic ti sna' chame, yu'un nacal ta atojolic ti Ch'ul Espíritu ti Buch'u laj xcha'cuxes ti Jesucristoe.

Romanos 8:2

Yu'un ti Ch'ul Espíritu ti ta xac'botic ach' jcuxlejaltic ta sventa ti jech oyotic ta stojol Cristo Jesuse, laj xa scoltaotic loq'uel ta stojol yip ti mulil ti lajebal xale.

Josué 2:9

—Ca'binoj lec, ti Diose yac'ojboxuc xa ti banomil li'e. Yu'un c'ot xa ta pasel ti ja' stuc ta xac' ep xi'el ta co'ntoncutique. Yu'un scotol ti c'u yepal nacalic li'e, batem xa xch'ulelic ta xi'el avu'unic.

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 11:9

Yepal ti jnaclejetic ta banomile, ti jujuchop ti sts'unubalique, ti jujutos ti sc'opique, ti jujun muc'tiquil lume, o'lol xchanibal c'ac'al (3.5) ta slabanic ti telel ta calle ti sbec'tal stacopale, mi jset'uc xaq'uic ta muquel.