Apocalipsis 11:1 - Bible in Tzotzil de Chamula

¹ Li'ac'bat jun vara aj sventa sbisobil ti c'usi sc'an bisele, ti xi li'albate: “Batan, ba biso talel c'u smuc'ul xch'ulna ti Diose, xchi'uc c'u smuc'ul ti altare. Chapo xtoc c'u yepal ta xich'ic ta muc' Dios ti bu taje.

Tzotzil Zinacantan

¹ Liꞌacꞌbat jun metro coꞌol xchiꞌuc aj. Ti Rioxe jaꞌ yech liyalbe chac liꞌi: ―Ba pꞌiso cꞌu smucꞌul li templo ta Jerusalene xchiꞌuc li xchicꞌobil jmoton teyoꞌe. Nito jayvoꞌ noxtoc ti tey chiyichꞌic ta muqꞌue.

Bible in Tzotzil de Chenalhó with Deuterocanon

¹ Jech li'ac'bat jch'ix aj xco'laj xchi'uc metro. Jech li'albat: “Batan, bat biso c'u smuc'ul li ch'ulna yu'un Dios te ta Jerusalene xchi'uc li scajleb smotone. Ato noxtoc ti jayib te chich'ic ta muq'ue.

Tzotzil San Andres

¹ Liꞌacꞌbat jtel aj sventa cꞌusi ta jpꞌistic o. Jech liyalbe li Diose: ―Ba pꞌiso cꞌu smucꞌul li mucꞌta chꞌulna cuꞌun li te ta Jerusalene, schiꞌuc li scajleb jmotone. Ato nojtoc ti jayvoꞌ te chiyichꞌic ta muqꞌue.

Tzotzil de Huixtán

¹ Hech yu'un ni'ac'bat jch'ix aj hech chaj c'u che'el metro sventa yu'un oy c'usi ti jp'istic. Hech ni'albat: ―Ba p'iso c'u smuc'ul ti templo cu'une te ti Jerusalén xchi'uc ti bu ti scajaneb jmotone. Tuso me uc jayvo' ti achi'iltaque ti te chiyalbucun vocol te ti templo yu'un mu'yuc much'u ep ti chiyalbucun vocol ti jtojole.

Apocalipsis 11:1 Iomraidhean Croise

Isaías 28:17

Ti bu ta xlic ti abtel taje, ja' ta jtunes ta jplomo ta sq'uelel ti tuq'uil jol o'ntonal ti tuc' ta xbat ti chapanele. Ta jtunes ta jnivel ta sq'uelel ti bu jun yutsil slequil ta xich' pasele.” Ti naca jutbil laj asa'ic ti apojobbailique, ta slilin ti bote. Ti anopojic c'otem ti anac'obbailique, smeset no'ox batel yu'un ti vo'e.

Daniel 7:27

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Números 33:18

Loq'uic ech'el ta Hazerot, c'ot slaman sbaic ta Ritma.

2 Corintios 6:16

¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

Apocalipsis 10:11

Va'i un, oy buch'utic xi laj yalbeicune: “Tsots sc'oplal ta xlic ava'an aba ta scaj'alel ti c'usi ta xac' ta na'el ti Dios ta stojol ti epal jnaclejetic oyic ta jujun lume, ti jujun muc'tiquil lume, ti jujutos sc'opojelique, ta stojol ti jujun ajvaliletique.”

Apocalipsis 21:15

Ti ánjel ti laj sc'oponune, oy ta sc'ob co'ol s'elan jun aj meltsanbil ta oro yo' ta sbis ti jteclume, ti jujun sti'e, xchi'uc ti smocale.