Apocalipsis 10:4 - Bible in Tzotzil de Chamula

⁴ C'alal laj c'opojic ta c'avlajetel ti vucub chauque, ta ox jtsac ta vun ti c'usi laj yalique, ja'uc le'e, laj ca'i oy buch'u c'opoj talel ta vinajel ti xi laj yalbune: “Mu xatsac ta vun ti c'usi laj yalic ti vucub chauque, ch'an uto, mu'yuc c'usi xaval.”

Tzotzil Zinacantan

⁴ Ti cꞌalal laj avanicuque, ta ox jtsꞌiba ta vun li cꞌusitic iyalique. Li Cajvaltique liscꞌopon tal ta vinajel. ―Mu me xatsꞌiba ta vun li cꞌusitic iyalic ti coꞌol xchiꞌuc vucmoj chavuque. Avoꞌon noꞌox snaꞌ ―xiyut.

Bible in Tzotzil de Chenalhó with Deuterocanon

⁴ C'alal ic'opojique, ta ox jts'iba ta vun li c'usitic laj yalique. Pero laj ca'ay oy boch'o ic'opoj ta vinajel jech laj yalbun: “Mu me xaval c'usi laj yalic li vucub chauque. Mu me xats'iba ta vun”, xiyutun.

Tzotzil San Andres

⁴ Cꞌalal laj cꞌopojicuque, taꞌox jtsꞌiba ta jun li cꞌustic laj yalique. Pero liscꞌopon talel ta vinajel li Cajvaltique, jech liyalbe: ―Mu me xaval, mu me xatsꞌiba ta jun li cꞌustic laj yalic li coꞌol schiꞌuc jucub chauque ―xiyut.

Tzotzil de Huixtán

⁴ Chc'opoj ti chavuque. Hech yu'un c'alal laj avanuc, jc'an jts'iba ti hun ti c'usi laj yal ti chavuque. Laj ca'i oy much'u chc'opoj ti vinajel. Hech laj yalbun: ―Mu me much'u chavalbe ti c'usi laj yalic ti hucub chavuque. Mu me xats'iba ti hun ―xiyutun.

Apocalipsis 10:4 Iomraidhean Croise

Isaías 29:11

Scotol ti c'usi ta xich' ilele, c'ot ta atojolic jech c'u cha'al junuc jlic balbil ts'ibabil vun ti pac'al lec ta seyoe. Mi ta x'ac'batic sq'uel junuc ti buch'u sna' vune, ti xi ta x'albate, “Q'uelo ca'itic c'usi ta xal”, xi ta staq'ue: “Mu xu' un, yu'un pac'bil seyoal.”

Isaías 8:1

Ti Diose xi laj yalbune: “Sa'o jpechuc muc'ul tenel-te'. Ta xats'iba letraetic ti xchiquintaj no'ox yu'un ta a'yibel smelol ti buch'uuc no'ox xojtiquin ti xi ta xale: ‘Maher-salal-hasbaz.’

Isaías 8:16

Bejluc me ta ajol avo'ntonic ti c'op li'e; avo'ntonuc no'ox me sna' ti c'u s'elan laj avich'ic tojobtasele, ti laj avich'ic chanubtasel cu'une.

Daniel 12:4

“Ja' no'ox un, ti vo'ote, Daniel, ts'ijlan no'ox me. Avo'ntonuc no'ox sna' ti va'i s'elan taje. Ja' jech xtoc, pac'bo lec xpix ti jpoc vune. Q'uejluc o, ja' to ti c'uxi ta xc'ot ti yorail albile. Yu'un ep ti xtal xbat ta jujujot ti jnaclejetic ta sa'ilanel ti c'uxi xu' ta sta lec ti sbijilique.”

Daniel 12:9

Ti stuque xi laj stac'bune: “Xu' xa xatam batel abe, Daniel, yu'un ti va'i s'elan taje, tsots sc'oplal ti mucluc comuque, ja' to me ti c'uxi ta xc'ot ti yorail albile.

Daniel 8:26

Sc'oplal ti jujun xmal sacub ti la'ac'bat avil ti c'alal jam ti aba asate, le'e, ja' ono'ox melel une. Ja' no'ox ti vo'ot une, ts'ijlan no'ox me. Yu'un ta ono'ox me xc'ot ta pasel ti mi jalij xa ech'ele.”

Deuteronomio 29:29

“Yu'un oy jaytos ti mu jayloq'ueluc jna'tique: Taje, ja' sventainoj ti Ajvalil Dios cu'untique. Oy lij'ac'bat jna'tic xchi'uc ti calab jnich'nabtac ti c'otuc ta pasel cu'untic ta j'ech'ele: ja' ti c'ot ta smantaltac scotol ti jbel c'usi tsots albile.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:19

Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele.

Apocalipsis 10:8

Ti buch'u laj ca'i ti c'opoj talel ta vinajele, lic xcha'c'oponun ti xi laj yalbune: “Batan, ba tsaco ti uni jambil biq'uit balbil vun ti oy ta sc'ob ti ánjel stec'anoj yoc ta nabe, ta banomile.”

Apocalipsis 22:10

Xi laj yalbun xtoque: “Mu xamuc ti c'usi ta scaj'al ti sc'op Dios tsacbil ta jpoc vun li'e, yu'un po'ot xa sta yorail ta xc'ot ta pasele.